Read Lamnso Nsùyrì Nyùy 84 Bible Online

Nsùyrì Nyùy 84 - Lamnso bible

Nsùyrì Nyùy 84

¹[103] Rúrú, NYÙY TÀR woo Taà Mànjòŋ, lav yè cù bòŋ feyì, là mfìʼ.

²Rúrú, m yár jíŋ feyì yé a dzə e NYÙY TǍR lav, a m yov shilív shidzə̀m, búri Nyùy, wun woo Nyùy wo wù dzəə̀n e tin.

³Éè NYÙY TÀR, wò woo Taà Mànjòŋ, à dzə̀ fon, a dzə Nyùy wom, a fə̀m dzə̀ shinjaàr, bo shí baʼrì láʼ rə́ a dzə̀ é ghaa kiy cù, a shighaà shi baʼrì rə́ fó, maʼ wúm, kayì.

⁴Bòŋ ké wìr ve á dzə́ e wò lav, yov, búri wò ghán sidzə̀m.

⁵Bòŋ ké wìr ve á yén kév ji vitaáví vév ví kù lo a dzə̀ fo wò, aá kér shií ji á wáa dù, a bùnrì wò e Gwan Sion.

⁶Áwune lóo tosín Kiwoóy ké Baka,[104] kiwoóy ke dzəə̀n kirə́ʼ ke yumér kí, áwune kù yèn ji fóo dzə̀ á kirə́ʼ ke ntòŋ sé ndzəv sí fəə́ fo, kirə́ʼ ke wuú mbìyi loon, e sə̀tí fó e kisəəvì kí.

⁷Vitaáví vév ví kù kúy, du duùn fó mbìy, aá kù yíi dù, e yen Nyùy e Sion, wun woo Nyùy wo wù shaàn anyùy adzə̀m.

⁸Éè NYÙY TÀR, Nyùy wo wù sáʼ mànjòŋ vé rərí, ku yù bunrì yémé. Éè Nyùy wo Jakov‑iì ghvə́mé, ku yuùrí, e yù.

⁹Éè Nyùy, ku lèéy fon, a kòŋ, fon wo dzəə̀n kikiŋ kér. Kú a leéy fo fòn wo à shoʼon, e yòʼ.

¹⁰Kishiíy ke wìr rəsin e wò lav kimòʼón ki bòŋ, e shaà kee nsə̀kì ke wìr rə́sí fómóʼó. Bòŋ ji m wáa dzə nshìylav, e Nyùy wóm lav, e shaà fó a dzə e wír ve á méŋ Nyùyí laʼ.

¹¹NYÙY TÀR, wun woo Nyùy dzə̀ shuy wìr və́, a kfə̀n dzə̀ wun kikiŋ kév. Wù din koŋ rə́ aáwune, kóʼor ghay wóv. Bó yòʼ dzə̀ wù kìm kifá ke juŋ ki fo wír vəə́, wír və́, ve á ghán e wun mbòv, là kiloʼ.

¹²Éè NYÙY TÀR, wò woo Taà Mànjòŋ, bòŋ ké wìr wo wù tiir vifií e wò wùn.