Read Lamnso Nsùyrì Nyùy 95 Bible Online

Nsùyrì Nyùy 95 - Lamnso bible

Nsùyrì Nyùy 95

¹Vèn wiy, é vèsən wáa yòv, a burí NYÙY TÀR. Vèsən wáa yòv, a ndzəʼ Ŋgaà Lùŋèr wòsən, Wù dzə̀ Kilán ke kí kiŋsìn vèsən.

²Vèsən wáa koʼtí e wun si, a beèrì wun, a wùʼsì wun e yòv bùrí.

³NYÙY TÀR dzə̀ Nyùy wo wiy, a dzə̀ Fon wo wiy wo wù shaàn anyùy adzə̀m.

⁴Sáʼ wun kitú ke nsay kidzə̀m, a kér wun agwan adzə̀m.

⁵Yì‑iì fèr wun rìbà ndzə̀v, a kér wun. Nsay ye yumér, kù‑uù bòm wun.

⁶Vèn wiy, é vèsən gvə́ʼtí, a sùyrì NYÙY TÀR. Vèsən tsə́m ndzəə́ e wun si. Wù dzə̀ Ŋgaà Mbom wòsən.

⁷Wù dzə̀ Nyùy wòsən. Vèsən nén a dzə wír və́ ve wù danèrì. Vèsən dzə̀ moo njiì wo wù leey fo fo. A vèn yù, a Nyùy yoŋ ven lán,

⁸lá vèn yòʼ a ŋway mo atàr véné‑eè ŋwayin é Meriba, mo áwune‑eè yiìn é kishiíy fóo fèy e woʼ yee Massaa.

⁹NYÙY TÀR suuy jii, «Vé‑eè mùm mo fó, a ghiʼ mo, a vé‑eè yèn ne vinyo ve ghaʼtín ve mò‑oò yiìn.

¹⁰Mò‑oò yù nyár vèr à ŋgwàʼ rə̀n kiyá mkweè, e sùúy jii, ‹Melív mev mè yòʼ tíy e mǒ wùn gheéy, aáwune tén fó a yu kinyo kém.›

¹¹M shwiíy kilòŋ, e yiì kilìʼ jii, ‹Bó yòʼ dzə̀ féyì áwune wìy nə̀ə́ e mǒ kirə̀ʼ ké meèmè.› »