Read Lashi 1 KHOKHAM MHOOMYID: 27 Bible Online

1 KHOKHAM MHOOMYID: 27 - Lashi bible

1 KHOKHAM MHOOMYID: 27

¹He: zigi Israela da" yhoemkhung: vhujhung: yi akung: ako' yi da" vhujhung: yi yo' mungdain: ri vhoebkhang" moo" zei: da" nyangnu" zoug: ludaid yi da" zhayhen" nghoid da:. Zain goin" moo lhoo' khyab khang" moo" byu eig moin myid khyeing" bo da" byu phung: yigi daphung: thang: daphung: hau: lhoo' khyab moo moo" eung: da" zoug: ludaid da" vhoo: moo moo" zei: nyid boem ago".

²Vhoo: mo bang: gi lhoo' khyab khang" moo" mo zoug: ludaid yi nghoid da:. Xang: shi" khyab- Zabdiela da" yuggi zoo: Yashobeam (Nyang: gi Yuda byumyu" Pereza kung: moo bo boo su: nghoid) Eig khyab khyab- Ahohi amyed ashen mo Dodai (Miklod gi nya: vhoo: mo zoug: nghoid) Soem" khyab khyab- Khainjung Yehoiada da" yuggi zoo: Benaia nghoid. Nyang: gi soem' xi: yug da" vhujhung: nghoid. (Nya: yuggi zoo: Amizaba gi he: phung: da" zoug: ludaid khyo" nya: khoo: moo zoug: xo' koid da) Myid: khyab khyab- Yoab da" nya: mang:- nya: nhung" Asahela (Nya: yuggi zoo: Zebadia gi nya: khoo: moo xo' koid da:.) wim: khyab khyab- Izhara da" amyed ashen Shamhud Khyug khyab khyab- Tekoa mo Ikesha da" yuggi zoo: Ira. Nyhed khyab khyab- Pelon mo Ephrim byumyu" Heleza. Shed khyab khyab- Husha mo Sibekhai (Nyang: gi Yuda byumyu"- Zera akung: ako' moo bo boo su: nghoid.) Goug: khyab khyab- Benyamin byumyu" kung: da" mougmyid moo jo, da" Anathod mo Abieza. Daxi: khy(...)

¹⁶He: zigi Israela byumyu" kung: yi mo vhoebkhang" zoug: yi da" myeing zhayhen" nghoid da:. [Byumyu" kung:] — [Vhoeb khang" zoug:] Ruben — Zikhri da" yuggi zoo: Elieza Simun — Makha da" yuggi zoo: Shephatia Levi — Kemuela da" yuggi zoo: Hashabia Arun — Zadog Yuda — Khokham David da" nya: mang: yi mo dayug nghoid da" Elihu. Isakha — Mikhaela da" yuggi zoo: Omri Zebulun — Obadia da" yuggi zoo: Ishamaia Napthali — Azriela da" yuggi zoo: Yeremod Ephrim — Azaria da" yuggi zoo: Hoshea Bidvang: shoid Manashe — Pedaia da" yuggi zoo: Yoela Bidthu shoid Manashe — Zekharia da" yuggi zoo: Ido Benyamin — Abna da" yuggi zoo: Yaziela Dan — Yeroham da" yuggi zoo: Azarela bang: nghoid ago".

²³Khokham David gi eig xi: zain mo vhoo: mo gu: ri byu zhayhen" akoid: yu nghoid da:. Ciwim gari ASEING gi Israela byumyu" yiri mougkhung: mo kyi: myho' myoo: nhang: wa dangsoo" byid: too" yoomo nghoid da:.

²⁴Nya: myhi' gi Zeruia nghoid da" Yoab gi byu zhayhen" koid: shid" da:. Nghoid loug we' nyang: gi hau: ziri akoid: pain' nghoid da:. He: byu zhayhen" koid" gang mo Israela byumyu" yiri Mangsoo yooboo dam byid: da:. Hougsu" yoomo khokham David da" tarha" vang lhid" xoem" pug moo lo" thang asoo" ri khanham we' alhid" xoem" too" nghoid da:.

²⁵He: zigi khokham jonu" ri vhoeb da" zoug: ludaid yi zhayhen" nghoid. Khokham zi too" yab joem Adiela da" yuggi zoo: Azmaved. Mung" shava zi too" yab joem Uzia da" yuggi zoo: Yonathan. Khyam: yoo moo"- Khelub da" yuggi zoo: Ezri Zabyid khyam: moo"- Rama mo Shimi. Zabyid yhid: too" yab joem Shapham mo Zabdi. Zhainloin: yo' Latung gam joem (bidvang shoid boem khyid: moo)- Gedera mo Bala Hanan. Zhainloin: xu: too" yab- Yoasha. Sharon jang: pa: mo nu: kyung- Sharon mo Shitrai. Jang: gyoin: joem mo nu: kyung- Adlai da" yuggi zoo: Shaphad. Gola-ug joem Ishamaela byu Obila. Loo zei: joem Meronod mo Yedeia. Yang yo' coidbaid joem Hagri byu Yazi bang: nghoid ago".

³²Khokham David da" nya: laid Yonathan gi se' jhang: da" phajhi' byid: su: yo' phajhi" si' su: dayug nghoid da:. Nyang: yo' Hakhamoni da" yuggi zoo: Yehiela gi khokham da" yuggi zoo: yi phajhi" jhau" khyoo: moo yoovoin yu boem ago".

³³Ahithophela gi khokham ri phajhi" byid: su: nghoid wigi Akhi byumyu" Hushai gi khokham pho da" byencang" yo' byen phyoo" sham: khyoo: shid su: nghoid da:.

³⁴Ahithophela shid: lo" thang: Abiatha yo' Benania da" yuggi zo: Yehoiada gi Phajhi" byid: su: bue" lo da:. Yoab gi khokham gyidab mo gyizoug: moo" nghoid da:.