Read Lamnso Joshua 19 Bible Online

Joshua 19 - Lamnso bible

Joshua 19

¹Kirə́ʼ ke Joshua‑aà tàrìn kí fəə́ ji baà kí wáa dzə ké rám Simeon. Nsay yev‑iì fəə̀ ji yì dzə̀ á e ye rám Judàá mvəm. Á nèn fò aáwune mo kfə́ə sév sí dzə̀kìn.

²Kirə́ʼ kév kí‑iì dzə̀ ŋkà se laʼ see jii, Beersheba, Sheba, Molada,

³Hasar‑Shual, Bala, Etsəm,

⁴Eltolad, Betul, Horma,

⁵Tsiklag, Bet‑Markabot, Hasar‑Susa,

⁶Bet‑Lebaot, e lì Sharuhen, ŋkà se laʼ nshòv sitaár e ghvə̀m, wùn à ntèʼ sév sí.

⁷Símóʼ sí wáa dzə jii, Ayin, Rimmon, Eter, Ashan, ŋkà se laʼ sikweè wùn à ntèʼ sév sí,

⁸e tàtí ntèʼ se sí‑iì kaarin fó sidzə̀m, e dù, e meé e Baalat‑Beer wo dzəə̀n sá ji Rama woó Negev. Á vitsə́ʼ vé wìr veé ram Simeon mo kfə́ə sév sí dzə̀kìn.

⁹A vitsə́ʼ vév ví‑iì dzə̀ e vé rám Juda ví mvəm, bìʼ fo Joshua‑aà fò nsay e rám Judàa, yì kúʼ fo áwune, e shaàsìn. Á bèy, wù nèn bày mvə́m, e fò e rám Simeone.

¹⁰Kirə́ʼ ke Joshua‑aà tàrìn kí fəə́ ji taár, wáa dzə ké rám Sebulun. Nsay yev‑iì neèm ben, e dù mèé e Sarid. Á fó aáwune mo kfə́ə sév sí dzə̀kìn.

¹¹Bìíy yìmòʼ‑oò lò fó Sarid, a koʼ e mbìv yee fo shùy yii nəə, e dù shaà e Mareal, a kùm Dabbeshet wùn à dàn woó Jokneam e mbìv yee fo shùy yii tó.

¹²Yìmòʼ yee bìíy ló fó Sarid fèy, e dù e mbìv yee fo shùy yii tó, a gwàmrì bìíy Kislot‑Tabor, e lò, e dù e Daberat, e nèn kòʼ é Jafia.

¹³Yì lò fo fo, e kìʼ mbìv yee fo shùy yii tó, a dù e Gat‑Hefer wùn á Et‑Kasin, e nèn tèém, a kìʼ Nea, e dù bàʼ e Rimmon.

¹⁴Yì kfə́n kuy, e nèn bìnkìr, a dù e Hannaton, e nèn ndzə̀y e mboʼ yeé Iftahel.

¹⁵Nsay rə̀n tàtí Kattat, Nahalal, Shimron, Idala, e lì Betlehem. Ŋkà se laʼ sév sidzə̀m si nén a dzə nshòv sibaà e ghvə̀m, e lì ntèʼ sév.

¹⁶Ŋkà se laʼ sìn wùn à ntèʼ sév sí nén a dzə vitsə́ʼ vé rám Sebulun mo kfə́ə sév sí dzə̀kìn.

¹⁷Kirə́ʼ ke Joshua‑aà tàrìn kí fəə́ ji kweè ki wáa dzə ké rám Issakar mo kfə́ə sév sí‑iì dzə̀kìn.

¹⁸Nsay yev‑iì tàtí ŋkà se laʼ see jii, Jesreel, Kesulot, Shunem,

¹⁹Hafarayim, Shion, Anaharat,

²⁰Rabbit, Kishion, Ebes,

²¹Remet, En‑Gannim, Enhadda, à Bet‑Pases.

²²Bìíy‑iì kùm sá Tabor wùn à Shahasuma, à Bet‑Shemesh, e nèn dù ndzə̀y e Jordan. Ŋkà se laʼ sidzə̀m si wáa dzə nshòv ntuùfú e ghvə̀m, e bóo lì ntèʼ sév.

²³Ŋkà se laʼ sìn wùn à ntèʼ sév sí nén a dzə vitsə́ʼ vé rám Issakar mo kfə́ə sév sí dzə̀kìn.

²⁴Kirə́ʼ ke Joshua‑aà tàrìn kí fəə́ ji tàn ki wáa dzə ké rám Asher. Wù fó aáwune mo kfə́ə sév sí dzə̀kìn.

²⁵Nsay yev‑iì tàtí ŋkà se laʼ see jii, Helkat, Hali, Beten, Akshaf,

²⁶Allammelek, Amad, à Mishal. Fo mbìv yee fo shùy yii to, bìíy yev kúm Gwan Karmel wùn à Shihor‑Libnat,

²⁷e nèn tèém, e kìʼ mbìv yee fo shùy yii tó, e dù e Bet‑Dagon, e kùm nsay Sebulun wùn à mboʼ yeé Iftahel, a dù duùn kuy, e shaà Bet‑Emek wùn à Neyiel, e kù a dù kuy, a shaà Kabul,

²⁸e shaà Ebron, e shaà Rehov, e shaà Hammon, e shaà Kana, e dù bàʼ e Sidon wo Wiy.

