Read Lashi COUNG" NGHEI 114 Bible Online

COUNG" NGHEI 114 - Lashi bible

COUNG" NGHEI 114

¹Yaku da" amyed ashen Israela byumyu" yigi Egutu mung" mo thu lo da" ayo, moo Yaku da" amyed ashen yi hau: tungbau myeing: mo thu' lo boem da" uri

²Yuda byumyu" yigi ASEING da" gyeung" shang: byumyu" yi bue" lo boem wigi Israela byumyu" yigi nyang: seung: ci: da" byumyu" yi bue" lo boem bye:.

³Gyid thoem" ni gi hau: ziri myang yoomo phang: lo" byug bye:. Yodan gyung: we' yau, nyid jang" mo theung: byug bye:.

⁴Boem joem gi coidbaid joem yhang: ti" thu' byam nyid wigi bouggung joem gi yang joem yhang: ti" byam yen" ago".

⁵Panglai: we" nang gi ciyoomo phang: lo" lha". yodan gyung: we" nang gi ciyoomo- yau nyid jang mo theung: jo, lha".

⁶Boem joem we" ciyoomo coidbaid joem yhang: ti" thu' byam yen" go" lha". Boug gung joem we" ciyoomo nanu" gi yang nu" joem yhang: ti" peig byam yen" go" lha".

⁷Mougmyid yoosoo" we" ASEING shidkhoin" moo: we' Yaku da" Mangsoo shidkhoin" moo: we' gyoug nain" nyid we'.

⁸Nyang: gi lug pyung: yoin" ri gyid thoem joem bui" nhang: lho: lug moo" boem joem ri yau, nyid da" gyid bug joyoo koid pyam bye:.