Read Lashi APOEM AYANG: 5 Bible Online

APOEM AYANG: 5 - Lashi bible

APOEM AYANG: 5

¹ He: zigi Adam da" amyed ashen lhid" xoem" nghoid. Mangsoo gi xangsu: byu ri phain" so: uri nyang: gi nyang: yhang: te" da" xangsu: byu phain" so: too" bye:.

²2 Nyang: gi yuggi yo' myiyi: yiri phain" so: too" bye:. Nyangnu" ri mainkaid byid: lho: «xangsu: byu» ga: myeing myheing byid:.

³Adam gi 130 zain ju" uri nyang: gi nyang: yo' du da" Shed ga: da" yuggi zoo: dayug doem yoo" bye:.

⁴Hau: thang: Adam gi zain void 800 doem xo' dei nyid. Nyang: gi gootu: zooshang: yiri yo" lho:

⁵zain void 930 zain moo mang: shid: loo" bye:.

⁶Shed gi 105 zain nghoid uri Enusha ri yo" lho:

⁷hau: thang: 807 zain doem xo' nyid. Nyang: gi gootu: zooshang: yiri yoo" khare" lho:

⁸apyaid 912 zain moo shid: loo" bye:.

⁹Enusha gi apyaid 90 zain nghoid ri nyang: gi yuggi zoo: Kenan yo" lho:

¹⁰hau: thang: gootu: 815 zain nghoid ri nyang: gi gootu: zooshang: yiri yoo" khare" lho:

¹¹apyaid 905 zain moo shid: loo" bye:.

¹²Kenan gi 70 zain ju" ri nyang: gi yuggi zoo: Mahalalela ri yo" lho:

¹³hau: thang: xo' lho: gootu: 840 zain nyid khare". Nyang: gi gootu: zooshang: yiri yoo" kho' lho:

¹⁴apyaid 910 zain moo shid: loo" bye:.

¹⁵Mahalalela gi 65 zain ju" ri yuggi zoo: Yared ri yo".

¹⁶Hau: thang: gootu: zain loem: 830 doem xo' nyid khare". Nyang: gi gootu: zooshang: yiri yo" lho:

¹⁷apyaid 895 zain moo mang: shid: bye:.

¹⁸Yared gi 162 zain ju" uri nyang: gi yuggi zoo: Enug ri yo".

¹⁹Hau: thang: gootu: apyaid 800 zain xo' dei nyid. Nyang: gi gootu: zooshang: yiri yo" lho:

²⁰apyaid 962 zain moo mang: shid: loo" bye:.

²¹Enug gi 65 zain nghoid uri nyang: gi yuggi nu" Methusela ri yoo" bye:.

²²Hau: thang: Enug gi Mangsoo yo' dazoem" dakhoug: zain loem: 300 nyid nyid lho: gootu: zooshang: yiri khu: kaid bye:.

²³Nyang: gi apyaid 365 zain mang: sho' nyid khare".

²⁴ Nyang: gi nya: dapyaid goin" Mangsoo yo' zoem" khau: nyid lho: hau: thang: nyang: ri amyang khari" loo:. Khasu" wim ga: ri Mangsoo nyang: ri shu" yu pyam bye:.

²⁵Methusela gi 187 zain ju" uri yuggi nu" Lamed ri yo" lho:

²⁶hau: thang: gootu: 782 zain nyid khare". Nyang: gi gootu: zooshang: yiri yoo" kho' lho:

²⁷969 zain moo mang: shid: loo" bye:.

²⁸Lamed gi 182 zain ju" uri yuggi zoo: dayug ri yo" lho:

²⁹nyang: gi «ASEING wigi nheing" khoin" kaid to" da" he: mougmyid moo zei: so' myung: dau nyid khyoo: dangain" mo he: da" zooshang: gi ngoonu" ri loid byoin myenjham" nhang: loo wa nghoid» ga: tid. Houg: yoomo nyang: gi Noa ga: myeing myheing.

³⁰Lamed gi gootu: 595 zain xo' nyid khare". Nyang: gi gootu: zooshang: yiri yoo" khare" lho:

³¹apyaid 777 zain moo shid: loo" bye:.

³²Hau: thang: Noa gi 500 zain nghoid ri Shem- Ham yo' Yaphed ga: da" yuggi zoo: soem" yug ri yoo" bye:.