Read Lashi COUNG" NGHEI 105 Bible Online

COUNG" NGHEI 105 - Lashi bible

COUNG" NGHEI 105

¹[53] ASEING da" jeju" ri coung" byid: ge'- nya: da" gyi: sheung: nghoid thang khyoo: ri tid fu" byid: nyid ge'- nyang: zei: bye: da" moo" zoo" jid: zoo" joem byumyu" yiri tid kyoo" we'.

²ASEING ri jikhoin" yo' coung" nghei byid: ge'- nyang: koid shug bye: da- mau pho" moo" zoo" bain sho ri tid we'.

³Ngoonu" ri nyang: seung: ci: yoomo gau yi nyid ge'- nyang: ri nau loem khoug: bang- ngei pyo gau yi nyid goo" baja".

⁴Pang" thug baja" ga: mho' wa shid re" ASEING jhang khyoo: yu: zeung yhi: we'. Yaku amyed ashen yi we' Mangsoo zei: shug bye: da" alho: again joem yo' nyang: byid: too" bye: da" tarha" dang: kho khyoo: ri boin: so" nyid we'.

⁵Nya: dei zoo: Abraham da" amyed ashen yiri nyang: khyen: yu bye: da" Yaku amyed ashen yi we' Mangsoo zei shug bye: da" alhoo: again joem yo' nyang: byid: too" bye: da" tarha" dang: kho khyoo" ri boin: so" nyid we'.

⁷ASEING gi ngoonu" da" Mangsoo nghoid- nya: amyeing" tarha" gi moug gyab, goin" bang: shid re" nghoid nyid

⁸Nyang: gi nya: dang: theing khoin" ri apyaid atoo: moo: geung: jo, nhang: wa zi nghoid- Nya: dangsoo" khoin" gi byuyam: dakhyeung" shid re" nghoid nyid.

⁹Nyang: gi Abraham yo' myid veung" theing go" to" da- dang: theing khoin' yo' Isag ri: byid: too" bye: da- nya: dangsoo" khoin" ri geung: teung jo, nhang: wa zi nghoid.

¹⁰Ngoo nang ri Khanan mung" byid: wa hau: ziri nang shoug" deing: wa ga: ASEING gi Yaku yo' dang: theing go" to" ziyo' dakhyoo" ti"

¹²Mangso byumyu" yigi nghab, youg khyo" gi dajhi' kyeung za: nghoid. Nyangnu" gi Khanan mung" moo tungbau being" voo khyo" danyid nyid boem

¹³Nyangnu" gi damung" mo zi damung" khyoo: Khokham mungdain: daloem: mo zi daloem khyoo: so" leung: yen" ago".

¹⁴Nghoid loug we' Mangsoo gi nyangnu" ri doin: zeig zoo: wa da" akhang hang" ri we' abyid: nyid nghoid da:. Nyangnu" ri goem loem byid: lho: khokham yiri sadi byid: to".

¹⁵Hau: sadi byid: da" dang: joem gi ngoo khyen: nyheung to" da" dei zoo: yiri anoo, nhang: goo"- nga" lapi: yiri azang" thung" goo" ga: wigi tid to".

¹⁶ASEING gi nyangnu" da" mungdain: moo zooyoid, phang khoug gyoo" nhang: lho: wigi nyangnu da" zoo: noem dangain" ri shoem" shoung: pyam byid:.

¹⁷Nghoid loug we' nyang: gi join, khyo" oung: pyam shau" da" Yoseb ga: da" byu dayug ri Nyangnu" da" shid khyoo: nhang: kaid abye:.

¹⁸Nya: khyid: ri myeug tei" to" zi shau" wigi nya: leung zeung: moo: we' joto' jangcoo" yo' tei" to" zi shoug" khyoo: ri

¹⁹Nyang: tid to" da" Lapi: dang- joeb byeung" lo da" ayo, ju" sho' Hau: nyid" ri ASEING da" mungdang: gi nya: da" deingmain" khyoo: ri thang" cab toin" shed nyid.

²⁰Hau: uri Egutu khokham phoo gi nyang: ri phoid: kaid. Byumyu" bain sho' mo, da" zoug: phoo gi nyang: ri lhoid pyoin kaid bye:.

²¹Khokham phoo gi nya: da" mungdain: vhoebkhang" da" moo" zoo" moo shu" vhu" shi: wa shid re" nyang: ri soin nyheung to" ziyo' mungdain: goin" jang moo: vhoeb khang wa da" zoug nyang: ri bui" nhang: bye: zi nghoid yoomo

²²nyang: gi khokham pho da" vhoebkhang" zoug: yi da" atho moo: we' Nya: da" phajhi" byid: da" zoug: ludaid yiri jhau" byid: mho' byid: wa da" akhang" we' nyang: yo" kham: yu abye:.

