Read Lashi 1 KHOKHAM MHOOMYID: 7 Bible Online

1 KHOKHAM MHOOMYID: 7 - Lashi bible

1 KHOKHAM MHOOMYID: 7

¹Ishakha gi Tola- Pua- Yashub- Shimron ga: da" yuggi zoo: myid: yug yo" da:.

²Tola gi Uzi- Rephaia- Yeriela- Yamai- Ibsam yo' Shemuela ga: da" yuggi zoo: khyug" yug yo" da:. Nyangnu" gi Tola kung: mo yhoemkhung: yi da' vhujhung: yi nghoid wigi myeing gyi: da" gyizoo: yi nghoid ago". Khokham David da" apyaid moo: nyangnu" da" amyed ashen yigi 22,600 yug nghoid ago".

³Uzi gi Izrahia ga: da" yuggi zoo: dayug yo". Izrahia yo' nya: yuggi zoo: yi myid: yug nghoid da" Mikhaela- Obadia- Yoela yo' Ishia bang: dangain" gi yhoemkhung: joem da" vhujhung: yi nghoid ago".

⁴Nyangnu" gi yhoem: seing: myhi' myoo" sho' yo" boem wigi zooshang: myoo" sho' yo" boem yoomo nyangnu" da" amyed ashen yigi gyi moo" zei: wa shid re" byu 36,000 yug yo" pang" byid: da:.

⁵Ishakha byumyu" kung: yi mo yhoemkhung: dangain" bang: mo gyi moo" voin wa shid re" byu 87000 yug tarha" vang rung" moo: zhayhen" koid: to" ago".

⁶Benyamin gi Bela- Bekhara- Yediela ga: da" yuggi zoo: soem" yug yo" da:.

⁷Bela gi Ezbon- Uzi- Uziela- Yerimod yo' Iri ga: da" yuggi zoo: wim: yug yo" da:. Nyangnu" gi akung: ako' mo yhoemkhung: joem da" vhujhung: yi nghoid wigi dangain" bang: gi myeing gyi: da" gyizoo: yi nghoid ago". Nyangnu" da" amyed ashen yi mo gyi moo" voin' wa shid re" tarha" vang byu 22,034 yug bo bo da:.

⁸Bekhara gi Zemira- Yasha- Elieza- Eleonai- Omri- Yeremod- Abiya- Anathod- Alemed ga: da" yuggi zoo: gau: yug yo" da:.

⁹Nyangnu" da" amyed ashen yiri yhoemkhung: cang wigi gyi moo" zei: wa shid re" 20,200 yug tarha" vang lhid" xoem" to" ago".

¹⁰Yediaela gi Bihan ga: da" yuggi zoo: dayug yo" da:. Bihan gi Yesha- Benyamin- Ehud- Khenana- Zethan- Tarshi- Ahishara ga: da" yuggi zoo: nyhed yug yo" da:.

¹¹Nyangnu" gi akung: ako' yi da" yhoemkhung: vhujhung: yi nghoid. Nyangnu" da" amyed ashen moo: gyi moo" voin wa shid re" 17,200 yug bo bo da:.

¹²Shupim yo' Hupim tang: we' he: byumyu" kung: moo: bo bo da:. Dan gi Hushim ga: da" yuggi zoo: dayug yo".

¹³Napthali gi Yaziela- Guni- Shalum ga: da" yuggi zoo: myid: yug yo" da:. (Nyangnu" gi Bila da" amyed ashen yi nghoid ago").

¹⁴Manashe gi nya: dang cang: myhi' Arami oung: mo Asriela yo' Makhira ga: da" yuggi zoo: eig yug yo" da:. Makhira gi Gilead da" nya: phoo nghoid.

¹⁵Makhira gi Hupim yo' Shupim tang: shid re" yhoem: seing: myhi' shoo: byid: da:. Nya: nham" mo" myeing gi Makha ga: zi nghoid. Makhira da" zoo: laid yug gi Zelophehad nghoid wigi nyang: moo: myiyi: zoo: yi za: yo" da:.

¹⁶Makhira da" yhoem: seing: myhi' Makha gi yuggi zoo: eig yug khu: byid: wigi houg: tang: da" myeing gi Peresha yo' Sheresha ga: zi nghoid. Peresha gi Ulam yo' Rakem ga: da" yuggi zoo: eig yug yo" da:.

¹⁷Ulam gi Bedan ga: da" yuggi zoo: dayug yo" da:. Hid: bang: dangain" gi Manashe da" nya: myid:- Makhira da" yuggi zoo: Gilead da" amyed ashen yi nghoid ago".

