Read Lamnso Nsùyrì Nyùy 85 Bible Online

Nsùyrì Nyùy 85 - Lamnso bible

Nsùyrì Nyùy 85

¹[105] Éè NYÙY TÀR, à kù‑uù sí shám mendzən me wìr vee wò wòŋ, wò‑oò lo siìr vikuʼùy vé wìr veé Isray aáwune.

²À láysín vinyo ve wír vée yii, a ví tínsin wò, e màn ajay vév adzə̀m.

³À siír dòʼshwiiy wò e bàm, e mèy kfə̀nkfə́n fó dòʼshwiíy wo wù‑uù kív wò.

⁴Éè Nyùy, wò wo à luŋèr ver, távír ver, é vèr wáa dzə moó fiirí. Ku neèr dòʼshwiiy wò wo à kér bìʼ ver.

⁵À yíi a shwiíy kilòŋ bìʼ ver, e dù, e jòʼsì à? À kù wíy a shwiíy kilòŋ fo ŋgwàʼ si sidzə̀m à?

⁶Ku fìyír dzəʼə̀m yérí, é wír vée wáa sheʼrí wò, a sheʼrí, bìʼ vinyo ve à yii.

⁷Éè NYÙY TÀR, ku dìn ver koŋ yé, koŋ yé ye à yii koŋ wír vé sho. Ku sə̀ ver, é vèr luŋ.

⁸Mo‑óò yuúrí lèn kinyo ke Nyùy woo NYÙY TÀR yíi a suúy. Wù yíi kàʼ wír və́ e nyaáŋ, wir dzə̀m wo melív mev mè tíy e wun wùn. A kù dzə̀ cáʼ ji áwune maʼti á kiyúŋsì.

⁹Rúrú, wù yòʼ yíi ndzə̀y fóo lùŋèr wír ve á ghvə́m wun. Wù yíi lùŋèr, aá yén vikuʼùy və́, a ví dzə̀ e vèsə́n nsay,

¹⁰é vinyo ve Nyùy wùn à wír və́ ví nèn shèmsín, shémsinè, é wù wáa kòŋ áwune, aá wáa tiy e wun wùn. Á kù wíy a yiì vinyo ve ru ví, é wù wáa fo áwune nyaáŋ.

¹¹Melív me wíri mè wíy a tiy e Nyùy woó yúv wùn, é wù wáa leéy fo yuv, a yiì, é vinyo vi wáa dù réŋ é nsay.

¹²Dzə̀ rú, NYÙY TÀR yíi fo vèsən kisəəvì, é viyíkìr vi wáa jàmtìn jàmtìn e vèsə́n wòŋ.

¹³Wù shaa fèé, á kù yèn kinyo kfə́ ke wù yii yii là jay, a kí kù yíi shem e wun mbìy, a kiv dzə́ə ye wù wáa shaà sho.