Read Lamnso Nsùyrì Nyùy 93 Bible Online

Nsùyrì Nyùy 93 - Lamnso bible

Nsùyrì Nyùy 93

¹NYÙY TÀR sáʼ vifon. Wù maʼ ndzə̀y, a kù dzə̀ vikuʼùy və́, kúr se kurín sí, a kù dzə̀ vitaáví və́ vé saʼ. Wù tùúy ne kitú ke nsay, a bó yòʼ dzə̀ kifá ki sə̀ʼ.

²NYÙY TÀR, sáʼ yée kù‑uù sì, e kèʼ fo yàŋgùʼ. À kù‑uù sì, e kèʼ fo kèʼ.

³Éè NYÙY TÀR, ntòŋ sé rìbà ndzə̀v, ntòŋ sé rìbà ndzə̀v sí meékirì, sí meékir, yor e ŋàŋ.

⁴NYÙY TÀR woó yuv dzə̀ Ŋgaà Vitaàví Vidzə̀m. Wù tàv shaà rìbà ndzə̀v wo wù yorì, e tàv shaà rìbà ndzə̀v wo wù tsə́yninè.

⁵NYÙY TÀR, nsər sé si kù tíy fo ŋkuuŋkùŋ. Lav yè kù wíy a dzə kirə́ʼ ke á cu wò fo, cu wò viyá viyá là may.