Read Lamnso Joshua 15 Bible Online

Joshua 15 - Lamnso bible

Joshua 15

¹Nsay ye yì‑iì fəən ji ye rám Juda mo kfə́ə sév sí dzə̀kìn rə̀ne. Yì‑iì neèm, e dù duùn é tsən, e dù, e bàʼ e bìíy Edom, e dù bèy mèé e woʼ yeé Tsin fo tsəə́tsən.

²A bìíy yev yee fó tsən rə̀n‑eè kèʼ fó kibùʼ ke kí ndzə̀yìn tsə́n e Ndzə́v Shiŋgwaŋe,

³e nèn gwàmrì Gwan Akrabbim, e tòsín, e shaà e mbìv ye yì kiʼ tsə́n fó bàm, a gwàmrì wóʼ yeé Tsin, e kòʼ é Kadesh‑Barnea, e dù shaà Hesron, e kòʼ, e mèé e Addar, e rə̀ʼə́m, e kfə̀n é Karka.

⁴Yì lò fo fo, a dù e Asmon, e tèŋén, e dù bàʼ e ndzəv ye dzəə̀n ji bìíy wòŋ woo Ejiv, a gwàmrì, e dù mèé e Rìbà Ndzə̀v woo Mediteranean. Á bìíy nsay Juda yee tsə́n.[34]

⁵Ndzə́v Shiŋgwaŋe nén a dzə bìíy yeé mbìv yee fo shùy yii tó, e dù, e bàʼ mo Jordan səyin, a nəə́ sho. Bìíy ye yì kfənen kuy nen kèʼ fo kibùʼ mo Jordan nəə e Ndzə́v Shiŋgwaŋ fèy,

⁶e kòʼ, e mèé e Bet‑Hogla, e shaà, a gwàmrì Gwan Bet‑Araba, e shaà fo mbìv yee kuy, e kòʼ, e dù mèé e kilan ke á yoŋ ji ké Bohan wo yì‑iì dzəə̀n wan Ruben.

⁷Bìíy lò fo fo, e shaà e Kiwoóy ké Akor, e dù fəə̀sín e Debir, e nèn tèém, e shaà kuy kuy, e kìʼ Gilgal wo wù dzəə̀n é ŋkìʼnìn bam Adummim wo wù dzəə̀n tsə́n fó kiwoóy. Bìíy nen shaà bèy, a dù, e bàʼ aàdàn veé En‑Shemesh, e shaà mèé e En‑Rogel.

⁸Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

⁹Bìíy nen kù shaà fo kitu ke gwan, e dù mèé e ntòŋ sé ndzəv seé Neftoa, e kfə̀n lò fo fo, a dù e ŋkà se laʼ seé Gwan Efron, e nèn tèém, a dù e Baala, a dzə̀ ji Kiriat‑Jearim.

¹⁰Bìíy nen tèém fo Baala, a dù e mbìv yee fo shùy yii nəə, e dù, e bàʼ e Gwan Seir, e shaà, e dù, e gwàmrì Gwan Jearim fo mbìv bàbá ye yì kfənen fó kùy, a dzə̀ ji Kesalon. Yì lò fo fo, e sə̀y é Bet‑Shemesh, e shaà, e dù e Timnaa,

¹¹e dù shaà, e dù e bǎm Ekron, a kfən kuy. Yì nen tèém, e kaàrí, a dù e Shikkeron, e tòsín, e dù e Gwan Baala, e fəə̀, e dù e Jabneel, e nèn dù ndzə̀y e Rìbà Ndzə̀v woo Mediteranean.

¹²Bìíy yeé mbìv yee fo shùy yii nəə nén a dzə meshávtí me Rìbà Ndzə̀v woo Mediteranean. Á bìíy ye yì‑iì kaarin nsay ye vé‑eè foon e rám Judàa mo kfə́ə sév sí dzə̀kìn.

¹³Fo ké Kalev woo wan Jefunne, Joshua nèn fò wun nsay jeéy aàfə́r və́ vee wír veé Judàá mvəm mo NYÙY TÀR‑iì yiìn ne yòŋ e Joshua. Wù‑uù fò Kiriat‑Arba wo dzəə̀n Hebron e Kalev. Vé‑eè yoŋ bèy, a Arba‑aà dzə̀ tàr à Anak.

¹⁴Kalev nèn jùm rám Anak fo fo, a yí dzə̀ e taár jii, Sheshay wùn à Ahiman, à Talmay, e nèn yòv fó.

¹⁵Wù lò fo fo, e kòʼ, a ghiʼ wír veé Debir, a vé‑eè yoŋ Debir fo mbìy ji Kiriat‑Sefer.

¹⁶Kalev lò, e sùúy jii, «Wìr wo wù fùnèn ŋkàlaʼ yee Kiriat‑Sefer rə̀n, e sə̀, bo m fó wán wom woo Aksa sho ji wiiy və.»

¹⁷Á bèy, Otniel woo wan fər Kalev nèn fùnèn, e sə̀. Kalev fó wán və woo Aksa sho ji wiíy, a yír tàr à Otnieli‑iì dzə̀ ji Kenas.

¹⁸Mo Aksa duùn e lum və́ lav, e kù nèn lìʼtì lúm və líʼtin ji wù du, e lòn á kirə́ʼ fo tàr à wun woo Aksa. Nen kfə̀n lò dù wun woo Aksa.[35] Wù dù, e lòo səʼə́y fo kitu ke kimbèʼbìy, kitàr kí dzə́r shó jii, «À taʼ ji m yée le e wò?»

¹⁹Wù bìnèr jii, «Kii wò, ku nə̀ʼsín mo, e fò mo kirə́ʼ fo ndzə́ví dzəə̀n mo à tsənsin ne mo a dzə̀ é kirə̀ʼ ke yumér kí.» Á bèy, Kalev nèn fò wun ntòŋ sé ndzəv sé kùy si wùn à sé tsən sí.

