Read Lashi 2 KHOKHAM 24 Bible Online

2 KHOKHAM 24 - Lashi bible

2 KHOKHAM 24

¹Yehoiakim khokham koid nyid uri Babelon khokham Nebukhadneza gi Yuda mung" khyoo: jhen" vang yhe: lho: soem" zain Yehoiakim ri nya: vhoeb da" akhoug: moo doin: zeig nyid nhang: da:. Hau: thang: nyang: gi gyi koid da:.

²Nya: da" dei zoo: lapi: yi da" nhoid khyo" nyang: koid wa ga: ASEING tid to" ziyo' dakhyoo" ti" ASEING gi Yehoiakim ri gyi koid wigi Yuda mung" ri phyo' shoin' pyam wa shid re" Babelon- Suri- Moba- Amon byu yi gyidab joem ri nhang: kaid da:.

³Yuda byumyu" yiri nya: shidkhoin" mo khaid thu pyam wa shid re" he: ziri ASEING da" amyeing" khyo" bue" nhang: zi nghoid da:. Ciwim gari khokham Manashe shoid da" yooboo yoomo yo'

⁴Je wigi yooboo ayo" da" mung" byu yiri nyang: said pyam da" moo" dangain" yoomo nghoid da:.- ASEING gi hau: shid re" Manashe ri yooboo ayo" khyoid byid: nghoid da:.

⁵Yehoiakim koid da" gootu: lo, moo" ja: khang" moo" ri Yuda khokham yi da" mhoomyid: shen" dam pug moo lhid" xoem" to" da:.

⁶Yehoiakim gi shid: lo" wigi nya: yuggi zoo: Yehoiakhin gi nya: khoo: moo khokham xo' koid da:.

⁷Akhid" Egutu bang: seing: da" mougmyid nghoid da" Uphrad gyid lang mo Egutu mung" mougzhung: shoid mougkyoo" ju" sho' mo mougmyid ri Babelon khokham wigi vhoeb seing: pyam bye: yoomo Egutu khokham yo' nya: da" gyidab gi khanham we' Egutu mung" mo athu loo" goo" nghoid da:.

⁸Yehoiakhin gi Yuda khokham bue" lo uri apyaid daxe: shed zain nghoid da:. Nyang: gi Yerusalem moo lhammoo" soem' khyab vhoeb da:. Nya: myhi' gi Yerusalem mo Elnathan da" myiyi: zoo: Nehustha ga: su: nghoid da:.

⁹Nya: phoo da" leig ri cang wigi Yehoiakhin gi ASEING ri thougtheung yooboo shoid da:.

¹⁰Nyang: vhoeb nyid da" ayo, moo Nebukhadneza da" gyizoug: yi wigi shu" da" Babelon gyidab gi Yerusalem ri gyi khaid wa to' re" lho: re" vang: to" ago".

¹¹Vang: to" da" ayo, gyoo: moo Nebukhadneza nyang: nyang: we' Yerusalem khyoo: ju" re" da:.

¹²Houg: lho: khokham Yehoiakhin gi nya: myhi'- nya: yuggi zoo: yi nya: gyizoug: yi khokham kho" mo gyizoug: yi yo' dage" Babelon byu yiri asoem" byid lo, tu: pyam ago". Nebukhadneza vhoebkhang" zi shed zain ein: zain moo nyang: gi Yehoiakhin ri thung: byu khyo" myheig yu lho:

¹³Noku Yhoem: Moo" yo' khokham kho" mo phoug" dab da" jonu" dangain" ri Babelon khyoo: yu lo" da:. ASEING no, mo tid to" ziyo' dakhyoo" ti" Nebukhadneza gi noku Yhoem: moo" moo ci: wa shid re" khokham Sholumon wigi koid to" da sheing: oung" khu lang: bain dangain" ziri du" kho' pyam da:.

¹⁴Nebukhadneza gi Yerusalem voobyu yi khokham kho" mo moo" voin ludaid dangain"- vhujhung: yi dangain" ri byu damoin ri thung: byu khyo" pyoung" shu" lo" da:. Nyang: gi lo, moo" jhang: bang: sham baid bang: dangain" ri we' pyoung" lo" da:. Yuda mung" mo gi myung shoo" da" bang: ri za: teing too" kho' da:.

¹⁵Nebukhadneza gi Yehoiakhin ri nya: myhi'- nya: yhoem: seing: myhi' yi- nya: gyizoug: yi Yuda mung" mo vhujhung: yi yo' dage" thung: byu khyo" Babelon mung" khyoo: pyoung" shu" lo" da:.

¹⁶Nebukhadneza gi yhouggyen: da" byu dangain" nyhed khyeing" yug ri yo' sham: baid bang: we' bo wigi lo, moo" jhang: bang: dakhyeing" yug ri Babelon khyoo: pyoung" shu" lo" da:. Dangain" gi gyi moo" yo" zei bang: nghoid ago".

¹⁷Nebukhadneza gi Yehoiakhin da" nya: laid Matania ri Yuda khokham koid nhang: wigi nyang: ri Zedekia ga: myeing thid myheing to" bye:.

¹⁸Zedekia gi Yuda khokham bue" lo uri apyaid eig xe: dazain nghoid bye:. Nyang: gi Yerusalem moo daxe: dazain vhoeb da:. Nya: myhi' gi Libna voomoo" mo Yeremia da" myiyi: zoo: Hamutala ga: su: nghoid.

¹⁹Khokham Zedekia gi khokham Yehoiakim yo' dakhyoo" ti" za: ASEING ri thougtheung yooboo shoid da:.

²⁰ASEING gi Yerusalem yo' Yuda mung" byu yiri nheig gye" yo: lo wigi nya: shidkhoin" mo nyangnu" ri khaid thu pyam da:.