Read Lashi 1 KHOKHAM MHOOMYID: 9 Bible Online

1 KHOKHAM MHOOMYID: 9 - Lashi bible

1 KHOKHAM MHOOMYID: 9

¹Israela byumyu" dangain" ri nyangnu" yhoemkhung: joem ri cang wigi zhayhen" koid: to" lho: he: zigi Israela khokham yi da" soug" pug moo: lhid" xoem" to" ago". Yuda byumyu" yigi nyangnu" da" yooboo shid re" yooboo dam khyo" Babelon khyoo: myheig shu" lo" zi shau" boem ago".

² Nyangnu" seing: da" voomoo" joem khyoo: xang: shi" doem tau" lo da" bang: moo: Israela byumyu" yi khainjung yi Levi byu yi Noku Yhoem: Moo" moo: moo" zei: bang: bo bo ago".

³Yuda- Benyamin- Ephrim- Manashe byumyu" kung: mo byu yigi Yerusalem moo: nyid wa khyo" yhe: lo" boem.

⁴Yuda byumyu" yi mo yhoemkhung: 690 yhoem: bang: gi Yerusalem moo: nyid boem ago". Yuda da" yuggi zoo: Pereza da" amyed ashen yi moo: Omri da" nya: myid:- Amihu da" yuggi zoo:- Uthai gi vhujhung: nghoid da:. Nya: da" gootu: phoug" phyid" yi moo: Imri yo' Bani bo bo da:. Yuda da" nya: yuggi zoo: Shela da" amyed ashen gi nyangnu" da" vhujhung: Asaia nghoid da:. Nyang: gi nya: yhoemkhung: mo vhujhung: nghoid. Yuda da" nya: yuggi zoo: Zera da" amyed ashen gi nyangnu" vhujhung: khyo" Yeuela nghoid da:.

⁷Vhoo: moo: bo da" Benyamin byumyu" kung: yigi Yerusalem moo: nyid boem. Houg: bang: gi Meshulam da" yuggi zoo: Salu- Meshulam gi Hodavia da" yuggi zoo:- Hodavia gi Haserua da" yuggi zoo:- Ibnea gi Yeroham da" yuggi zoo: Ela gi Uzi da" yuggi zoo: nghoid wigi Mikhri da" myid zoo: nghoid. Meshulam gi Shephatia da" yuggi zoo:- Shephatia gi Reuela da" yuggi zoo:- Reuela gi Ibniya da" yuggi zoo: nghoid da:.

⁹Hougmoo: nyid boem da" he: byumyu" kung: yi yhoemkhung: gi 956 yhoem: nghoid. Atho' moo: myeing boo bang: dangain" gi yhoemkhung: vhujhung: yi nghoid ago".

¹⁰Vhoo: mo khainjung yigi Yerusalem moo: nyid bang: nghoid da:. Houg: bang: gi Yedaia- Yehoiarib yo' Yakhin- Hikhia da" yuggi zoo: Azaria (Noku Yhoem: Moo" mo moo" voin vhujhung: moo") Nya: phoug" phyid" yi moo: Meshulam- Zadog- Meraiod yo' Ahitub bang: bo da:. Yeroham da" yuggi zoo: Adaia nghoid- nya: phoug" phyid" yi moo: Pashuna- Malkhiya bang: bo da:. Adiela da" yuggi zoo: Masai nghoid- nya: phoug" phyid" yi moo: Yazera- Meshulam- Meshilemid yo' Imera bang: bo da:.

¹³Yhoemkhung: joem: vhujhung: yi nghoid boem da" khainjung yi dangain" gi 1760 yug nghoid da:. Nyangnu" dangain" bang: gi Noku Yhoem: Moo" mo moo" zei jang" moo: gye" jhang: bang: nghoid ago".

