Read Lamnso Habakuk 3 Bible Online

Habakuk 3 - Lamnso bible

Habakuk 3

¹Bunrì *ŋgaà ntum Nyùy woo Habakuk.[3]

²Éè NYÙY TÀR, m dzə̀ a m yú vinyo ve à yiìn. Éè NYÙY TÀR, m yèn vinyo ve à lìmèn, a ker gháʼ. Kú a fiyír vinyo vìn vi e věr ghan, ku yiì, aá wáa kiíy e ghan fen. A kilòŋ kí fə̀m shwiiy wò e le, à kù a sham ver.

³Nyùy‑iì wìy fó Teman[4], wun woo Ŋgaà wo Ranén‑eè wìy fó Gwan Paran[5]. Vikuʼùy və́ ví súm yúv, búrí rəə́ rún kitú ke nsay.

⁴Rán rəə́‑əə̀ dzə̀ moo kishèv, njaʼàm fo wun kiwo, nshwàn e baà, a dzə̀ fo vitaáví və́ ví‑iì lìrìn.

⁵Wù‑uù tsə̀nsí yàsí fo mbìy, e fò sáʼ, kifə̀ʼ ki wáa jùmrì.

⁶Nyùy lóo ghan, tiimè, nsay sə̀ʼ. Wù maʼ sí, leey vitúm, ví wàa yàʼ, virùmèn vi wàa kèrkìr, agwane wàa keèsì, a kfən e mboʼ. Á kù‑uù sì fó yàŋgùʼ, a dzə́ə sé wun woo Nyùy si kù wíy a dzə, e dù, e jòʼsì.

⁷Mò‑oò yèn wír veé Kushan[6], aá dzə́ aáwuné vibàn, fan feyì, a veé Midiane yaʼà, a wúné beéme áwune.

⁸Éè NYÙY TÀR, yì‑iì tìnsín ndzə́v sí wò, é bo à wáa shwiíy kilòŋ a? Wò‑oò shwiiy kilòŋ a dzə̀ vèn à rìbà ndzə̀v a? Wò‑oò kóʼ kikfəm ke mbàʼ moo nyamŋkoʼ, mbàʼ wàa dzə kiténtén ké ke nsiì ke səŋ nyám si.

⁹Wò‑oò fə̀ə́r mvən yé fo ŋkòʼ, e wày é kinte, e bàʼtí maʼ. Wò‑oò jàvsìn nsay a dzə̀ e ndzə́ví,

¹⁰aàgwane leey wò, yaʼà, a ndzə́ví kúŋ virə́ʼ, a ndzə́v yeé loònsayi yorkìrì, a shwéri tsə́y, kóʼor e yuv.

¹¹Wò‑oò màʼ mvən yé, yí wáa bàvkìr, a wìy, a kòŋé ŋwaŋkìr sa, wiyì, shùy bàʼàr, e tìím, ŋwee tiím sá.

¹²NYÙY TÀR, wò‑oò tósin woŋ e mvə̀m dòʼshwiíy, a kilòŋ kí shwiiy wò, aà nyeŋrì vitúm.

¹³Wò‑oò fəə̀ é ndzə ji à luŋer wír vé, e lùŋèr fon wo wò‑oò shoʼon, e yòʼ. Wò‑oò bvə̀ʼ kilìmbìy ke wìr ve á méŋ wò, e tòʼnín fo kitu, e dù mày e wuù.[7]

¹⁴Wò‑oò sùn kòŋ rə́, e shùʼ kitú kfə́ shó, a vé rər vəə́ nyoorì moo kinsəm ji á táʼár ver, savnìn moo wír ve á nyáʼti, e laàr vé kitàne.

¹⁵Wò‑oò nyèŋrì rìbà ndzə̀v e nyám sé se ŋkoʼ si, ndzə́v se wiy sí wáa fə̀ʼ.

¹⁶M yú vinyo vìn, wúné wàa yàʼ mo yáʼan, shuu wómé yùm, e dù mèé e toór kilòŋ, vighvə́r ví wàa bvəʼə́y mo bvə́ʼə́yín, wuú wàa bàyrìn mo báyrin. M ku nèn dzə̀ʼə̀m ji nyaáŋ, a shìy ghán, ghán, se Nyùy wíy màʼ ŋgeʼ e wír ve á gim verí.

¹⁷A fə̀m dzə̀ ji bó kicí ké *fig ki yòʼ koomè, a baŋ yòʼ fə̀m kár e kitiír ké *vayin, a bó vicí vé *oliv vi yòʼ koomè, a bó nsay yòʼ fó vifá ve yi, a nyám si fə̀m kpù sidzə̀m, vibìn ví wáa dzə kisáŋ,

¹⁸bo m kù yíi a yu vijuŋ, a sheʼrí NYÙY TÀR. Dzə̀ wun ŋgaà lùŋèr wom.

¹⁹NYÙY TÀR woo Taà Ndzə dzə̀ vitaáví vém, wù yii, a wuú yémé caʼ moo yé nshà, a m léʼ, yáʼay agwan, e làa yòʼ a bàyrìn.[8]