Read Lashi COUNG" NGHEI 126 Bible Online

COUNG" NGHEI 126 - Lashi bible

COUNG" NGHEI 126

¹[62] ASEING gi ngoonu" ri Yerusalem voomoo" khyoo: doem: shu" tau" lo" da" uri houg: gi yhoeb mo, ti" za: nghoid.

²Ngoonu" gi gye" gau yi lho: gye" ngei pyoo: yoomo jihkoin" khoin". Hau: uri gootu: da" byumyu" yi ti" ASEING gi nyangnu" shid re" moo" zeing zei: byid: abye: ga: wigi ngoonu" da" khyoo: ri tid nyid boem.

³Nyang: gi gyeing" nyang: ngoonu" da" shid re" moo" zeing ri zei: byid: abye:. Ngoonu" shid re" khayhi' gyeing gau yi ngei pyoo: joyoo nghoid nyid lha".

⁴ASEING gi moug: ri voo nhang: kaid uri kyug kyiri" da" lang: khoug: lang: nhab' joem moo gyid ju" vang lo" ziyo' dakhyoo" ti"- ngoonu" ri dalheung: doem nyid ge nyid de loo nhang: shi' we' o".

⁵Nyangnu" da" myoug: shi" joem ri ngougbyid ngougnhab yo' sain" kaid ziyo' dakhyoo" ti"- Nyangnu" ri gau yi ngei bu: ziyo' doem shau" yham" zheung yu nhang: we'.

⁶Myoug: shi" ri voin ci: lho: ngau, zoore" thu' loo" mo, gi gug deing: ri khyu: vu, ci: wigi gau yi ngeibu: yoomo jihkoin" khoin" zoore" doem tau" lo boem wa zi nghoid.