Read Lashi YOBA 35 Bible Online

YOBA 35 - Lashi bible

YOBA 35

¹Yoba we" Mangso shidkhoin" moo yooboo ayoo" ga: tid zigi ajoo nghoid da:.

³Anghoid lang" Mangsoo ri nga" yooboo wigi nang ri ci: re" bue" la" Ngoo yooboo ashoid wigi ci shoug" wa la" ga: myid: zi we' ajoo wa.

⁴Ngoo gi nang yo' re" byencang" yiri we' tid phuid: kyoo" ba.

⁵Mougkhung: khyoo: yu" kaid yu" ge'. jhoemmoug" thei" joem gi khayhi' myhang: la"

⁶Nang yooboo shoid ri Mangsoo ri ci alo" zang" Nang myoo: sho' lheing: shoid zi koid nghoid loug we' hau: zigi nyang: ri alo" zang".

⁷Nang houg yhi' deingmain" wigi Mangsoo ri yo" pang" rhe". Nang mo Mangsoo vho: zi ci: ajo,

⁸Re" da" yooboo joem gang mo kyi" khyeug kham zo: zigi re" byencang" byu yi za: danghoid. Houg: lho: nang koid da" ge khyoo: gi byu nyang: cang" za: pang" thoug da:.

⁹Byu yi doin zeig zoo: shoug" uri nyangnu" noo kyeing" kyeing" ago" Nyangnu" gi nyangnu" ri khyoid yu wa shid re" byu dayug yug ri mho' yoid ago".

¹⁰Nghoid loug we' nyangnu" gi nyangnu" ri phain" so: to" da" Mangso jhang khyoo: alheing: loo nghoid da:. Nyang: gi nyangnu" no, seing" kyid: bui" da" ayo, moo myid byu khyoo: byid: su: nghoid.

¹¹Nyhang" ri gougnyhoug yo' ngho' joem tho' phajhi" bo nhang: da" Mangso jhang nyangnu" alheing: loo nghoid da:.

¹²Nyangnu" gi pang" thoug yu wa mho' yoid ago". Nghoid loug we' Mangsoo atu" byid: nghoid da:. Ciwim ga: ri nyangnu" gi nghoid boin: wigi akhyeing" bang: nghoid da:.

¹³Nyangnu" nyho: yoid zigi nyangnu" shid re" ce: akyu" aboo nghoid da:. Myhang: thang Mangsoo gi nyangnu" ri amyang byid:- gyoo: we' agyoo: byid: nghoid da:.

¹⁴Yoba we"- nang gi Mangsoo ri ashau" myang ga: tid da:. Nghoid loug we' nheigloem: sheing: sheing: to" lho: lang" nyid we'. Re" moo" zoo" gi nya: shidkhoin" moo jo, jo, da:.

¹⁵Mangsoo gi yooboo dam abyid: ga: nyang: gi yooboo ri ce: moo" asoin: ga: nang myid jho: da:.

¹⁶Nang xo' lho: dang: tid nyid zigi ce: akyu" aboo. Nang citid nyid ziri nang ase' zigi di: di: nyang: nghoid nyid da:.