Read Lashi 1 KHOKHAM MHOOMYID: 25 Bible Online

1 KHOKHAM MHOOMYID: 25 - Lashi bible

1 KHOKHAM MHOOMYID: 25

¹Khokham David yo' Levi vhujhung: yigi vhoo: mo Levi kung: yiri noku coung" da" moo" moo vhu" she: wa shid re" khyen: to" ago". Houg: bang: gi Asab- Heman- Yeduthun bang: nghoid ago". Nyangnu" gi teing joem yo' jhabceing joem thui: yo' dage" Mangso mungdang: ri tid fu" wa bang: nghoid ago". He: byu yi da" zhayhen" joem gi nyangnu" voin vu da" moo" zoo" moo: cang lho: noku coung" moo" ri vhu" she: wa khyen" too" shoug" bang: nghoid ago".

²Asab da" yuggi zoo: myid: yug gi Zakhura- Yoseb- Nehtana- Asharela bang: nghoid. Nyangnu" gi khokham wigi amyeing" byid: khang" moo" Mangso mungdang: ri tid fu" su: Asab da" vhu" she: jhau" shid akhoug: moo nyid bang: nghoid ago".

³Yeduthun da" yuggi zoo: khyug yug gi Gedalia- Zeri- Yeshaia- Shimi- Hashabia- Matithia bang: nghoid. Nyangnu" gi nya: phoo vhu" she: jhau" shid da" akhoug: moo nyid wigi teing baid thui: yo' dage" Mangso mungdang: ri tid fu" lho: ASEING ri jikhoin" yo' jeju" boin: coung" nghei boem ago".

⁴Heman da" yuggi zoo: daxe: myid: yug gi Bukia- Matania- Uziela- Shebuela- Yerimod- Hanania- Hanani- Eliatha- Gidalti- Romamti Ezera- Yoshbekasha- Malothi- Hothira- Mahaziod bang: nghoid.

⁵Mangsoo gi khokham da" Lapi: Heman ri yoem: so' byid: wa ga: nyang: ri dangsoo: byid: to" ziyo' dayhang: ti" he: yuggi zoo: daxe: nyid yug yo' myiyi: zoo: soem" yug ri we' yoem: so' byid: da:.

⁶Nya: yuggi zoo: yi dangain" gi Noku Yhoem: Moo" mo noku coung" jang" moo bo se' cang boem wa shid re" nyangnu" da" nya: phoo jhau" shid da" akhoug: moo nyid lho: jhabceing yo' teing joem ri baid ago". Houg: lho: Asab- Yeduthun- Heman bang: gi khokham da" amyeing" khoug: moo nyid boem ago".

⁷He: eig xe: myid: yug gu: dangain" bang: gi si' bang: jhang: bang: nghoid ago". Nyangnu" da" Levi byencang" yigi jhau" to" da" music phung: bang: nghoid. Houg: moo dangain" 288 yug nghoid da:.

⁸Moo" zoo" ri kho' gam wa shid re" nyangnu" gi ngi bang: nghoid nghoid gyi bang: nghoid nghoid- se' jhang: bang: nghoid nghoid asi' shi" bang: nghoid nghoid nyangnu" dangain" bang: me" lab wigi jang deing yu boem ago".

⁹He: byu 288 yug ri phung: khang" moo" moo vhujhung: dayug yug khyo" wigi yhoemkhung: ri cang lho: daphung: moo daxe: eig yug yug- eig xe: myid: phung: kho' to" da:. He: zigi nyangnu" moo" zoo" khyo" cang lho: zhayhen" nghoid da:. 1) Asab yhoemkhung: mo Yoseb- 2) Gedalia- 3) Zakhura- 4) Zeri- 5) Nethania- 6) Bukia- 7) Asharela- 8) Yeshaia- 9) Matania- 10) Shimi- 11) Uziela- 12) Hashabia- 13) Shebuela- 14) Matithia- 15) Yerimod- 16) Hanania- 17) Yoshbekasha- 18) Hanani- 19) Malothi- 20) Eliatha- 21) Hothira- 22) Gidalti- 23) Mahaziod- 24) Romamti Ezera bang: nghoid ago".