Read Lashi COUNG" NGHEI 11 Bible Online

COUNG" NGHEI 11 - Lashi bible

COUNG" NGHEI 11

¹Goem loem byid: wa shid re" ngoo gi ASEING: ri myid loem nyid. Nang ngoo ri soozoo: alheung: loo: tid nyid zigi «Boem khyoo: ngho' yhang: ti" dang: phang: loo" we'. Khasu" wim ga: ri akhyeung" da" byu yigi Nyangnu" da" lid: ri thoung: lho: byu gi yiri moug: coid khoug: moo: beug wa shid re nyangnu" da" myoo: ri yeung to". Hau: jang" moo: aja: ja: byo, yoin" lo" uri byu gi yi dayug we' ci: ayo" koid boem loo:» ga: wigi nang ngoo ri khasu" yo" tid wa lha".

⁴ASEING gi nya: gyeung" shang: da" Noku Yhoem: Moo" khoug: moo nyid nyid. Nya: zhungtang gi mougkhung: moug: di tho' moo: dajo, jo. Nyang: gi joyoo khang" moo" mo byu yiri yu" nyid lho: nyangnu" cikoid nyid ziri se.

⁵ASEING gi gi mo, yo' akhyeing" ashoeb bang: ri ca: yu" nyid. Tarha" aci: mo, ri nya: nheigloem: bain sho' yo' ngheung" nyid.

⁶Nyang: gi akhyeing" ashoeb mo, da" atho' moo myiyham: dab, nyid da" myigyu: joem yo' dab nge" nyid da" fang myi: ri khyo' kaid. Nyang: gi nyangnu" ri gye" nge" loung da" lid yo" we she: nyid.

⁷ASEING gi deing byeung" lho: ge da" moo' ri jheddab nyid. Hougsu" cang koid bang: gi nya: shidkhoin" moo: shoug" nyid boem wa.