Read Lampung Api YAKOBUS 4 Bible Online

YAKOBUS 4 - Lampung Api bible

YAKOBUS 4

¹Jak ipa asalni jelma betinju rik betangkar di hantaramu? Kan ano asalni jak kemirakan-kemirakanmu sai terus gaoh beperang di delom dirimu untuk mansa kesenangan dunia!

²Keti mirak, kidang mak mansa, maka keti haga ngebunuh! Keti besemangat, kidang mak mencapai api sai keti sepok, maka keti betangkar rik betinju. Keti mak mansa api-api, mani keti mak ngilu jama Allah.

³Rik kik keti radu ngiluni, keti mak ngedapokni, mani tujuan kiluanmu salah; api sai keti kilu, untuk kesenangan diri tenggalan.

⁴Keti jelma sai mak setia! Pandai mak keti bahwa kik keti bekantik jama dunia, maka keti jadi musuh-Ni Allah. Jadi sapa gaoh haga jadi kantikni dunia inji, ia ngejadiko dirini musuh-Ni Allah.

⁵Dang dikira bahwa Alkitab tanpa alasan cawa, “Di delom diri ram Allah ngepikko Ruh sai keras kemirakanni.”

⁶ Walaupun injuk reno, rahmat-Ni Allah sai dikeniko jama ram lebih kuat jak kemirakan ruh ram udi. Udido sebabni di delom Alkitab tetulis juga, “Allah nantang jelma mepungah, kidang sebalikni Ia mengasihi jelma sai rendah hati.”

⁷Ulihni seno, tundukdo jama Allah rik lawando iblis, maka iblis haga lijung jak keti.

⁸Redikdo Allah, rik Allah pun haga ngeredik keti. Kecahko culukmu, keti sai bedusa! Rik jernihko hatimu, keti sai becabang hati!

⁹Hagani keti temon-temon nyesol rik miwang rik bebatui; hagani lalangmu jadi hiwangan rik kerianganmu jadi kesedihan!

¹⁰Hagani keti ngerendahko diri di hadap Tuhan, maka Tuhan haga ngelanggarko keti.

¹¹Puari-puari, dang saling ngereneh atau saling nyalahko. Jelma sai ngereneh atau nyalahko puarini peperda jelma Kristen, ia ngereneh rik nyalahko hukum-Ni Allah. Rik kik keti nyalahko hukum-Ni Allah, udi retini keti mak nutuk hukum-hukum udi, melainko jadi hakimni.

¹²Padahal angkah sai sai berhak ngeni hukum jama manusia rik ngadili manusia, Iado Allah sai bekuasa nyelamatko rik ngebinasako. Jadi, sapa keti, sehingga keti haga nyalahko peperda keti.

¹³ Puari-puari sai cawa, “Rani inji atau jemoh sekam haga berangkat mik kota ano rik tinggal di dudi setahun sakani untuk bedagang rik nyepok duit,” — dengiko petuahku inji.

¹⁴Api sai haga tejadi jama kehurikanmu jemoh, keti tenggalan pun mak pandai! Keti angkah injuk hasok sai serebok gaoh keliakan, raduni lebon.

¹⁵Seharusni keti cawa injuk reji, “Kik Tuhan ngizinko, sekam haga hurik rik ngelakuko reji atau reno.”

¹⁶Kidang tano keti mepungah rik balak awakmu. Sunyin balak awakmu injuk reno salah.

¹⁷Ulihni seno, jelma sai pandai api sai betik sai harus dilakukoni kidang mak ngelakukoni, jelma udi bedusa.