Read Lamnso Kintaŋ 7 Bible Online

Kintaŋ 7 - Lamnso bible

Kintaŋ 7

¹Yì‑iì dzə̀ é kishiíy ke Mooser‑iì màysìn, e tùúy kibàn ké NYÙY TÀR, wù yóʼ wùn à vifá və́ ví, ví wáa dzə jeéy ji vé Nyùy. Wù‑uù yòʼ sá kíy cù, wú wáa dzə jeéy wùn à vifá ve ker və́ ví.

²Wáa dzə e kishiíy fóo fèy, vilìmbìy ve wìr veé Isray ve dzəə̀n atǎr kfəə vi wìy aàfómo véví. Kù‑uù dzə̀ vilìmbìy ve ram seé Isray ve ví‑iì leey wír ve vé‑eè táŋ wíri.

³Vé‑eè wiy aàfómo véví e NYÙY TǍR si, a vé‑eè dzə̀ jii, viténtén ve sumèn ví ntuùfú wùn aànàʼa nshòv sibaà e ghvə̀m. Vilìmbìy vibaà ví‑iì fó kiténtén kimòʼón, a kilìmbìy kimòʼón ki fó nàʼ e mòʼón. Áwune ku nèn fò vifá vìn e shùu kibàn ké Nyùy.

⁴NYÙY TÀR nèn sùúy e Mooser jii,

⁵«Səə́sí vifá ve áwune wìyìn shó vi, aá yiì a yiì lim seé *kibàn ké ntàsín shó. Jàvtì e wír veé ram Levìi mo lim sév sí dzə̀kìn.»

⁶Mooser ku nèn sə̀ viténtén viy wùn aànàʼa, e fò e wír veé ram Levìi.

⁷Wù‑uù fò viténtén vibaà wùn aànàʼa akweè e wír Gershone mo lim yéví taʼà,

⁸e fò viténtén vikweè wùn aànàʼa waamé e wír Merarìi mo lim yéví dzəə̀n. A kù‑uù leey Itamar woo wan taà cù Aaron lím wìr vìn adzə̀m.

⁹Mooser jàvtì bèy, e làa yòʼ fo kifá e wír Kohati, bìʼ fo yév yee lime‑eè dzəə̀n ji á wáa leéy fo vifa ve kibàn ké NYÙY TÀR ve á yíi a beʼ a dzə̀ é mbèʼ.

¹⁰Vilìmbìy vi‑iì wìy sá e cu yév yee bìʼ kíy cù wo vé‑eè yóʼ e kishiíy fóo fèyi. Á wìy sho, e lèm e ghaa kiy cù.

¹¹NYÙY TÀR suúy e Mooser jii, «Vilìmbìy vi wíy a fo cu yév yee bìʼ kíy cù wo yoʼóné, a wìr wíy a fo e kfə́ kee kishiíy kí.» Á ku nèn a yiì bèy.

¹²Wír wo wù‑uù foon rə́ é kishiíy ké mbìy ki‑iì dzə̀ Naashon woo wan Amminadav woo rám Juda,

¹³a cu rəə́‑əə̀ dzə̀ kikóŋ kee *kisha ke mbàm ke fəvír kí, a vidzəəsì ví dzə̀ *ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

¹⁴Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

¹⁵Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

¹⁶e fò sá kibév ji ké cù ajay,

¹⁷e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Naashon woo wan Amminadav‑iì foon.

¹⁸Wáa dzə e kishiíy kee baà, Netanel wo yì‑iì dzəə̀n kilìmbìy ke wìr veé Issakar, a dzə̀ wan Tsuyar nèn yiì rə́ yee cu,

¹⁹a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

²⁰Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

²¹Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

²²e fò sá kibév ji ké cù ajay,

²³e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Netanel woo wan Tsuyar‑iì foon.

²⁴Wáa dzə e kishiíy kee taár, nén a dzə Eliav woo kilìmbìy ke wìr Sebulun, a dzə̀ wan Helon,

²⁵a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

²⁶Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

²⁷Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

²⁸e fò sá kibév ji ké cù ajay,

²⁹e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Eliav woo wan Helon‑eè foon.

³⁰Wáa dzə e kishiíy kee kweè, nén a dzə Elisur wo yì‑iì dzəə̀n kilìmbìy ke wìr Ruben, a dzə̀ wan Shedeur,

³¹a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

³²Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

³³Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

³⁴e fò sá kibév ji ké cù ajay,

³⁵e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Elisur woo wan Shedeur‑iì foon.

³⁶Wáa dzə e kishiíy kee tàn, nén a dzə Shelumiel, wo yì‑iì dzəə̀n kilìmbìy ke wìr Simeon, a dzə̀ wan Tsurishadday,

³⁷a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

³⁸Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

³⁹Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁴⁰e fò sá kibév ji ké cù ajay,

⁴¹e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Shelumiel woo wan Tsurishadday‑iì foon.

⁴²Wáa dzə e kishiíy kee ntuùfú, nén a dzə Eliasav wo yì‑iì dzəə̀n kilìmbìy ke wìr Gad, a dzə̀ wan Deyuel,

⁴³a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁴⁴Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁴⁵Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁴⁶e fò sá kibév ji ké cù ajay,

⁴⁷e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Eliasav woo wan Deyuel‑iì foon.

⁴⁸Wáa dzə e kishiíy kee saàmbà, nén a dzə Elishama wo yì‑iì dzəə̀n kilìmbìy ke wìr Efrayim, a dzə̀ wan Ammihud,

⁴⁹a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁵⁰Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁵¹Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁵²e fò sá kibév ji ké cù ajay,

⁵³e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Elishama woo wan Ammihud‑iì foon.

