Read Lashi 1 KHOKHAM MHOOMYID: 2 Bible Online

1 KHOKHAM MHOOMYID: 2 - Lashi bible

1 KHOKHAM MHOOMYID: 2

¹Yaku gi yuggi zoo: daxe: eig yug yo" da:. Houg: bang: gi Ruben- Simun- Levi- Yuda- Ishakha- Zebulun-

²Dan- Yoseb- Benyamin- Nabthali- Gad yo' Ashe ga: bang: nghoid da:.

³Yuda gi yuggi zoo: dangain" wim: yug yo" da:. Nya: yhoem: seing: myhi' Khanan myiyi Bathshua oung: mo gyo" zi yuggi zoo: soem" yug nghoid. Houg: bang: gi Era- Onan yo' Shela bang: nghoid. Nya: yuggi zoo: zooshid" yug Era gi gye" akhyeing" yoomo ASEING gi nyang: ri said pyam da:.

⁴Yuda gi nya: dumoo" Tama oung: mo gyo" da" Pereza yo' Zera ga: da" yuggi zoo: eig yug yo" da:.

⁵Pereza gi Hezron yo' Hamula ga: da" yuggi zoo: eig yug yo" da:.

⁶Nya: nhung" Zera gi Zimri- Ethan- Heman- Khalakola yo' Darda ga: da" yuggi zoo: wim yug yo" da:.

⁷ Zera da" amyed ashen mo dayug nghoid da" Karmi da" yuggi zoo: Akhan gi Aseing ri shugbyid: bye: da" lanyhoeb ri seing ci: da" khyo" wigi Israela byumyu" yi adang moo: yau: khi" bui" nhang: su: nghoid da:.

⁸Ethan gi Azaria ga: da" yuggi zoo: dayug yo" da:.

⁹Hezron gi Yeramela- Ram yo' Khaleb ga: da" yuggi zoo: soem" yug yo" da:.

¹⁰Ram mo zi Yese ju" sho' yhoemkhung: joem gi vhoo mo ziyo' dayhang: ti" nghoid da:. Ram- Aminadab- Nashon (Yuda kung: moo myeing gyi: su:)-

¹¹Salmon- Boza-

¹²Obed yo' Yese bang: nghoid ago".

¹³Yese gi yuggi zoo: nyhed yug yo" da:. Nyangnu" apyaid ri cang wigi Eliaba- Abinadab- Shama-

¹⁴Nethanela- Radai-

¹⁵Ozem yo' David.

¹⁶Yese gi Zeruia yo' Abigela ga: da" myi yi: zoo: eig yug we' yo" da:. Yese da" myiyi: zoo: Zeruia gi yuggi zoo: yi soem" yug yo" da:. Houg: bang: gi Abishai- Yoab yo' Asahela bang: nghoid.

¹⁷Nyang: myiyi: zoo: gootu: dayug nghoid da" Abigela gi Ishmaela da" amyed ashen nghoid da" Yethera yo' lo, xo' wigi nya: tang: gi Amasa ga: da" yuggi zoo: dayug yo" da:.

¹⁸Hezron da" yuggi zoo: Khaleb gi Azuba yo lo, xo' yu lho: Yeriod ga: da" myiyi: zoo: dayug yo" da:. Nyang: gi Yeshera- Shoba- Ardon ga: da" yuggi zoo: soem" yug yo" da:.

¹⁹Azuba shid: thang: ri Khaleb gi Ephrad ri lo, xo' yu lho: Hura ga: da" yuggi zoo: dayug yo" da:.

²⁰Hura nya: yuggi zoo: gi Uri nghoid wigi nya: myid: zoo: gi Bezalela nghoid da:.

²¹Hezron gi apyaid khyug xi: zain ju" uri nyang: gi Makhira da" myiyi: zoo: Gilead da" nhammoo" ri lo, xo' yu da:. Nya: tang: moo: Seguba ga: da" yuggi zoo: dayug yo" da:.

²²Houg: lho: Seguba gi Yaira ga: da" yuggi zoo: dayug yo" da:.

²³Nghoid loug we' Geshura yo' Aram mungdain: gi Yaira yo' Kenad da" voogung joem bo bo wigi houg mo voogung khyug xi: yo' hau: voogung joem aqei ayam ri oung: pyam ago". Houg moo: nyid boem da" byu yi dangain" gi Gilead da" nya: phoo Makhira da" amyed ashen yi nghoid ago".

²⁴Hezron shid: lo" thang: ri nya: yuggi zoo: Khaleb gi nya: pho da" cougmoo" myhi' Ephrad ri lo, xo' yu da:. Nya: tang: gi Ashura ga: da" yuggi zoo: dayug yo" da:. Hau yuggi Tekoa voogung ri de: su nghoid..

²⁵Hezron da" zooshid" yuggi zoo: Yeramela gi yuggi zoo: wim: yug yo" da:. Houg: bang: gi zooshid" Ram- Buna- Oren- Ozem- Ahiya bang: nghoid.

²⁶Ram gi Maza- Yamin- Ekera ga: da" yuggi zoo: soem" yug yo" da Yeramela gi Atara ga: da" yhoem: seing: myhi' gootu: dayug yo" wigi nya: tang: gi Onam ga: da" yuggi zoo: dayug yo" ago".

²⁷

²⁸Onam gi Shamai yo' Yada ga: da" yuggi zoo: eig yug yo" da:. Shamai we' Nadab yo' Abishura ga: da" yuggi zoo: eig yug yo" da:.