¹⁴Vhoo: mo Levi byu yigi Yerusalem moo: nyid bang: nghoid. Houg: bang: gi Hashuba da" yuggi zoo: Shemaia- nya: phoug" phyid" yi moo: Azrikam- Hashabia tang: bo bo wigi houg: tang: gi Merari- Bakhaka- Heresha yo' Galala kung: bang: nghoid da:. Mikha nya: yuggi zoo: Matania- nyangnu" phoug" phyid" yi moo: Zikhri yo' Asab tang: bo bo da:. Shemaia da" yuggi zoo: Obadia- nya: phoug" phyid" yi moo: Galala yo' Yeduthun tang: bo bo da:. Asa da" yuggi zoo: Elkana da" myid: zoo: Berekhia- nyang: gi Netopha voogung wigi seing: da" mougmyid moo: nyid su: nghoid.

¹⁷Vhoo: moo: lhid" to" da" Noku Yhoem: Moo" zung" bang: gi Yerusalem moo: nyid boem ago". Houg: bang: gi Shalum- Akuba- Talamon yo' Ahiman bang: nghoid. Shalum gi nyangnu" da" vhujhung: nghoid da:.

¹⁸Hau: ayo, mo zi nyangnu" kung: moo: bo boo bang: gi bidthu shoid khyo" vang lo da" khokham khoem" moo" moo: lhoug zung" nyid boem ago". Shid phyang" nyangnu" gi Levi byumyu" yi dab joem mo khoem" joem moo: zung" bang: nghoid ago".

¹⁹Kore da" nya: yuggi zoo:- Ebiasab da" myid: zoo:- Shalum gi Kora kung: mo nya: mang: nhung" yi yo' dage" nyangnu" da" phoug phyid" yi ASEING da" dab moo: yoovoin yu lo boem ziyo' dakhyoo" ti" ASEING da" shidkhoin" zoem" khoem" duang: moo: lhoug zung" wa yoovoin boo bang: nghoid ago".

²⁰Phineha gi: Eleaza da" nya: yuggi zoo: nghoid. Phineha gi shid phyang" zoem" khoem" duang: zung" bang: da" vhujhung: nghoid wigi ASEING we' nyang: yo' dage" nyid lid loo bye:.

²¹Mashelemia da" yuggi zoo: Zekharia we' ASEING shidkhoin" zoem" khoem" duang: moo: zung" nyid su: nghoid.

²²Dangain" 212 yug gi vang lo" khoem" duang: yo' khoem" moo" duang: ri zung" wa shid re" khyen: to" da:. Nyangnu" ri nyangnu" nyid da" voogung ri cang lho: myeing lhid" to" ago". Khokham David yo' Lapi: Samuela tang: gi he: yoovoin ri nyangnu" phoug" phyid" yiri foin: to" ago".

²³Nyangnu" yo' nyangnu" da" amyed ashen yigi Noku Yhoem: Moo" ri xo' lho: lhoug zung" lo boem ago".

²⁴Shoid khang" moo" nghoid da" bid thu- bidvang- mougzhung:- mougpyi:- moo: khoem" moo" bo da:. Hau: khoem" duang: moo" khang" moo" lhoug zung" vhujhung: nyid da:.

²⁵He: lhoug zung" bang: ri voogung joem moo nyid boem da" bang: yo' nyhed nyid" dalheing" yoovoin ri voin eung: da" bidnoem yi wigi bo pang" thoug byid ago".

²⁶Zung" lhoug vhujhung: myid: yug gi Levi byu yi nghoid wigi yoovoin yo" thang bang: nghoid. Nyangnu" gi Noku Yhoem: Moo" mo yab joem ri we' hau: yung: to" da" zookhoo: joem ri we' lhoug zung" wa yoovoin yoo" bang: nghoid.

²⁷Nyangnu" gi Noku Yhoem: Moo" nam moo: nyid boem ago"- Ciwim gari: nyangnu" gi hau: ziri goem loem wa shid re" yo' nab soin: khang" moo: khoem" phang wa yoovoin yoo" yoomo nghoid.

