Read Lashi YOBA 14 Bible Online

YOBA 14 - Lashi bible

YOBA 14

¹Ngoonu" dangain" gi yoem: neing: ziyo' khu: re" lho: nghe: khoug: jang: ayoo". Nyangnu" gi kangso' leung" lho: yau: khi" shau" da:.

²Ngoonu" gi bain: joem yhang: ti" myab myab yug wigi bo" shoem: lo" byug boem. Ngoonu" gi bid shoem: yhang: ti" lid lo" da:.

³Mangsoo we"- nang ngoo ri yu" khyalang" yu" wigi Anghoid lang" tarha" yung" moo dang: phyed wa rhe".

⁴Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

⁵Nya: da" Kangso' khasheing nghoid wa ziri no' mo ke' phyed too" byid: gu nghoid bye:. Nyang: lhammoo" khanhoo' khyab nyid wa ziri tu' too" gu nghoid bye:. Nang gi hau: gu moo nyid wigi age thid pyam loo nghoid da:.

⁶Nyang: mo zi goo" khyoo: yu" kaid lho: nyang: ri kyeing" nyhid: too" we'. Ge bue" ri nya: yau: khi" apyaid moo pyoo: pyoo: nyid nhang: we'.

⁷Thug lheing: kaid da" seiggam shid re" myid byu jang: jo, ashi". Hau: zigi doem joem: re" wigi anyug doem ge toid re" da:.

⁸Hau: seig gyi: mang: yoem: byug lho: seig nghoid gi myidgung moo shid: jo, loug we'

⁹Hau: zigi gyid shoin" kaid lang" seig zoo: yhang: ti" anyug doem yo" toid loo nhang: da:.

¹⁰Nghoid loug we' byu dayug shid: lo" ri hau: zigi nya: shid re" thang: thang nghoid bye:. Nyang: shid: lo" wigi khamoo: lo" nyid la".

¹¹Yau theing: pyam da" gyid lang yhang: ti"- kain" byug da" gyid thoem" yhang: ti"

¹²Byu shid: lo" wigi khanham we' adoem to' loo nghoid da:. Mougkhung: dageing: teing jo, jo, gi nyangnu" adoem to' loo loo wa. nyangnu" yhoeb jo, jang" moo khanham we' lhu: zhuang" zi ashau" loo wa.

¹³Nang wigi ngoo ri moovo moug: moo yo" shoung: too" yhoo: ein: ngoo myid. Re" nheig yoo gyoo" sho' ngoo ri shoung: too" la. Hau: thang: ngoo ri doem myid boin: wa ayo, ri yo" so' too" byid: la.

¹⁴Byu dayug shid: lo" ri nyang: yo' doem dei loo wa la". Nghoid loug we' ngoo gi je ge da" ayo, ri lang" nyid wa. He: yau: khi" ayo, lid loo" sho' lang" nyid wa.

¹⁵Houg: lang" nang ngoo ri yoid wigi ngoo phug tid wa. Houg: lho: nang gi nang wigi phain" so: to" da" ngoo ri nheugdeug nheugshid: loo wa.

¹⁶Houg: lang" nang gi nga" khyid: byi khang" moo" ri zung" yu" nghoid loug we' Nga" yooboo joem ri nang acang yu" yen" loo wa.

¹⁷Nang gi hau: joem ri khyoid pyam byid: lho: she: lhei" pyam byid: wa. Nang gi ngoo koid shoid lo khyoo: dangain" ziri jhoid za: shoem" pyam byid: loo wa.

¹⁸Boem joem byo, gyoo" lo" da" ayo, ju" loo lang" geing: teing da" lug moo" boem joem yu: lo" byug da:.

¹⁹Lug boem ri gyid wigi doin: phoid she: loo" wa. Houg: lho: moug: moo" vo zigi myid xu: ri pyoung" khyoid loo" wa. Houg: yo' dayhang: ti" nang gi byu da" kangso' dei nyid wa myid byu khyoo: ri phyo' shoin' pyam da:.

²⁰Nang gi byu tho' yoem: je gyi: lho: nyang: ri apyaid atoo: moo khaid pyam da:. Nya: da" myonhoo: gi shid: jang" moo nyhung: shoem: lo" da:.

²¹Nya: yug gi zoo: yigi ngi: shab shoug" nghoid loug we' nyang: gi hau: ziri khanham we' asi'. Nyangnu" khanham ngi: yoem" ein: ziri nyang: ri hang" atid kyoo".

²²Nyang: gi nya: da" gung moo no ziri za: se' wigi Nya: nheigloem: moo koug ziri za: kham zo: da:.