¹⁸Gilead da" nhammoo" Hamolekhed gi Ishod- Abieza- Mala ga: da" yuggi zoo: soem" yug yo" da:. (

¹⁹Shemida gi Ahian- Shekhem- Likhi- Aniam ga: da" yuggi zoo: myid: yug yo" da:.)

²⁰Hid bang: gi daxeig mo daxeig gyoo" lo da" Ephrim da" amyed ashen yi nghoid. Houg: bang: gi Shuthela- Bered- Tahad- Eleada- Tahad-

²¹Zabad- Shuthela bang: nghoid da:. Ephrim gi Shuthela mo jain" lho: Ezera yo' Elead ga: da" yuggi zoo: gootu: eig yug yo" ashi". Hau: eig yug gi moug: seing: Gad byu yi seing: da" gougnyhoug joem ri khau" wa soin' uri said pyam shau" da:.

²²Nya: tang: nya: phoo Ephrim gi nya: eig tang: gang mo bidnyid myang" sho' koug ngau wigi nya: bidnoem yigi nyang: ri nheig re" teing byid: boem.

²³Hau: thang: nyang: gi nya: yhoem: seing: myhi' yo' gung shoo" doem zoem" wigi gung lid: re" lho: yuggi zoo: dayug khu: da:. Nya: tang: gi nyang: ri Beria ga: myheing ago". Ciwim gari: nya: tang: yhoemkhung: moo: yau: khi" ju" ri" yoomo nghoid.

²⁴Ephrim gi Shera ga: da" myiyi: zoo: dayug yo" da:. Nyang: gi Bed Horon tho' mo loem: yo' vhoo: mo loem:- Uzena Shera voogung joem ri de: to" da:.

²⁵Ephrim gi Repha ga: da" yuggi zoo: dayug we' yo" ashi". Hau: yug da" amyed ashen yigi vhoo: moo: lhid" to" ziyo' dakhyo" nghoid. Houg bang: gi Resheb- Tela- Tahan-

²⁶Ladan- Ammihud- Elishama-

²⁷Nun- Yoshu bang: nghoid ago".

²⁸Nyangnu" seing: yu wigi de: nyid da" mougmyid gi Bethela voogung yo' hau: lheing khoem mo joyoo- bidthu shoid Naran ju" sho' bidvang shoid Gezera voogung yo' hau: lheing khoem mo voogung joem ju" sho' nghoid da:. Hau: jang mo: Shekhem- Aya yo' lheing khoem mo voogung joem we' bo bo da:.

²⁹Manashe da" amyed ashen yigi Bed Shan- Tanag- Megido- Dora voogung joem yo' hau: lheing khoem mo voogung joem ri seing: ci: da:. He: joyoo dangain" moo: Yaku da" yuggi zoo: Yoseb da" amyed ashen yi nyid ago".

³⁰Hid bang: gi Ashera da" amyed ashen yi nghoid da:. Nyang: moo: Imna- Ishava- Ishavi- Beria ga: da" yuggi zoo: dayug yo" da:.

³¹Beria gi Hebera yo' Malkhiela ga: da" yuggi zoo: eig yug yo" da:. (Malkhiela gi Birzaid voogung ri de: su: nghoid.)

³²Hebera gi Yaphed- Shome- Hotham ga: da" yuggi zoo: soem" yug yo" wigi Shua ga: da" myiyi: zoo: dayug yo" da:.

³³Yaphed we' Pasag- Bimhala- Ashvad ga: da" yuggi zoo: soem" yug yo" da:.

³⁴Nya: nhung" Shome gi Roga- Yehuba- Aram ga: da" yuggi zoo: soem" yug yo" da:.

³⁵Nya: nhung" Hotham gi Zopha- Imna- Shele- Amala ga: da" yuggi zoo: myid: yug yo" da:.

³⁶Zopha da" amyed ashen yigi Sua- Harnephe- Shuala- Beri- Imra-

³⁷Bezera- Hoda- Shama- Shilsha- Ithran- Bera bang: nghoid ago".

³⁸Yethera da" amyed ashen yigi Yephune- Pispa- Ara bang: nghoid wigi

³⁹Ula da" amyed ashen yigi Ara- Haniela yo' Rizia bang: nghoid ago".

⁴⁰Hid: bang: dangain" gi Ashe da" amyed ashen yi nghoid da:. Nyangnu" gi yhoemkhung: joem da" vhujhung: yi nghoid. Myeing gyi: da" gyi khaid bang:- bugthu sheing" jhu" da" bang: nghoid. Ashe da" amyed ashen yigi gyi moo" voin wa shid re" tarha" vang byu 26,000 yug bo bo ago".