Read Lashi YOBA 18 Bible Online

YOBA 18 - Lashi bible

YOBA 18

¹Yoba we"- nang yhang: te" byu yigi sam: zoo: ayo" tam" too" rhe" Nang gi tam" gyoo: wa theing: pyam nghoid rigi ngoonu" nang ri dang: yo" ji wa.

³Ngoonu" gi nu: joem yhang: ti" nheig agyeing" ein: nang khasu" yo" myid la"

⁴Nanya: nheig yo: ze zigi nanyang: za: dam da no da:. Nang nheig yo: gang mo mougmyid ri to" pyam khoo' goo" wa rhe". Nang ri nheugshid: nhang: wa shid re" Mangsoo gi boem joem ri shu" pyam wa rhe".

⁵Akhyeing" su: da" myi: ri said pyam byid: shi" wa. Hau: da" myiyham: gi khanham we' adoem dab wa.

⁶Nya: da" zoem" khoug: mo myikug gi shid: byug wigi teing: no, byug wa.

⁷Nya: khyid: byi joem gi geing: teing nyid nghoid loug we' akhid" nyang: khyid: vhu" thung" leung bye:. Nyang: leung thung" yu bye:. Nyang: nya: phajhi" wigi yau: khi" shau" abye:.

⁸Nyang: gi goin khoug: khyo" so" lid: yhe: wigi nya: khyid: myi" jo, abye:.

⁹Lhid wigi nya: kheinheig thung" thang: ri lhoem: myhi' lhang" yu wigi zei: ci: da:.

¹⁰Myid gung moo lhid daloem: khau" kham: to" da:. Nya: khyoo: moo lhid daloem: kham: to" da:.

¹¹Nya: da" lheing khoem moo gyoug dain ja: lang" nyid. Hau: zigi nya: thang: moo khyid: byi khang" moo" cang yen" da:.

¹²Nyang: gi lhung yoo" zoo: yoo" shug yu" da:. Nghoid loug we' akhid" nyang: zooyoid shau" da:. Nya: anam moo byo, yoin ja: jo, nyid wigi lang" nyid da:.

¹³Nya: da" gung moo shid: se' da" noo byeung" dab jo, da:. Houg: lho: nya: lo, yo' khyid: ri boeb loo" nhang: da:.

¹⁴Nyang: gi goem loem tung" lhung nyid da" zoem" mo she: khyoid yu lho: Shid: zoug: ri yhe: shoug" wa shid re" she: khyoid lo" zi shau" da:.

¹⁵Akhid" noo adab sho' fang bain du" sain" thang: ri yugkhang" moo" nyang: nya: zoem" khoug: moo yo" nyid boem wa.

¹⁶Nya: da" agyi: joem yo' akung: joem gi yhau" lho: kyug loo" bye:.

¹⁷Nya: da" myeing gyi: khyoo: gi nya: yhoem: moug: moo yo' labau meing: moo shoem: byug bye:. Nyang: ri hang" we' amyid boin: loo nghoid da:.

¹⁸Nyang: gi dei nyid bang: moug: mo khaid thu pyam zi shoug" wa. Bid bang khoug: mo moug: coid khoug: khyoo: khaid thu pyam zi shoug" wa.

¹⁹Nyang: moo amyed ashen ayoo"- hang" we' anyid deing.

²⁰Nyang: bue" da" vhu" pi: lo, kyo' ri shau" gyo: da" bid thu bidvang mo bang: dangain" gi gyoug dain ziyo' ko' ko' nain" ago".

²¹Hau: zigi akhyeing" bang: da" vhu" pi: lo, kyo' Mangsoo ri cishu: anhang: bang: da" vhu" pi: lo, kyo' nghoid da:.