Read Lashi COUNG" NGHEI 125 Bible Online

COUNG" NGHEI 125 - Lashi bible

COUNG" NGHEI 125

¹[61] ASEING moo: loem khau: nyid bang: gi khanham we' thoin dei gyeig ayu: da" Ziun boem yhang: ti" dajo, jo.

²Boem joem gi Yerusalem ri lheung khoem to" ziyo' dakhyoo" ti" ASEING we" nya: byumyu" yiri akhid" mo wigi pyaid didu moo: ju" sho' dalheung khoem to".

³Akhyeung" bang: gi deingmain" mo, da" mougmyid tho' moo khanham we' yo" vhoeb khang nyid boem wa zi anghoid. Nyangnu" gi dato' yo" vhoebkhang" nghoid rigi deingmain" mo, nyangnu" we' ashoeb da" moo" ri bo zei: ca" boem wa.

⁴ASEING we"- gi mo, yo' re" da" amyeing" dang: joem ri cang nyid bang: ri ge lho' da" khyoo: ri byid: we'.

⁵Nghoid loug we' akhyeing" ashoeb bang: ri nang dam kaid byid: nyid da" uri re" khyoo: mo vhang: loo" mo, ri we' dam bo kaid we'. Ngei pyo: myenjham" khyoo: gi Israela yo' dage" dajo, jo, baja" o".