Read Lashi 1 KHOKHAM MHOOMYID: 12 Bible Online

1 KHOKHAM MHOOMYID: 12 - Lashi bible

1 KHOKHAM MHOOMYID: 12

¹David gi khokham Sholu lo, mo phang: gau" yen" uri: Ziklag moo: yhe: nyid nyid da:. Hougmoo: Sholu da" byu yi nghoid boem da" Benyamin kung: mo bang:- gung shau" myoo: bang:- loem ge" da" gyizoo: yi gi: nya: jhang re" xo' tei" da:. Nyangnu" gi lid: beig jhang: lho: eig lo, goin" yo' lug yo" lhei" bang: nghoid ago".

³Nyangnu" gi Gibea mo Shema da" yuggi zoo: Ahizera yo' Yosha tang: da" vhoebkhang" akhoug: moo: nyid boem ago". Gyizoo: yi houg: bang: gi Azmaved da" yuggi zoo: Yeziela yo' Peled Anathod mo Berakha yo' Yehu Gibeon mo Ishmaia- nyang: gi myeing gyi: da" gyizoo: nghoid lho: vhujhung: soem" xi: mo dayug nghoid da:. Gedera mo Yeremia- Yahaziela- Yohanan yo' Yozabad Hariphe mo Eluzai- Yerimod- Bealia- Shemaria yo' Shephatia Kora kung: mo Elakana- Ishia- Azarela- Yoezera yo' Yashobeam Gedora mo Yeroham da" yuggi zoo: Yoela yo' Zebadia bang: nghoid da:.

⁸Hid: bang: gi David dain" phoid yoo gyidab moo: nyid da" uri nya: gyidab yo' re" xo' tei" boem da" Gad byumyu" kung: mo myeing gyi lho: gung shau" myo: da" gyizoo: yi myeing nghoid da:. Nyangnu" gi goo yo' lham: ci: jhang: wigi khang: khyi: yhang: ti" gyoug pho" aved bo lho: boem mo shoocid: yhang: ti" myab bang: nghoid ago".

⁹Aya: gyi: mo gi nyangnu" da" myeing gi Ezera- Obadia- Eliaba- Mishman- Yeremia- Atai- Eliela- Yohanan- Elzabad- Yeremia yo' Makbanai bang: nghoid ago".

¹⁴Gad byumyu" kung: mo byu dayham" gi byu damoin ri vhoeb da" gyizoug: moo" yi gootu: dayham" gi byu dashoo: ri vhoeb da" gyizoug: nu" yi nghoid ago".

¹⁵Dazain mo xang: shi" lhammoo" khyab moo Yodan gyung: dung" bung nhoid lid sho' gyid je: da" ayo, moo: gyid gyung: ri gu: dab wigi gyid gyung: bid thu bidvang eig shoid goin" mo lang: khung" joem moo: nyid da" byu yiri khaid sain" pyam ago".

¹⁶Dalheing: ri Benyamin yo' Yuda kung: mo byu daphung: gi David nyid da" gyidab khyoo: yhe: boem ago".

¹⁷David gi nyangnu" ri yhe: shau" wigi «Nanu" ngoo ri pang" thoug wa bidnoem khyo" re" nghoid rigi hid: moo: nanu" ri tau yu da:. Ngoonu" yo' xo, tei" goo" shang. Nghoid loug we' nanu" ngoo ri gyivoo yi lo, khyoo: ab byid: wa soin' boem nghoid rigi nanu" ri ngoo dam atab sho' nghoid loug we' ngoonu" da" phoug" phyid" yi da" Mangsoo gi hau: ziri se' wigi nanu" ri yooboo dam byid: wa» ga: tid.

¹⁸Mangso Venyi gi nyangnu" mo byu dayug nghoid lho: thang: ri «Soem" Xi: yug" da" gyizoug: bue" loo" su: Amasai ri vang khang" wigi nyang: gi «Yese da" yuggi zoo: David we"- ngoonu" gi re" byu yi nghoid. Nang yo' nang ri pang" thoug su: gi oung: doid baja". Mangsoo gi re" shoid moo: nghoid da» ga: tid da:. David gi nyangnu" ri lhoem: tau yu lho: gyidab moo: zoug: koid nhang: ago".

