Read Lashi COUNG" NGHEI 121 Bible Online

COUNG" NGHEI 121 - Lashi bible

COUNG" NGHEI 121

¹[58] Ngoo gi boem lang khyoo: nghang yu" kaid wa ngoo ri pang" thoug wa khyoo: gi khayo thu loo wa lha".

²Mougkhung: yo' myidjang ri phain" so: too" su- ASEING jang" moo ngoo ri pang" thoug wa khyoo thu loo wa nghoid.

³Nyang: gi nang ri jhoid leung nhang: wa zi anghoid. Re" da" goem loem byid: nyid su: gi khanham we' daboin: gyeung: nyid.

⁴Israela ri goem loem byid: nyid su gi khanham we' yhoeb nghui" nghue" yhoeb myhed nyid zi anghoid.

⁵ASEING gi: nang ri lhoug zung" nyid wa zi nghoid- nyang: gi nang ri goem loem byid: wa shid re" re" da" namtain" moo: danyid nyid.

⁶Nyid" khyoug mo bid- myen" mo lhammoo"- nang ri noo, nhang: wa zi anghoid.

⁷ASEING gi gyoug dain khyoo: dangain" jang" mo nang ri goem loem yu byid: wa zi nghoid- nyang: gi nang ri gau: nyu: nhang: wa zi nghoid nyid.

⁸Nyang: gi nang ri akhid" mo zi pyaid moo: too: moo: ju" sho' re" da" yhi: yhi: loo loo gyung: khyoo: dangain" moo goem loem byid: nyid wa zi nghoid.