Read Lashi COUNG" NGHEI 112 Bible Online

COUNG" NGHEI 112 - Lashi bible

COUNG" NGHEI 112

¹ASEING ri coung" byid: nyid ge'- ASEING ri gyoug phau" lho: nyang: tid to" tarha" ri tam" gyo: cang yhi: wa vho: ngei nyid su: gi ngilho' nyid.

²Byugi da" nya: zoo: yigi mougmyid tho' moo: zoug: myeing" yoem: so' yo" loo wa nghoid. Nya: da" amyed ashen yi we' mainkaid jeju" ri shoug" kham: yu boem wa zi nghoid.

³Nya: da" ikoin deungkhu: byu yi we' jonu" myo: lo wigi yoo" zoo: yoo" shoug lo boem wa nghoid. Nyang: gi pyaid moo: too: moo myo: tham: je: be: loo wa zi nghoid.

⁴Nheig se' khyeug khyoo: nheig khyeug shoo" se' myen: go" khyoo: yo' deingmain" da" byugi yi shid re" bidbang gi moug: coid moo: bang yi jo.

⁵Nyang: gi agoin agoo" jhid" byid: wigi nya: voem: doug: khu: moo" zoo" ri zei: so, lho: deing: byeung" nyid su: ngilho' nyid.

⁶Byu gi phoo gi khanham we' soem" gyo" loo" wa zi anghoid- nyang: ri khanham we' boin: so" nyid zi shoug wa nghoid.

⁷Age da" lu dang: ri shau" gyo: ri nyang: hau: ziri agyug nghoid da- Nya: da" loem khau: khyoo: gi geung: teung jo, lho: nyang: gi ASEING ri loem khau: nyid.

⁸Nyang: moo: myid myoo: ung: loug ziyo' gyoug dain' da" myid aboo- nyang: gi nya: gyivoo joem da" soem" joem: lo" ziri deing" deing nyang: shau" myang wa zi nghoid.

⁹Nyang: gi ca" nyid yo nyid su: ri agoin' ayu: byid: gam nyid wigi nya: da" nheug khyeug khyoo: gi khanham we' yoem: nu: lo" khyoo: ajo. Nyang: gi amyeing" yoem: so' yo' phau" myang: khyoo: ri shoug" yu loo wa zi nghoid.

¹⁰Akhyeing ashoeb bang: gi hau: khyoo: ri myang lho: nheig yo: nyid boem ago- Nyangnu" gi ngheung" ziyo' yu" zhoug to" lho: byug khare" boem bye:. nyangnu" da" nheug byu jang: we' apyaid atoo: moo: jha" byo, yoin" lo" boem bye:.