Read Lashi 1 KHOKHAM MHOOMYID: 24 Bible Online

1 KHOKHAM MHOOMYID: 24 - Lashi bible

1 KHOKHAM MHOOMYID: 24

¹He: byu phung: yigi Arun da" amyed ashen yi mo bo boo bang: nghoid ago". Arun gi Nadab- Abihu- Eleaza- Ithama ga: da" yuggi zoo: myid: yug yo" da:.

²Nadab yo' Abihu tang: gi nya: phoo ashid: shi" ri shid: lo" ago". Nya: tang: gi amyed ashen ayoo" nghoid da:. Houg: yoomo nya: tang: nya: nhung" Eleaza yo' Ithama tang: gi khainjung bue" lo ago".

³Khokham David gi nyangnu" moo" ri cang wigi Arun da" amyed ashen yiri byu phung: kho' nhang: da:. Nyang: gi hid su" kho' jang" moo Eleaza da" amyed ashen Zadog yo' Ithama da" amyed ashen Ahimeleg tang: bo pang" wigi koid da:.

⁴Eleaza da" amyed ashen yiri daxe: khyug phung: koid lho: Ithama da" amyed ashen yi rigi shid phung: koid da:. Hidsu" koid zigi Eleaza da" amyed ashen yi phung: moo yhoemkhung: vhujhung: yuggi yi je myo: boem yoomo nghoid da:.

⁵Eleaza yo' Ithama tang: goin" da" amyed ashen yigi Noku Yhoem: Moo" mo moo" voin bang: yo' Venyi: vhujhung: yi bo boem yoomo nyangnu" moo" ri me" lab wigi khyen: sain' yu boem ago".

⁶Eleaza yo' Ithama da" amyed ashen yigi me" lab, khyo" moo" kho' yu da:. Hau: thang: nyangnu" ri Levi byu Nethanela da" yuggi zoo: moo" seing: phoo Shemaia wigi myeing zhayhen" lhid" yu nhang: da:. Khokham- nya: zoug: yi khainjung Zadog- Abiatha da" yuggi zoo: Ahimeleg- Khainjung yhoemkhung: vhujhung: yi Levi yhoemkhung: vhujhung: yi dangain" bang: gi sagse: nghoid ago".

⁷He: zigi nyangnu" moo" moo yoovoin foin: too" shau" boem da" yhoemkhung: eig xe: myid: loem: da" zhayhen" nghoid. 1) Yehoiarib- 2) Yedai- 3) Harim- 4) Seorim- 5) Malkhiya- 6) Miyamin- 7) Hakoza- 8) Abiya- 9) Yeshua- 10) Shekhania- 11) Eliashib- 12) Yakim- 13) Hupa- 14) Yeshebea- 15) Bilga- 16) Imera- 17) Hezira- 18) Hapiza- 19) Pethahia- 20) Yehezkela- 21) Yakhin- 22) Gamula- 23) Delaia- 24) Mazia bang: nghoid ago".

¹⁹He byu yigi Noku Yhoem: Moo" shid re" nyangnu" voin vu, moo" khyo" wigi lhid" xoem" too" shau" bang: nghoid wigi nyangnu" da" phoug" phyid" Arun Israela da" ASEING Mangsoo da" amyeing" ri tam" gyo: cang yhe: ziyo' koid nyid da" moo" moo zei nyid bang: nghoid.

²⁰Hid: bang: gi Levi mo byo gyoo" lo da" gootu: yhoemkhung: vhujhung: yi nghoid da:. Amram da" amyed ashen Shubuela mo Yedeia.

²¹Rehabia da" amyed ashen Ishia-

²²Isharia da" amyed ashen Shelomid mo Yahad.

²³Nyangnu" da" apyaid khyo" cang wigi Hebron da" yuggi zoo: yigi Yeria- Amaria- Yehaziela yo' Yekameam boem nghoid da:.

²⁴Uziela da" amyed ashen Mikha mo Shamira.

²⁵Uziela da" amyed ashen Mikha da" nya: nhung" Ishia mo Zekharia.

²⁶Merari da" amyed ashen yi nghoid boem da" Mali- Mushi- Yazia

²⁷Yazia gi Shoham- Zakhura- yo' Ibri ga: da" yuggi zoo: soem" yug yo" da:.

²⁸Mali ga: Eleaza yo' Kisha ga: da" yuggi zoo: eig yug yo" da:. Eleaza gi yuggi zoo: ayoo" nghoid da:. Nghoid loug Kisha gi Yeramela ga: da" yuggi zoo: dayug yo" da:.

³⁰Mushi gi Mali- Edera yo' Yeremod ga: da" yuggi zoo: soem" yug yo" da:. Hid: bang: gi Levi yhoemkhung: byu yi nghoid ago". p

³¹Arun da" amyed ashen khainjung yi nghoid boem da" nyangnu" bidnoem yi nghoid boem ziyo' dayhang: ti" yhoemkhung: khang" moo" mo vhujhung: yo' nya: nhung" yi mo dayug gi nyangnu" mo" ri me" lab yu ago". Khokham David- Zadog- Ahimeleg- khainjung yi da" yhoemkhung: mo vhujhung: yi yo' Levi yi da" yhoemkhung: mo vhujhung: yi gi sagse: yi nghoid boem ago".