Read Lashi COUNG" NGHEI 108 Bible Online

COUNG" NGHEI 108 - Lashi bible

COUNG" NGHEI 108

¹[54] Phoo, Mangsoo we"- ngoo gi nang ri bain" sho' loem bye:. Ngoo gi nang ri jihkoin" yo' coung" nghei wa zi nghoid. Nga" da" soozoo: we" boin: gyeing: re.

²Nga" da" teing yo' khalhang we' boin: gyeing: ge bid moo" khyab, ri we' ngoo nhau" kaid wa nghoid.

³ASEING we" byumyu" yi da" mo, phung gung moo nang ri ngoo jeju" daboin: nyid wa zi nghoid. Byumyu" yi da" shidkhoin" moo ngoo nang ri coung" nghei nyid wa nghoid.

⁴Re" da" geung: teung jhed khyeing: kang khyeing: gi mougkhung: mougdi moo: ju" sho myhi: jo, wigi re" da" dangsoo" khoin" gi moug: laid phyoo" moo: ju" jo.

⁵Mangsoo we"- mougkhung: moo: re" da" gye nghoid thang khyoo: yo' myidjang tho' moo: nghoid loug we' re" da" myonhoo: phung" yoeb doug bang jo, ziri toin" shed byid: baja" o".

⁶Re" da" yoem: so' yo"- ngoonu" ri khyoid yu we'. Ngoonu" da" akyu" mho" thui: ri we' tam" gyoo: byid: we'. Houg: khyo" wigi nang jheddab da" byumyu" yigi khyoid yu zi shau" boem wa nghoid.

⁷Mangsoo gi nya: da" gyeung" shang: joyoo mo wigi tid nyid zigi oung: doid lo" khyoo: moo ngoo Shekhem ri gam byid: wa nghoid. Sukhod koolhang ri we' nga" byumyu" yi da" lo, moo: ab byid: pyam wa zi nghoid.

⁸Geliad gi nga" zi nghoid Manashe we' nga" zi nghoid nyid Ephrim gi nga" da" joto' mug nghoid wigi Yuda gi nga" da" amyeing" lhamdung: nghoid.

⁹Nghoid loug we' Moba ri gi nga" da" khyid cid" bain khyo" ci: pyam wa nghoid. Edom tho' moo: we' nga" khyid baid ri du" ke" too" wa hau: zigi ngoo seung: yu wa ein: da" alhoo: nghoid. Philisti da" atho' moo ngoo gi oung: doid lo" da" nyho: phau: loo wa ga: tid.

¹⁰Mangsoo we"- hau" geung: teung da" voogung khyoo: ngoo ri: hang" se' shu" yhe: loo" wa lha". Edom khyoo: ngoo ri hang" shu" vang yhe: loo" wa lha".

¹¹Nang gi ngoonu" ri gyeing" gyeing" nyang: she: pyam, too" bye: la". Ngoonu" da" gyiphung moo" yo' dage nang athu ri" loo: la".

¹²Gyivoo phoo ri lhoem: thoug shang" wa shid re" ngoonu" ri pang" yu we' byu yi da" pang" thoug khyoo: gi akoem: za: danghoid nyid.

¹³Mangsoo gi yha" da" tab, khyoo: bo yab nghoid rigi ngoonu" gi oung: doid lo" khyoo: ri yo" yu boem wa nghoid. Nyang: gi ngoonu" da" gyivoo joem ri soem" joem: loo" nhang: wa nghoid.