Read Lashi THU' LO" MOUGSOUG" 5 Bible Online

THU' LO" MOUGSOUG" 5 - Lashi bible

THU' LO" MOUGSOUG" 5

¹Moshe yo' Arun Egutu khokham jhang yhe: wigi «Israela byumyu" yi da" ASEING Mangsoo tid zigi Nga" byumyu" yi ngoo ri ngi: shab pui" koid wa shid re" dain" pyoid yoo khyoo: yhi: baja" akhang" byid: kaid we'» ga: yhe: tid.

²Khokham koem' gi nyang: ri tam" gyoo: wa ziyo' Israela byumyu" yiri nhang: kaid wa shid re" «ASEING ga zi hang" nghoid. Ngoo ASEING ri asi'. Israela byumyu" yiri we' ayo" nhang: kaid» ga: tid bye:.

³Moshe yo' Arun gi «Hebre byumyu" yi da" Mangsoo ngoonu" ri nya: gung nyang: thu shug bye:. Soem" nyid" so" da" dain" pyoid yoo moo ngoonu" ASEING Mangsoo ri xoin" yhe: to' wa shid re" ngoonu" ri akhang" byid: kaid we'. Ngoonu" hougsu" akoid lang" nyang: gi noo phyoo" yo' anghoid lang" gyipui" moo: ngoonu" ri said pyam wa zi nghoid» ga: tid.

⁴Khokham gi Moshe yo' Arun ri «Byu yiri nyangnu" moo" ri to" myid sho' koid zigi ce: dang: kang: la". Join yiri moo" myab yhe: koid nhang: ge'.

⁵Nanu" byumyu" yigi Egutu byumyu" tho' je myo: loo bye:. Akhid" re" eig yug gi moo" zoo" ri theing: nhang: noug nhung:» ga: tid bye:.

⁶Houg: nyid" ri za: khokham gi Egutu join gung" mo, ri we' Israela byumyu" moo" vhu" shi: bang: ri we'

⁷«He: byu yiri zhoothung" koid wa shid re" lhung byid: da" khoofoo: abyid: loo goo". Nyangnu" shid re" nyangnu" houg: ziri yhe: sho: yu go" ba ja".

⁸Nghoid loug we' nyangnu" goo" u" koid da" zhoothung" myhoo' nyang: koid ca"- dathung" we' ayo" neing:. Nyangnu" moo" amyoo: yoomo nyangnu" Mangsoo ri xoin" yhe: to' wa ga: shid re" ngoo ri re" tid nyid ago".

⁹Hau: byu yiri moo" yoem: kaid koid nhang: we'. Moo" byid: to" we'. Houg: lang" mhoug da" dang: ri tam" gyoo: wa akhyeing: ayoo" go" wa» ga: tid bye:.

¹⁰Join gung" mo, yo' moo" vhu" shi: mo, thu yhe: lho: Israela byumyu" yiri «khokham pyeung: kaid. Nyang: gi nanu" ri khoofoo: abyid: loo: wa.

¹¹Nanu" nya: shid re" nanu" se' jang" mo yhe: sho: yu ge'. Nghoid loug zhoothung" gi shid mo myhoo' nyang: koid ca"» ga: tid.

¹²Houg: yoomo byumyu" yi Egutu mung" goin" jhang" khyoo: khoofoo: shoo: wa shid re" thu yhe: lo" ago".

¹³Join gung" mo, gi nyangnu" ri khoofoo: byid: uri koid da" zhoothung" myoo' nyang: danyid" yo' danyid" bain sho' koid nhang: bye:.

¹⁴Egutu byumyu" join gung" mo, gi Israela byumyu" moo" vhu" shi: bang: ri baid. Nyangnu" gi «Ciwim lid lo" da" ayo, yhang: ti" zhoothung" byeung" sho' akoid nhang: la"» ga: myid:.

¹⁵Hau: thang: moo" vhu" shi: bang: gi khokham jhang yhe: wigi «Aseing: khokham we" nang ngoonu" adang moo khasu" koid nyid la".

¹⁶Ngoonu" ri khoofoo: abyid: nghoid loug we' zhoothung" gi amyeing" yo' koid nyid ca" shi". Akhid" ngoonu" baid zi shoug" kham zoo: bye:- nang moo yoovoin bo nyid:» ga: tid kyo".

¹⁷Khokham gi «Nanu" gye nei". Moo" anau: zei: yoomo nanu" ASEING ri xoin" yhe: to' wa shid re" nga" jhang akhang" mho' zi nghoid.

¹⁸Akhid" moo" zoo" khyoo: yhi: ge'. Nanu" gi khoofoo: gootu: shoug" yu wa zi anghoid. Nghoid loug zhoothung" rigi lid lo" da" ayo, yhang: ti" byeung" sho' koid ge'» ga: tid bye:.

¹⁹Moo" vhu" shi: bang: gi nyangnu" nyid" khang" nyid" zhoothung" koid uri lid lo" da" ayo, yhang: ti" byeung" sho' koid ca" ga: tid zi shoug" gyoo: lang" yau: khi" shoug" nyid bye: ein: ziri myid boin: lo ago".

²⁰Nyangnu" thu lo ri nyangnu" ri lang" nyid da" Moshe yo' Arun ri shoug" goo" bye:.

²¹Nyangnu" Moshe yo' Arun ri «ASEING gi re" tang: koid bye: da" ziri yu" wigi khokham yo' nya: moo" voin bang: ngoonu" ri ngheing" nhang: yoomo re" tang: ri dam byid: wa zi nghoid. Ngoonu" ri said wa shid re" re" tang: nyangnu" ri koid nhang: bye: nhung» ga: tid.

²²Hau: thang: Moshe gi ASEING jhang yhe: lho: «ASEING ciwim yoomo re" byu yiri she: pyam to" la". Nang ngoo ri hid: khyoo: ciwim yoomo nhang: kaid la".

²³Ngoo gi re" shid re" dang: tid wa khyo" khokham jhang yhe: da" ayo, mo nyang: gi nyangnu" ri ayo" zeing: kham: loo: sho' shen" yhen nyid. Nyang nyangnu" ri pang" khyo" koid zi anghoid nhung:» ga: tid.