¹⁹Sholu khokham ri gyi zain: wa shid re" David gi Philisti byu yi yo' dage" yhe: lo" nyid uri Manashe kung mo gyizoo: dayham" gi David shoid khyoo: yhe: xo' tei" da:. Nyang: gi gyeing" nyang: Philisti byu yiri apang" wa ciwim gari: nyang: gi nyangnu" da" khokham yigi nya: da" aseing: axoug" Sholu lo, khyoo: nyangnu" ri ab byid: pyam wa ga: gyoug ago". Houg: lho: nyangnu" gi nyang: ri Ziklag khyoo: doem tau" nhang: kaid da:.

²⁰Hid: bang: gi David doem tau" lo" nyid uri nya: shoid khyoo: re" xo' tei" boem da" Manashe kung: mo gyizoo: yi nghoid ago". Houg: bang: gi Adna- Yozabad- Yediela- Mikhaela- Yozabad- Elihu- yo' Zillethai bang: nghoid ago". Manashe kung: moo: byu dakhyeing" khyeing" ri vhoeb bang: bo ago".

²¹Nyangnu" gi David ri nya: gyidab joem ri zoug: koid byid: da" khyo" dei byid: boem. Ciwim gari: nyangnu" dangain" bang: gi bugthu sheing" jhu" bang: nghoid ago". Thang: ri nyangnu" gi Israela gyidab mo zoug: yi bue" lo ago".

²²Nyid" khang" nyid" koo: nyang: nya: gyidab moo: byu seig yi vang lo nyid yoomo nya: gyidab gi daso' ri nyang: myo: je: lo da:.

²³David Hebron moo: nyid uri ASEING dangsoo" byid: to" ziyo' dayhang: ti" Sholu khoo: moo: nyang: ri khokham xo' koid nhang: wa shid re" jhau" to" da" gyizoo: yi myoo: sho' nya: gyidab khyoo: re" vang boem ago". Houg: bang: gi Yuda kung: mo goo yo' lham:- gyi khin void da" gyizoo: 6800 yug- Simun kung: mo nyeing" jhau" to" da" gyizoo: 7100 yug- Levi kung: mo 4,600 yug- Arun da" amyed ashen Yehoiada da" thang: cang bang: 3700 yug- Zadog da" bidnoem yi nghoid da" zoolu: gyi zain: vhujhung: 22 yug- Benyamin (Sholu da" kung: bang:) mo 3000 yug (Benyamin kung: mo byu myoo: loo boug gi Sholu ri jhug zug nyid ago".) Ephrim byumyu" kung: nghoid da" nyangnu" akung: ako' mo myeing gyi: da" gyizoo: 20800 yug- Bidvang shoid Manashe akung: mo David ri khokham koid nhang: wa khyen: nhang: kaid shau" bang: 18000 yug- Ishakha akung: mo vhujhung: 200 yug yo' dage" nyangnu" vhoebkhang" vhoo: moo: nyid bang: (He: vhujhung: yigi Israela byumyu" yi cikoid eung: ziyo' hau: z(...)

³⁸Gyipui" shid re" jen" jen" nghoid boem da" he: gyizoo: yi dangain" gi Hebron khyoo: yhe: lho: David ri Israela mung" goin" da" khokham koid nhang: wa myid phyed boem ago". Israela byu yi mo deing da" gu dangain" we' hau: moo" moo: bo myid veing" boem.

³⁹Nyangnu" gi hougmoo: David yo' dage" soem" nyid theing: nyid wigi: nyangnu" da" bidnoem yi nyheing soin' byid: da" zoo shug pui" ri zo: shug boem ago".

⁴⁰Mougzhung: shoid mo Ishakha- Zebulun yo' Napthali kung: yi mo byu yigi zoo: noem- cen: moin"- lafoem shi"- zabyid shi" kyug- zabyid yhid: yo' zhainloin: xu: joem tho' da" loo zei: joem Gola-ug joem loo kung" joem yo' nuloo: joem ri she: re" boem ago". Nyangnu" gi said zoo: wa shid re" nu yo' yang joem ri we' she: re" ago". He: zigi mungdain: goin" mo shau" kham zo: da" ngei pyo: khyo: ri ci: shug da" lo, moo" nghoid da:.