Read Lashi COUNG" NGHEI 130 Bible Online

COUNG" NGHEI 130 - Lashi bible

COUNG" NGHEI 130

¹[66] ASEING we"- nga" nheigloem: thang noeb jo, jang" mo nang ri ngoo yoid mho' nyid.

²ASEING we"- nga" ngau yoid thui: ri tam" gyoo: byid: we'. pang" thoug yu wa shid mo- nga" mho' sang: dang: ri tam" gyoo: byid: we'.

³Ngoonu" da" yooboo joem ri nang to' lhid" xoem" to" byid: nghoid rigi kha: yug gi yooboo dang: phyed jang" mo yo" phang: loid loo" wa lha".

⁴Nghoid loug we' nang gi ngoonu" ri yooboo khyoid pyam byid: nyid. Houg: yoomo ngoonu" gi nang ri gyoug phau" tam" gyo: nyid boem.

⁵Ngoo gi ASEING da" pang" thoug khyoo: ri kang: lung bu lang" nyid wigi Nya: da" mungdang: ri ngoo loem khau: nyid.

⁶Zung" lhoug mo, gi moug: boo" so, ri lang" nyid yhang" ti" nghoid bye:. Lhoug zung" mo, gi moug: boo" so, ri lang" nyid mo, tho' mo je wigi ngoo gi ASEING ri kang: lungbu ziyo' lang" nyid.

⁷Israela byumyu" yi we"- ASEING ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

⁸Nyang: gi nya: byumyu" Israela ri nyangnu" da" youg: noo yooboo dangain" jang" mo khyoid khyi: yu wa zi nghoid.