²⁹Bìíy nen bìn, e kìʼ Rama, e dù e kikùm ke ŋkàlaʼ yee Taya, e tèém e dù e Hosa, e nèn ndzə̀y e Rìbà Ndzə̀v woo Mediteranean. Nsay rə̀n tàtí sa Mahalav Aksiv,

³⁰Umma, Afek, e lì Rehov. Ŋkà se laʼ sév sidzə̀m si wáa dzə nshòv sibaà é mbaà, e bóo lì ntèʼ sév.

³¹Ŋkà se laʼ sìn wùn à ntèʼ sév sí nén a dzə vitsə́ʼ vé rám Asher mo kfə́ə sév sí dzə̀kìn.

³²Kirə́ʼ ke Joshua‑aà tàrìn kí fəə́ ji ntuùfú kí wáa dzə ké rám Navtali. Wù fó aáwune mo kfə́ə sév sí dzə̀kìn.

³³Bìíy yev‑iì nyèŋ fó Helev, e shaà fo kici kee *oak e Tsa‑Anannim, e dù e Adaminekev, à Jabneel, e dù bàʼ e Lakkum, e nèn ndzə̀y e Jordan.

³⁴Bìíy nèn bìn a dù e mbìv yee fo shùy yii nəə, e bàʼ e Asnot‑Tabor, e lò fo fo, e dù e Hukkok a kùm nsay Sebulun fo tsən, a dù a kùm nsay Asher fo mbìv yee fo shùy yii nəə. Fo mbìv yee fo shùy yii tó, bìíy nén a ghan, a kùm ndzə́v yee Jordan.[37]

³⁵A vikum ve ŋkà se laʼ veé nsay fèn vi dzə̀ jii, Siddim, Tsər, Hammat, Rakkat, Kineret,

³⁶Adama, Rama, Hasor,

³⁷Kedesh, Edrey, En‑Hasor,

³⁸Yiron, Migdal‑El, Horem, Bet‑Anat, à Bet‑Shemesh, ŋkà se laʼ nshòv bvə̀ʼə̀ e ghvə̀m, e bóo lì ntèʼ sév.

³⁹Ŋkà se laʼ sìn wùn à ntèʼ sév sí nén a dzə vitsə́ʼ vé rám Navtali mo kfə́ə sév sí dzə̀kìn.

⁴⁰Kirə́ʼ ke Joshua‑aà tàrìn kí fəə́ ji saàmbà ki wáa dzə ké rám Dan. Wù fó aáwune mo kfə́ə sév sí dzə̀kìn.

⁴¹Nsay yev‑iì tàtí ŋkà se laʼ see jii, Tsora, Eshtaol, Ir‑Shemesh,

⁴²Sha‑Alabin, Ayjalon, Itla,

⁴³Elon, Timnaa, Ekron,

⁴⁴Elteke, Gibbeton, Baalat,

⁴⁵Jehud, Bene‑Berak, Gat‑Rimmon,

⁴⁶Mejarkon, à Rakkon, e lì ŋgvən ye yì kiʼ Joppa.

⁴⁷Wír veé Dane nèn wìy lò, e lày nsay, e nèn kòʼ, e dù, e ghìʼ wír veé Leshem, e fùnèn, e yùyrí áwune, e nèn yòv nsay yev, a dzə fo, a yòŋ fó ji Dan mo yír tàr à ràm yéví dzəə̀n.

⁴⁸Ŋkà se laʼ sìn wùn à ntèʼ sév sí nèn a dzə vitsə́ʼ vé rám Dan mo kfə́ə sév sí dzə̀kìn.

⁴⁹Á màysì, e jàvtì nsay mo rám sí‑iì dzə̀kìn, wír veé Israyi nèn fò kirə́ʼ e Joshua woo wan Nun ji və́ vee vitsə́ʼ aáwuné nsàn.

⁵⁰Vé‑eè fò wun ŋkàlaʼ ye wù‑uù yòŋèn réŋréŋ mo NYÙY TÀR‑iì suuyin ji á wíy siíy, e yiì. A ŋkàlaʼ rə̀n‑eè dzə̀ Timnat‑Sera e wòŋ agwan woó Efrayim. Wù nèn kfə̀n siì bòm ŋkàlaʼ yee shooy e fíy, a dzə fo.

⁵¹Á mo Eleasar woo taà cù wùn à Joshua woo wan Nun, aàtǎr kfəə veé ram seé Israyi‑iì tàrìn virə́ʼ e NYÙY TǍR si e shùu *kibàn ké ntàsín é Shilo, e bóo jàvtì e wír veé Israyi ji vitsə́ʼ vév. Á bèn, á nèn màysì, e tòʼtí woŋ.