²⁸Gootu: Levi byu yigi noku coung" uri: ci: da" oug" khu lang: bain ri yoovoin yu bang: nghoid. Nyangnu" hau: joem ri ci: khang" moo" ci: thu lo- ci: vang loo" koid da" ayo, moo: joeb ca: yu" bang: nghoid ago".

²⁹Gootu: bang: gi gyeung" shang: da" jonu" gootu: ri yoovoin yu lhoug zung" bang: nghoid. Hau: joem gi cen: moin" phei"- zabyid yhid:- zhainloin: xu:- nam pyo: ja: xu:- xoin" nam pyo: ja: aphei" joem nghoid ago".

³⁰Nghoid loug we' xoin" nam pyo: ja: aphei" lheig wa moo" gi khainjung yi moo" nghoid da:.

³¹Levi byu Kora kung: mo Shalum da" nya: yuggi zoo: mang: moo" Matithia gi zooyho' xoin" ri bung: wa moo" yoo" su: nghoid.

³²Kohad kung: mo bang: gi Dougno: Bidnyid nyid" khang" moo" Noku Yhoem: Moo" shid re" gyeung" shang: zooyho' ri nyheing jung da" yoovoin yo" ago".

³³Levi yhoemkhung: byu yi dayham" gi Noku Yhoem: Moo" moo: music moo" ri voin vu da:. He: yhoemkhung: yi da" vhujhung: yigi Noku Yhoem: Moo" mo yhoem: dayham" moo: nyid boem wigi gootu: moo" avoin nghoid ago". Ciwim gari nyangnu" gi myen" myen" nyid" nyid" moo" zei: ago".

³⁴Atho' moo: myeing boo bang: gi nyangnu" phoug" phyid" yhoemkhung: cang wigi Levi byu yhoemkhung: yi da" vhujhung: yi nghoid da:. Nyangnu" gi Yerusalem moo: nyid boem da" vhujhung: yi nghoid ago".

³⁵Yeiela gi Gibeon voomoo" ri de: wigi hougmoo: nyid da:. Nya: yhoem: seing: myhi' gi Makha ga: su: nghoid.

³⁶Nya: zooshid" yuggi zoo: gi Abdon nghoid. Nya: gootu: yuggi zoo: yigi Zura- Kisha- Bala- Nera- Nadab-

³⁷Gedora- Ahio- Zekharia yo' Miklod bang: nghoid.

³⁸Miklod gi Shimea da" nya: phoo nghoid. Nyangnu" da" amyed ashen yigi Yerusalem mo nyangnu" kung: yhoemkhung: gooji bang: anam moo: nyid boem ago".

³⁹Nera gi Kisha da" nya: phoo- Kisha gi Sholu da" nya: phoo nghoid da:. Sholu gi Yonathan- Mekhishua- Abinadab- Eshbala ga: da" yuggi zoo: myid yug yo" da:.

⁴⁰Yonathan gi Meribala da" nya: phoo nghoid. Meribala gi Mikha nya: phoo nghoid da:.

⁴¹Mikha gi Pithon- Meleg- Tarea- Ahaza ga: da" yuggi zoo: myid: yug yo" da:.

⁴²Ahaza gi Yara da" nya: phoo nghoid. Yara gi Alemed- Azmaved- Zimri ga: da" yuggi zoo: soem" yug da" nya: phoo nghoid da:. Zimri gi Moza da" nya: phoo nghoid da:.

⁴³Moza gi Binea da" nya: phoo- Binea gi Rephaia da" nya: phoo- Rephaia gi Eleasa da" nya: phoo- Eleasa gi Azela da" nya: phoo nghoid da:.

⁴⁴Azela gi Azrikam- Bokheru- Ishmaela- Shearia- Obadia- Hanan ga: da" yuggi zoo: khyug yug yo" da:.