²³Hau: thang ri Yaku gi Egutu mung" khyoo: gyoo" lo" lho: hau: mung" moo: jha" yhe: nyid.

²⁴ASEING gi nya: da" byumyu" yiri amyed ashen yi myoo" sho' khu: myhu: loo nhang: wigi Nyangnu" da" gyivoo joem tho' moo yoem: je" wigi bo loo nhang: nyid.

²⁵Nyang: gi Egutu byu yiri nya: da" byumyu" yiri ngheing" nhang: lho: nya: da" dei zoo: yi tho' moo mhau, pyeug shen" yhen da" moo" ri ze" bui" nyid nhang: wa bye:.

²⁶Hau: thang: ri nyang: khyen: yu lho: nyheung soin' too" bye: da Nya: dei zoo: tang- Moshe yo' Arun ri nyang: nhang: kaid bye:.

²⁷Nyangnu" gi Mangso phung" yoeb yoem: so' bo da- moo" zoo" joem yo' alhoo: again aja: ja: ri Egutu mung" moo: toin" shed abye: go.

²⁸Mangsoo gi hau: mungdain: da" atho' moo moug: ri coid loo nhang: nghoid loug we' Egutu byu yigi nya: amyeing tarha" dang: ri atam" gyoo: nghoid ago".

²⁹Nyang: gi nyangnu" mo gyid zeing lang ri suid" lang bue" loo nhang: wigi hougmoo: nyid da" wimdo, dangain" ri shid: loo" nhang: pyam.

³⁰Nyangnu" da" mungdain: moo poo" yo' za: byeung" jo, wigi khokham khoo" khoug: moo: ju" sho' poo" yo' za: byeung" shoin: lo.

³¹Mangso amyeing" yo' dakhyoo" ti" mho' yo' yang: khung" joem gi mungdain: goin" jang" moo: neung" ug lo.

³²Nyang: gi nyangnu" da" mungdain: moo moug: voo wa gungthid leug voo yo' moug lhab' ri myeug nhang: kaid.

³³Nyang: gi zabyid nei yo' lafoem khyam: ri lhu: phyo' pyam byid: lho: mungdain: goin" jang" mo seiggam joem ri youg khyau" mhoin' pyam byid.

³⁴Nyang: nhang: kaid ziyo' moin moin sen sen atho' nghab da- myo: tham: jhenkhyeug nyoug joem ju" lo nyid abye:.

³⁵Houg: bang: gi mungdain: goin" jang" mo seig nyug dangain" ri zo: pyam lo ziyo' gug shi" shivoo shiloem dangain" ri we' myhau: pyam byid: boem abye: go.

³⁶Egutu mung" moo yhoem: ikoin deungkhu: khang" moo" mo zooshid" yug gi nu" dangain" ri said pyam byid: abye:.

³⁷Hau: thang: ri nyang: gi Israela byumyu" yiri shu" phang: thu lo wigi nyangnu" gi ngei sheing: joem ri we' tho phang: lo" boem- nyangnu" dangain" bang: gi yang" zain" ziyo' yoem vhoo" byeung boem ago".

³⁸Egutu byu yigi nyangnu" ri gyoug nyid boem ziyo' Nyangnu" phang thu lo" boem uri gau yi nyid boem

³⁹Mangsoo gi nya: byumyu" yi da" atho' moo jhoemmoug" nghoeb too" byid: wigi myen" ri gi nyangnu" ri myi: thoin" byid: nyid.

⁴⁰Nyangnu" gi zheung: mho' nyid ziyo' dakhyoo" ti" ngho' tu' joem ri khyo' kaid byid- Nyangnu" nheugdeug sho' shoug" zo boem wa shid mo mougkhung: mo zoo: noem nyangnu" ri: khyoo, byid: nyid.

⁴¹Nyang: gi lug moo" boem ri phang kaid wigi gyid doid dang: thu lo lho: kyug kyiri jang" moo gyid moo" dalang yhang: ti" yau, nyid.

⁴²Nyang: gi nya: dei zoo: Abraham yo' too" go" da- gyeung" shang: da" dang: theing khoin" ri boin: so" nyid.

⁴³Houg: yoomo nyang: gi khyen: yu shau" da" nya: byumyu" yiri shu" phang: thu lo wigi Nyangnu" gi gau yi ngei pyo: nyho phau: ziyo' jikhoin" thu: yo' coung" nghei nyid boem.

⁴⁴Nyang: gi subi" gooje da" mougmyid ri nyangnu" ri byid: lho: nyangnu" gi subi" gooje da" khyam: yoothung joem ri shoug" seung: nyid boem bye:.

⁴⁵Hougsu" koid da" khyoo: gi nya: da" byumyu" yiri nya: da" tarha" gyoo: lho: nya: da" amyeing" tarha" dangain" ziri yo" cang pyeung goo" wa shid re" nghoid. ASEING ri coung" nghei nyid ge' o".