Read Lampung Api TITUS 3 Bible Online

TITUS 3 - Lampung Api bible

TITUS 3

¹Ingokkodo anggota jemaah-jemaahmu in tian tunduk jama jelma-jelma sai mimpin rik jelma-jelma sai nguasai negara, rik taat rik besedia ngelakuko unggal hal sai betik.

²Ucakko jama tian in dang ngefitnah atau betangkar jama sapa pun juga, melainko in besikap ramah. Hagani tian selalu besikap lemoh lembut tehadap sunyin jelma.

³Mani tumbai ram tenggalan juga bugu, sesek rik mak taat. Ram diperbudak ulih lamon macam nafsu rik kemirakan; ram hurik jama niat-niat jahat rik sesera, rik saling menyuoh.

⁴Kidang Allah, Penyelamat ram nunjukko kasih rik kebetikan hati-Ni jama ram.

⁵Ia nyelamatko ram, lain mani ram radu ngelakuko sai hal sai betik, melainko mani Ia tenggalan mengasihani ram. Ia nyelamatko ram liwat Ruh-Ni Allah, sai ngeniko ram kelaheran ampai rik hurik ampai jama cara ngebasuh ram.

⁶Allah nyurahko Ruh-Ni jama ram liwat Isa Almasih, Raja Penyelamat ram,

⁷in ulih rahmat-Ni Isa, ram mebetik luot jama Allah rik ram mansa hurik sejati rik kekal sai ram harap-harapko.

⁸Cawa inji benor temon. Nyak haga niku nekanko hal-hal inji, in jelma-jelma sai percaya jama Allah temon-temon berusaha untuk ngelakuko guai-guai sai betik rik beguna untuk sunyinni jelma.

⁹Jaohido perdebatan-perdebatan sai mak beguna, cerita-cerita asal-usul, pertangkaran rik rigu tentang hukum agama. Sunyinni ano mak ngedok gunani rik mak ngedok untungni.

¹⁰Jelma sai nyebabko perpecohan delom jemaah, hagani niku ingokko sai atau rua kali; radu jak seno dang lagi bekantik jama ia.

¹¹Niku pandai bahwa jelma injuk reno ano bejat rik dusa-dusani ngebuktiko bahwa ia besalah.

¹² Radu jak nyak ngutus Artemas atau Tikhikus jama niku, berusahado geluk-geluk untuk ratong jama nyak di Nikopolis, mani nyak beniat tinggal di disan selama musim ngison.

¹³ Berusahado temon-temon untuk ngebantu Zenas, ahli hukum udi, rik Apolos, in tian dapok berangkat rik mak kekurangan api-api.

¹⁴Jelma-jelma ram harus belajar ngelakuko hal-hal sai betik in dapok memenuhi kebutuhan-kebutuhan sai diperluko nihan; dang sampai tian hurik mak beguna.

¹⁵Sunyin puari sai wat jejama nyak, ngirim salam jama niku. Sampaiko salam sekam jama kantik-kantik ram sai seiman. Semoga Tuhan ngeberkati Puari sunyin. Hormat sekam, Paulus