Read Lashi YOBA 26 Bible Online

YOBA 26 - Lashi bible

YOBA 26

¹Ngoo yhang: te" asho" ajhen: yoem: neing: su: ri nang wigi yo" pang" yu wa ein: rhe".

³Nang gi ngoo yhang: ti" nheig agyeing: su: ri re" lasi lajhang: yo' houg yhi' ge da" re" phajhi" byid: wa rhe".

⁴Re" dang: khoin" dangain" ri hang" gyoo: byid: wa ein: myid jho: la. Hid: su" se' ji wa shid re" nang ri hang" wigi jhoin" byid: la.

⁵Shid: bang: da" soobyoo joem gi mougmyid khoug: mo gyid moo nain" nyid boem.

⁶Moovo moug: gi Mangso shidkhoin" moo di: di: nyang: myang thu' jo, da:. Hau: ziri nya: shidkhoin" moo ce: wigi we' ayo" nghoeb go too" nghoid da:.

⁷Mangsoo gi mougzhung: shoid khyo" wigi mougkhung: ri pei: myu" kaid da:. Houg: lho: mougmyid ri we' joyoo akoem: moo lhang" to" da:.

⁸Jhoemmoug" thei" moo gyid kaid pyeing wigi hau: joem lid: wigi abug shoin: gyoo" loo sho' toem' too" su: gi Mangsoo nghoid.

⁹Nyang: gi lhammoo" leung" ri jhoemmoug" thei" khoug: moo shoung: to" da:.

¹⁰Nyang: gi moug: coid yo' moug: boo" ri panglai: dang mo zuid zuid leung" da" akyo' yo' kho' to" da:.

¹¹Mougkhung: ri thug to" da" zeing bung: joem ri nyang: kyug nhain' kaid lang" hau: joem gi gyoug wigi ko' ko' nain" nyid da:.

¹²Panglai: ri oung: pyam zigi nya: da" yoem: nghoid da:. Nya: da" lasi lajhang: wigi main jung: Rahab ri said toem" pyam da:.

¹³Mougkhung: ri gyeing: gyeing: sho' pyam zigi nya: so' moid yoomo nghoid. Houg: lho: phang: loid byug da" main: jung: ri said pyam zigi nya: lo, nghoid da:.

¹⁴Nghoid loug we' he: gu: gi nya: da" yoem: so' mo dayham" za: danghoid ashi" Ngoonu" shau" gyo: da" nya: da" dangso' so' zi za: danghoid. Mangsoo khayhi' gyi: sheung: ziri tab za: hang" yo" si' wa la".