Read Lashi THU' LO" MOUGSOUG" 26 Bible Online

THU' LO" MOUGSOUG" 26 - Lashi bible

THU' LO" MOUGSOUG" 26

¹Gyeung" shang: da" nga" shidkhoin" Zoem" akhoug: shoid ri zin: yung" pain" yo' yo, to" da" pain"- mougnyoug void- khalham" void yo' soug" goug" ni joem daxi: du wigi koid we'. Hau: pain" joem ri dung dab dei noem joem soolhoo: ri za: yo' thau" wa zi nghoid.

²Pain" cu' dangain" du goo" sho' sheing: khyoo: 14 gaid- pyi: khyoo: 2 gaid koid we'.

³Hau: gu: ri wim: khyab ri dazuang khyoeb zho' wigi gootu: wim: khyab ri we' dazuang khyoeb zho' we'.

⁴Nghe: shoid mo pain" zuang dangain" da" athang: moo mougnyoug void teikhuang joem ri tab we'.

⁵Xang: shi" zuang mo xang: shi" khyab moo teikhuang wim: xi: khuang- eig zuang mo lo" thang khyab moo teikhuang wim: xi: tab we'.

⁶Eig zuang goin" ziri dakhyab kyeing" bui" sho' xo' wa shid re" sheing: langhui" wim: xi: loem koid we'.

⁷Zoem" ri moug: wa shid re" coidbaid moug" yo' yo, da" pain" cu' daxe: dacu' ri koid we'.

⁸Hau: gu: dangain" du goo" sho' sheing: khyoo: 15 gaid- pyi: khyoo: 2 gaid koid we'.

⁹Hau: gu: ri wim: khyab dazuang khyoeb zho' wigi gootu: khyug khyab ri dazuang khyoeb xo' we'. Khyug khyab ri xo' to" azuang rigi zoem" pain' shoid khyoo: eig du: nab lho: moug: we'.

¹⁰Dazuang da" lo" thang khyab athang: moo teikhuang wim: xi: tab wigi gootu: azuang mo athang: moo we' wim: xi: khuang tab we'.

¹¹Gyid: mid" langhui" wim: xi: loem: koid wigi eig zuang goin" ziri dazuang kyeing" bui" sho' teikhuang joem moo nghue" lhang" too" we'.

¹²Pain" thang: rigi zoem" gain: thoung: shoid khyoo: khyo' lhang" too" we'.

¹³Zoem" mhang" moug thang: lheung khab' mo pain" cu' thang: ri dape: khyug lo, shi" koo: khyo' too" we'.

¹⁴Hau: adang moo pug nghoeb wa shid re" ani xoug" to" da" yang yid dakhyab yo' gootu: ge da" shooyid dakhyab we' he: eig khyab ri doem pug koid we'.

¹⁵Zoem" shid re" shug seig khyam" zeing ri we' koid we'.

¹⁶Seig khyam" zeing khang" moo" 15 pi: sheing: wigi 2 pe: 3 lo, shi" koo: thu: lho:

¹⁷Seig khyam" zeing khang" moo" ri daveing" za: yo" xo' sho' zeing thug eig loem: loem: tab ca" da:. Hougsu" zeing dangain" moo hau: zeing thug joem ri tab ca" da:.

¹⁸Mougpyi: shoid mo shid re" seig khyam" zeing eig xi: loem: koid wigi

¹⁹Seig khyam" zeing daloem: gi eig koo' nghoid yoomo akhyid: moo nhang" wa shid re" ngei zeing khyid: myid: xi: loem: ri we' koid we'.

²⁰Zoem" da" mougzhung: shoid mo shid re" seig khyam" zeing eig xi: loem: koid wigi

²¹Seig khyam" zeing daloem: moo ngei zeing khyid: eig khyid: khyo" wigi ngei zeing khyid: myid xi: ri we' koid we'.

²²Bidvang shoid nghoid da" zoem" nungthang shoid mo shid re" seig khyam" zeing khyug loem: yo'

²³Ajhoin: moo zhug wa shid re" seig khyam" zeing eig zeing koid we'.

²⁴He: ajhoin: mo seig khyam" zeing joem ri akhyid: moo xo' goo" wigi aphyoo" moo we' xo' goo" wa zi nghoid. Ajhoin: eig loem: goin" mo seig khyam" zeing eig zeing goin" gi hougsu" koid we'.

²⁵Hougsu" yoomo seig khyam" zeing shid zeing yo' dazeing moo sheing: zeing khyid: eig khyid: khyo" wigi daxe: khyug khyid: nghoid wa.

²⁶Zoem" da" dashoid khyoo: wim: loem:- thang: dashoid khyoo: wim: loem:- bidvang shoid nungthang khyoo: wim: loem: khyo" wigi shug keing: pyi: daxe: wim: loem: koid we'.

²⁸Agung mo keing: pyi: gi seig khyam" zeing dago" yi" moo to" wigi zoem" dathang: mo gootu: dathang: khab' sho' koid too" we'.

²⁹Seig khyam" zeing joem moo sheing: yo' thoeb wigi sheing: thoeb to" da" keung: pyi: kaid wa shid re" theung" we' tab too" we'.

³⁰Boem gung moo ngoo nang ri ci: shug ziyo' dakhyoo" ti" zoem" ri koid too" we'.

³¹Moug: nyhoug void- khalham" void khyeing:- soug" goug" khyeing: ni yo' yo, to" da" zin: yung" pain" yabkyo' pain" ruang: koid we'. Houg: moo dung dab dei noem joem soolhoo: ri za: yo' thau" tab too" we'.

³²Ngei zeing khyid: myid: loem: moo zhug to" da" sheing: thoeb to" shug zeing myid: zeing mo sheing: langhui" moo lhang" too" we'.

³³Zoem" mhang" moug: khoug: langhui" keing: pyi: vhoo: mo yabkyo' pain" ruang: ri lhang" to" wigi yabkyo' pain" ruang: nungthang moo lug pyi" eig loem: bo da" Dang: Theing Kuid: ri to" too" wa zi nghoid. Yabkyo' pain" ruang: gi gyeung" shang: joyoo yo' je gyeung" shang: da" joyoo eig loem: ri kho' too" byid: zi nghoid.

³⁴Dang: Theing Kuid: moo amyhid" myhid" too" we'.

³⁵Je gyeung" shang: da" nghe: shoid mo da" mougzhung: shoid moo zoobui" ri to" wigi mougpyi: shoid moo myikug tang ri too" we'.

³⁶Zoem" da" vang lo" khoem" duang: shid re" mougnyoug void khyeing:- khalham" void khyeing: yo' soug" goug" ni yo' yo, to" da" zin: yung" pain" gi moo za: thoug" yhoung to" da" yabkyo' pain" ruang: dakhyab ri we' koid we'.

³⁷He: yabkyo' pain" ruang: shid re" sheing: yo' thoeb to" da" shug zeing wim: zeing yo' sheing: langhui" tab too" we'.- hau: zeing khyid: shid re" gyid: mid" zeing khyid: wim: loem: ri koid we'.