Read Lamnso Nsùyrì Nyùy 76 Bible Online

Nsùyrì Nyùy 76 - Lamnso bible

Nsùyrì Nyùy 76

¹[92] Á kì Nyùy e nsay Juda, aá yoŋ e Isray ji wù dzə̀ e gháʼtín.

²Wù tùúy ne láʼ rə́ é Jerusalem, a Gwan Sion dzə̀ fo wù dzə́.

³Dzə̀ fó, fo wù‑uù beʼtin mvən se á naan ne, à ŋkeè wov, à nyùy rə̀r yev, à vifá vév vé rər ví vidzə̀m.

⁴Rúrú, Nyùy, à dzə̀ e gháʼtín. Viwìr vé vi shaà vitaáví, à sí sə́y fo gwan, bínsi mbeeteé.

⁵À faàsì ne vifá ve rər fo antavi, aáwune sí néŋ neŋén é ŋòròʼ. Bó gwèy yòʼ kfə̀n dzəə́ nan kiwó.

⁶Nyùy wor èy, Nyùy wor èy, Nyùy wo Jakov‑iì ghvə́mé, à wàm áwune wámén, à nyàmŋkoʼ, à ŋgaà koʼ, á nen kù gbù, e kpù.

⁷À dzə̀ rú féyì, a wìr dzə̀m fan wò fánen. A dòʼshwiiy wò ŋàʼáy, a dzə̀ kòʼtí la e wò si?

⁸Wò‑oò tsə̀nsí sáʼ fo yuv, wír veé kitu ke nsayi fán. Á fán, e sə̀tí shuu wóv.

⁹Vé‑eè sə̀sín mo wò‑oò wìyìn ji à tínén nsaʼ, e bòyìr wir dzə̀m ve á nyavrì sho e kitu ke nsay.

¹⁰Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

¹¹Vèn wáa kàʼ NYÙY TÀR woo Nyùy won, a yiì mo vèn kàʼàn. Ven vee vitúm vee fó ghaŋ, vèn wáa wìy aàfómoó, a fo e wun, wun wo wìr dzə̀m kér fó a ghvəm,

¹²a wù lo, wù bàʼ kinyè ké vé saʼ ve á kóʼor wún, aàfon ve ghaʼtín veé kitu ke nsayi fan wun fánen.