Read Lashi COUNG" NGHEI 13 Bible Online

COUNG" NGHEI 13 - Lashi bible

COUNG" NGHEI 13

¹O" ASEING we" ngoo ri kha: yo, ju" sho' to" myhed pyam wa lha". Khanham we' ajang" jha" to" myhed pyam wa la". Khayo, kha: khyeing" ju" sho nga" jhang mo re" myonhoo: gooshoid shu: loo" wa la".

²Ngoo gi kha: yo, ju" sho' noo phyoo" kham zeung: ngu" nyid wa lha". Kha: nyid" ju" sho' nyid" ri myen" ri kougshu: nyid wa lha". Kha: nyid: ju" sho' nyid" ri myen" ri kougshu: nyid wa lha". Nga" da" gyivoo joem gi- kha: yo, ju" sho ngoo re: ung: zo: nyid boem wa lha".

³O" ASEING nga" Mangsoo we"- ngoo ri yu" lho: tu" kaid we'. Ngoo ri yoem: so' yo' doem byeung" loo nhang: we'. Ngoo ri ahain: shid: loo" nhang: shi"

⁴Nga" da" gyivoo joem gi" «Ngoonu" nyang: ri yo" oung: pyam bye:» ga: tid wa akhang" nyangnu" ri: abyid. Ngoo leung soem" loo" yoomo nyangnu" yo" gau yi wa akhang" abyid.

⁵Ngoo gi re" da" jheddab nheug khyeug khyoo: ri daloem nyid. Nang gi ngoo ri khyoid yu wa nghoid yoomo ngoo gi gau, yi ngei pyoo: wa zi nghoid.

⁶O" ASEING we" nang gi nga" tho moo: gi koid nyid yoomo Ngoo gi nang ri coung" nghei lakhyang yhang: nyid wa.