Read Lamnso Nsùyrì Nyùy 70 Bible Online

Nsùyrì Nyùy 70 - Lamnso bible

Nsùyrì Nyùy 70

¹[83] Éè Nyùy, ku lùŋèr mo. Éè NYÙY TÀR, ku wìy cér, e sə̀ mo.

²Ku yiì, é wír ve á taʼ, e laàr dzəʼə̀m yémé wáa tùʼtìn, a woomé. Ku shòór wír ve á kér shií ji m lémé, ku yiì, aá tín kiwuú fo mǒ bàm.

³Ku yiì, é wír ve á jaʼ mo ji ajwèkòʼo kfə́mén, é woómé sév sí yii, aá kfə́mén.

⁴M lón ji wír ve á kóʼti e wò sii wáa sheʼrí, á kú a sheʼrí, a yu vijuŋ vé. Wír adzə̀m ve á beerì wò ji wò‑oò lùŋèr áwune, á wáa yòŋ ghán sidzə̀m jii, «Nyùy dzə̀ e gháʼtín.»

⁵Yii bèy, m dzə̀ ŋgaà kitàn, a m dzə̀ là kifá. Éè Nyùy, ku wìy cér e mǒ wùn. Dzə̀ wò, wo à luŋèr mo, aà dzə̀ NYÙY TÀR wo m ghvə́mé. Éè NYÙY TÀR, lá à yòʼ ndzə̀y fóo sə mo.