Read Lashi COUNG" NGHEI 129 Bible Online

COUNG" NGHEI 129 - Lashi bible

COUNG" NGHEI 129

¹[65] Israela we" nang gi ngi shi" bidnyid mo wigi re" gyivoo joem gi nang ri khasu" shen" yhen bye: da" khyoo: ngoonu" ri tid kyoo" we'.

²Ngoo ngi shi" da" ayo, mo wigi nga" gyivoo joem gi ngoo ri nheig khyeug shoo" amyen: loo- shen" yhen loo bye:. Nghoid loug we' nyangnu" gi ngoo ri ayo" ung: nghoid boem ago".

³Nyangnu" gi nga" da" seing" khung: moo no, sho' dam khoo: tuang byid: boem wigi hau: zigi phoug to" yoothung" pa: ti" du nyid.

⁴Nghoid loug we' deingmain" su: ASEING gi ngoo ri join mo loid byoin loo" nhang: bye:.

⁵Ziun ri ngheing" mo, yugkhang" moo" gi soem" joem: lo" boem ziyo' khaid thu pyam zi shoug goo" baja".

⁶Nyangnu" dangain" bang: gi yhoemkhung: tho' moo: youg jo, lho: ayo" youg gyi: loo shi" ri kyoug shid: lo" da" vufu" myo, joem yhang: ti" bue" loo" goo" baja".

⁷Houg: ziri hang we' cang shoem" deung: yu wa zi anghoid. hau: ziri deung: vu, phang: loo" su" we' hang aboo.

⁸ASEING gi nanu" ri mainkaid byid: nyid baja". ASEING da" myeing: khyang" yo' ngoonu" gi nanu" ri mainkaid byid: ga: wigi so" lid: loo" mo, hang we' tid wa zi anghoid.