²⁰Virə́ʼ ve vé‑eè foon e rám Judàa ji vitsə́ʼ vév mo kfə́ə sév sí dzə̀kìn ví víne.

²¹Ŋkà se laʼ se wìr veé Juda seé mbìv ròŋ se sí‑iì kiʼ bìíy Edom si‑iì dzə̀ jii, Kabseel, Eder, Jagur,

²²Kina, Dimona, Adada,

²³Kedesh, Hasor, Itnan,

²⁴Tsiv, Telem, Bealot,

²⁵Hasor‑Hadatta, Keriyot‑Hesron kìn Hasor,

²⁶Amam, Shema, Molada,

²⁷Hasar‑Gadda, Heshmon, Bet‑Pelet,

²⁸Hasar‑Shual, Beersheba, Bisiotia,

²⁹Baala, Iyim, Etsəm,

³⁰Eltolad, Kesil, Horma,

³¹Tsiklag, Madmanna, Sansanna,

³²Lebaot, Shilhim, Ayin, e lì Rimmon. Ŋkà se laʼ sìn si wáa dzə nshòv bvə̀ʼə̀ e mbaà, e bóo lì ntèʼ sév.

³³Seé Shefela e sar se agwan si‑iì dzə̀ jii, Eshtaol, Tsora, Ashna,

³⁴Sanoa, En‑Gannim, Tappua, Enam,

³⁵Jarmut, Adullam, Soko, Aseka,

³⁶Sha‑arayim, Aditayim, Gedera, e lì Gederotayim. Ŋkà se laʼ sìn si wáa dzə nshòv sikweè e ghvə̀m, e bóo lì ntèʼ sév.

³⁷Símóʼ sí kfə́n a dzə jii, Tsənan, Hadasha, Migdal‑Gad,

³⁸Dilean, Mispe, Jokteel,

³⁹Lakish, Boskat, Eglon,

⁴⁰Kabon, Laamam, Kitlis,

⁴¹Gederot, Bet‑Dagon, Naama, e lì Makkeda. Ŋkà se laʼ sìn si wáa dzə nshòv ntuùfú e ghvə̀m, e bóo lì ntèʼ sév.

⁴²Símóʼ sí wáa dzə Libna, Eter, Ashan,

⁴³Ifta, Ashna, Nesiv,

⁴⁴Keyla, Aksiv, e lì Maresha. Ŋkà se laʼ sìn si wáa dzə bvə̀ʼə̀, e bóo lì ntèʼ sév.

⁴⁵Símóʼ sí wáa dzə ŋkàlaʼ yee Ekron wùn à mvə́m se laʼ sə́ sí, à ntèʼ sə́ sí,

⁴⁶e kèʼ fo Ekron, e dù meé e ghaa Rìbà Ndzə̀v woo Mediteranean, e lì sa ŋkà se laʼ sidzə̀m seé ghaa Ashdod wùn à ntèʼ sév sí.

⁴⁷Á nen lì sa Ashdod wùn à ŋkà se laʼ sə́ sí, à ntèʼ sə́ sí, e lì Gasa wùn à ŋkà se laʼ sə́ sí, à ntèʼ sə́ sí, e dù duùn bey, e dù meé e mbuŋ ndzə̀v yeé Ejiv, e kfə̀n tàtí virə́ʼ veé ghaa Rìbà Ndzə̀v woo Mediteranean mo bìíy dzəə̀n.

⁴⁸Ŋkà se laʼ se Juda seé mbìv aŋkoŋ si‑iì dzə̀ jii, Shamir, Jattir, Soko,

⁴⁹Dana, Kiriat‑Sefer wo dzəə̀n Debir,

⁵⁰Anav, Eshtemoa, Anim,

⁵¹Goshen, Holon, e lì Gilo. Ŋkà se laʼ sìn si wáa dzə nshòv mòʼón e ghvə̀m, e bóo lì ntèʼ sév.

⁵²Símóʼ sí wáa dzə Arab, Duma, Eshan,

⁵³Janim, Bet‑Tappua, Afeka,

⁵⁴Humta, Kiriat‑Arba wo dzəə̀n Hebron, e lì Siyor. Ŋkà se laʼ bvə̀ʼə̀, e bóo lì ntèʼ sév.

⁵⁵Símóʼ si wáa dzə Maon, Karmel, Tsiv, Jutta,

⁵⁶Jesreel, Jokdeam, Sanoa

⁵⁷Kayin, Gibea, e lì Timnaa. Ŋkà se laʼ sìn si wáa dzə e ghvə̀m, e bóo lì ntèʼ sév.

⁵⁸Símóʼ sí wáa dzə Halhul, Bet‑Sur, Gedor,

⁵⁹Maarat, Bet‑Anot, e lì Eltekon. Ŋkà se laʼ sìn si wáa dzə ntuùfú, e bóo lì ntèʼ sév.

⁶⁰Símóʼ sí wáa dzə Kiriat‑Baal wo vé‑eè yoŋ sa ji Kiriat‑Jearim, e kfə̀n lì Rabba. Ŋkà se laʼ sìn si wáa dzə sibaà, e bóo lì ntèʼ sév.

⁶¹Ŋkà se laʼ se Juda seé kirə̀ʼ ké woʼ sí‑iì dzə̀ jii, Bet‑Araba, Middin, Sekaka,

⁶²Nibshan, Ŋkàlaʼ Shiŋgwaŋ, e lì En‑Gedi. Ŋkà se laʼ sìn si wáa dzə ntuùfú, e bóo lì ntèʼ sév.

⁶³Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.