Read Lashi YOBA 29 Bible Online

YOBA 29 - Lashi bible

YOBA 29

¹Yoba gi dang: doem tid nyid da:.

²Nga" atho' moo: Mangsoo yu" zung" nyid shi" uri yhang: ti". nga" apyaid doem shoug" yu shi yhoo: o".

³Mangsoo gi khanham we' ngoo yo' dage" nyid la. Houg: lho: moug: coid khoug: khyoo: ngoo so" lid: lo" uri ngoo ri bidbang byid: da:.

⁴Hau: bidnyid gu: gi ngoo nyid gi yab ge da" ayo, nghoid. Houg: lho: Mangso ngoo yo' zoem" khau: nyid wigi nga" yhoem: ri goem loem byid: to" da:.

⁵Myhang: thang da" Mangsoo gi ngoo yo' dage" nyid uri nga" aqei: ayam moo: nga" zoo: yi wigi: lheing khoem to" ago".

⁶Nga" nu: zeing joem yo' coidbaid joem gi noug" myoo" sho' byid: ago". Nga" zhainloin: gam joem gi lug boem gyoo: cang yug ago".

⁷Voomoo" zoug: ludaid yi zoeb foem: wigi nyangnu" phung: gung moo ngoo bo boo khang" moo"

⁸void yam" yigi ngoo ri shau" myang yo' ayam khyoo: phang: shu" lo" ago". Houg: lho: phoug" mang: yigi ngoo ri phau" myang: ziyo' lhung to' yab da:.

⁹Byumyu" vhujhung: yigi doem go" nyid ziri theing: pyam ago".

¹⁰yhouggyen: thang bang: lang" sam: zoo: tam" byug boem.

¹¹Ngoo ri shau" myang da" yugkhang" moo"- nga" khyoo: ri shau" gyo: da" yugkhang" moo" Ngoo koid lid lo bye: da" ge khyoo: ri tid boem.

¹²Myung bang: nyho: yoid lang" nyangnu" ri ngoo pang" byid: Khakhyoo: ase' yhi: lo: da" coug" zoo: yiri ngoo pang" yu.

¹³Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

¹⁴Ngoo gi khanham we' tarha" deingmain" ziyo' tarha" nyeung veung" da" khyo" za: dakoid.

¹⁵Ngoo gi myo, jid bang: shid re" myojid" khyid: gyoug: bang: shid re" khyid: nghoid.

¹⁶Ngoo gi myung bang: shid re" nya: phoo su" nghoid. Yau: khi" shau" da" byu being" yi shoid khyoo: bo dab.

¹⁷Ngoo gi athoug" akhyoug: bang: da" yoem: so' ri phyo' shoin' byid: wigi Nyangnu" da" sham: phyoo" mo byu yiri khyoid yu da:.

¹⁸Ngoo gi kang: sheing: sho' nyid wa yo' yhoem: moo yug yoo tung" yo" shid: wa shid re" khanham we' lhung myid byu lid loo bye:.

¹⁹Ngoo gi agyi: moo khanham we' gyid yo" lho: akung: moo nghain: jhu" jhu' jo, da" seiggam yo' du.

²⁰Yugkhang" moo" gi khanham we' ngoo ri lhung coung" nyid boem. Houg: lho: nga" yoem: gi khanham we' alhung thang byug.

²¹Ngoo phajhi" byid: lang" byu yigi sam: zoo: tam" jo, wigi ngoo tid ziri goo" lhoo' za: tam" gyo: ago".

²²Ngoo tid pain' too" bye: jang" moo nyangnu" lung: wa ci: ajo, loo. Nga" dang: khoin" gi moug: gyid yo' dayhang: ti" zug: vang lo" da:.

²³Zain vang khoem" ri yoo koid zoo: bang: moug: gyid ri lang" nyid boem yhang: ti" hau: dang: khoin" joem ri we' yugkhang" moo" lhoem: tau' yu boem.

²⁴Nyangnu" nya: gung ri ayo" myid loem boem uri ngoo gi nyangnu" ri yi nau soem" si' yo' yu" bye:. Nga" ngei bu myonhoo: gi nyangnu" ri yoem: byid: da:.

²⁵Ngoo gi yoovoin yu wigi dang: phyed Khokham phoo gi nya: gyidab ri shu" vhu" she: yhang: ti" nyangnu" ri ngoo shu" vhu" she: loo bye:. Houg: lho: nyangnu" nheigloem: thang nyid uri nyangnu" ri nheig teing byid: bye:.