⁵⁴Wáa dzə e kishiíy kee waamé, nén a dzə Gamaliel wo yì‑iì dzəə̀n kilìmbìy ke wìr Manasse, a dzə̀ wan Pedasur,

⁵⁵a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁵⁶Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁵⁷Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁵⁸e fò sá kibév ji ké cù ajay,

⁵⁹e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Gamaliel woo wan Pedasur‑iì foon.

⁶⁰Wáa dzə e kishiíy kee bvə̀ʼə̀, wáa dzə Abidan wo yì‑iì dzəə̀n kilìmbìy ke wìr Benjamin, a dzə̀ wan Gidiyone,

⁶¹a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁶²Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁶³Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁶⁴e fò sá kibév ji ké cù ajay,

⁶⁵e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Abidan woo wan Gidiyone‑eè foon.

⁶⁶Wáa dzə e kishiíy kee ghvə̀m, nén a dzə Ahiyeser wo yì‑iì dzəə̀n kilìmbìy ke wìr Dan, a dzə̀ wan Ammishadday,

⁶⁷a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁶⁸Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁶⁹Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁷⁰e fò sá kibév ji ké cù ajay,

⁷¹e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Ahiyeser woo wan Ammishadday‑iì foon.

⁷²Wáa dzə e kishiíy kee nshòv mòʼón e ghvə̀m, wáa dzə Pagiel wo yì‑iì dzəə̀n kilìmbìy ke wìr Asher, a dzə̀ wan Okran,

⁷³a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁷⁴Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁷⁵Wù kfən fò nyám se cù ye tonèné, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁷⁶e fò sá kibév ji ké cù ajay,

⁷⁷e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Pagiel woo wan Okran‑eè foon.

⁷⁸Wáa dzə e kishiíy kee nshòv sibaà e ghvə̀m, nén a dzə Ahira wo yì‑iì dzəə̀n kilìmbìy ke wìr Navtali, a dzə̀ wan Enan,

⁷⁹a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

⁸⁰Kímóʼ kí, láŋ woo kisha ke mbàm ke baar kí, a vidzəəsì ví dzə̀ ashekel e ghvə̀m, a kiláy kí dzə̀ shó kirúnén.

⁸¹Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,

⁸²e fò sá kibév ji ké cù ajay,

⁸³e kfə̀n fò anàʼ abaà wùn à viyáʼ vi vitàn, à vibév vi vitàn, à wón viyaʼ vee kiyá kiyáa atàn ji vé cù kikòŋnìn. Á cu ye Ahira woo wan Enan‑eè foon.

⁸⁴Á vifá ve kiy cù wo yoʼóné ve vilìmbìy veé Isray vi‑iì wìyìn shó e kishiíy ke vé‑eè yóʼ kíy cù, a vidzə̀m vi dzə̀ jii, vikóŋ vee kisha ke mbàm ke fəvír kí nshòv sibaà e ghvə̀m wùn à vimà vé vikaŋ vee kisha ke mbàm ke fəvír kí nshòv sibaà e ghvə̀m, aàláŋ vee kisha ke mbàm ke baar kí nshòv sibaà e ghvə̀m.

⁸⁵Vidzəəsì vé kikoŋ kee kisha ke mbàm ke fəvír kí ví‑iì dzə̀ ashekel kishóv mtaár e wiì (130), a vé màkìkaŋ vi dzə̀ ashekel msaàmbà. Vidzəəsì vé kifa kidzə̀m ke dzəə̀n kisha ke mbàm ke fəvír kí, ví nén a dzə ashekel kishóv ghii kweè aànsə̀kìi abaà (2,400) mo shekel wo dzəə̀n wo cù yii dzə́.

⁸⁶Aláŋé‑eè dzə̀ nshòv sibaà e ghvə̀m vee kisha ke mbàm ke baar kí, a kiláy kí dzə̀ shó, a vidzəəsì vé láŋ e mòʼón vi dzə̀ shekel e ghvə̀m. Vé aláŋ adzə̀m vi nén a dzə ashekel kishóv mbaà é wiì mo shekel wo dzəə̀n wo cù yii dzə́.

⁸⁷Nyám se cù ye tonèné sí‑iì dzə̀ jii, anàʼ vee vilum nshòv sibaà e ghvə̀m, viyáʼ nshòv sibaà e ghvə̀m, wón viyaʼ vee kiyá sa nshòv sibaà e ghvə̀m, e bóo lì cu vifa ve yi ve á yii táti sho, e lì sa vibév nshòv sibaà e ghvə̀m ji cu ajay.

⁸⁸Nyám se cù kikòŋnìn si‑iì dzə̀ jii, anàʼ nshòv sikweè e mbaà, viyáʼ mntuùfú, vibév mntuùfú, wón viyáʼ sa mntuùfú, a kù dzə̀ vee kiyá kiyá. Á vifá ve cù vee bìʼ kíy cù e ghan se vé‑eè yóʼó.

⁸⁹Mooser nèn yiì lò, e nə̀ə́ e *kibàn ké ntàsín ji wun súŋnin a wùn NYÙY TÀR, e yù, a kisúŋnìn ki wiy fo yuv e kitu ke kirə̀ʼ ké kiman ke kí dzəə̀n é nsər ŋkùv mensàŋ, a kí fəəsin fo nsàn vifa veé yuv vee vibaà ve ví kér vav si. Nyùy ku nèn sùŋnín wùn Mooser bèn.