²⁹Abishura gi Abihala ga: da" myiyi: ri lo, xo' yu da:. Nya: eig yug gi Aban yo' Molid ga: da" yuggi zoo: eig yug yo" da:.

³⁰Abishura da" nya: mang: Nadab gi Seled yo' Apain ga: da" yuggi zoo: eig yug yo" da:. Nghoid loug we' Seled gi yuggi zoo: ayoo" loo za: shid: lo" byug da:.

³¹Apain gi Ishi da" nya: phoo- Ishi gi Sheshan da" nya: phoo- Sheshan gi Alai da" nya: phoo nghoid da:.

³²Shamai da" nya: nhung" Yada gi Yethera yo' Yonathan ga: da" yuggi zoo: eig yug yo" da:. Nghoid loug we' Yethera gi yuggi zoo: yi ayoo" loo: za: shid: lo" byug da:..

³³Yonathan gi Pelad yo' Zaza ga: da" yuggi zoo: eig yug yo" da:. He: gu: dangain" gi Yeramela da" amyed ashen yi nghoid ago".

³⁴Sheshan gi yuggi zoo: ayoo" nghoid da- myiyi zoo: yi khyeing" za: te: yo" da:. Nyang: gi Yaha ga: da" Egutu byu dei zoo: dayug yo" da:.

³⁵Nya: myiyi: zoo: yi mo dayug ri hau: su: yo' lo, xo' byid: da:. Nya: tang: Atai ga: da" yuggi zoo: dayug yo" ago".

³⁶Atai mo zi Elishama ju" sho' moo: yhoemkhung: cang wigi vhoo: mo yo' dakhyo" nghoid da:. Houg: bang: gi Atai- Nathan- Zabad

⁴¹Yekamia- yo' Elishama bang: nghoid da:.

⁴²Khaleb da" yuggi zoo: zooshid" Yeramela da" nya: nhung" gi Mesha ga: su: nghoid da:. Mesha gi Zipha da" nya: phoo- Zipha gi Meresha da" nya" phoo nghoid wigi nyang: gi Hebron da" nya: phoo nghoid.

⁴³Hebron gi Kora- Tapua- Rekem- Shema ga: da" yuggi zoo: myid: yug yo" da:.

⁴⁴Shema gi Raham da" nya: phoo nghoid wigi Yokeam da" nya: phoug" nghoid da:. Shema da" nya: mang: Rekem gi Shemai da" nya: phoo-

⁴⁵Shemai gi Maon da" nya: phoo- Maon gi Bethzura da" nya: phoo nghoid da:.

⁴⁶Khaleb gi Epha ga: da" dangcang: myhi' dayug yo" wigi myiyi: hau: yug wigi nyang: ri Haran, Moza yo' Gaze ga: da" yuggi zoo: soem" yug ri khu: byid: shi" da:. Haran moo: we' Gaze ga: da" yuggi zoo: dayug yo" da:. (

⁴⁷Yadai ga: da" yuggi phoo gi Regem- Yotham- Geshan- Peled- Ephe- Shapha ga: da" yuggi zoo: khyug yug yo" da:.)

⁴⁸Khaleb gi Makha ga: da" dangcang: myhi' dayug we' yoo" shi" wigi hau: yug gi nyang: ri Shebera yo' Tirhana ga: da" yuggi zoo: eig yug khu: byid: da:.

⁴⁹Hau: thang: Makha gi yuggi zoo: eig yug yo" ashi". Hau: tang: gi Madmana voogung ri de: su: Shapha yo' Makbena yo' Gibea voogung ri de: su: Sheva tang: nghoid da:. Hau: tho' agoo"- Khaleb gi Aksa ga: da" myiyi: zoo: dayug yo" da:.

⁵⁰Vhoo: mo bang: we' Khaleb da" amyed ashen yi nghoid da:. Hura gi Khaleb da" zooshid" nghoid wigi nya: yhoem: seing: myhi' gi Ephrad nghoid da:. Hura da" yuggi zoo: Shobala gi Kiriad Yarim voogung ri de: wigi

⁵¹nya: yuggi zoo: eig yug ein: yug nghoid da" Salma gi Bedlehem voogung ri de: da:. Houg: lho: nya: yuggi zoo: soem" yug ein: yug nghoid da" Harepha gi Betgadera voogung ri de: da:.

⁵²Kiriad Yarim ri de: su: Shobala gi Haroe byumyu" yi da" phoug" phyid" nghoid wigi houg bang: gi Menuhod mougmyid moo: agung dayi" nyid nyid bang: nghoid.

⁵³Houg: lho: vhoo: moo akung: ako' yi we' Kiriad Yarim moo: nyid bang: nghoid ago". Houg: bang: gi Ithri byu yi Puthi byu yi Shumathi byu yi Mishrai byu yi nghoid ago". (Zora yo' Esthaola voomoo" moo nyid boem da" byu yi we' hau: akung: ako' mo bang: nghoid ago".)

⁵⁴Bedlehem ri te: su: Salma gi Netopha byu yi Atrod Bed Yoab byu yi yo' Zori byu yi da" phoug" phyid" nghoid wigi nyangnu" gi Manahad akung: ako' eig kung: mo dakung: bang: nghoid da:. (

⁵⁵Vhoo mo akung: ako'' yigi Yabed voogung moo: nyid wigi nyangnu" gi mougsoug" lhid" jhang: bang: yang: je: lhid" jhang: bang: nghoid ago". Houg: bang: gi Tirathi byu yi Shimethi byu yi yo' Sukhathi byu yi nghoid da:. Houg: bang: gi Rekhab byu yi yo' myi: byid: myi yu go" da" Keni byu yi nghoid ago".)