Read Lashi COUNG" NGHEI 132 Bible Online

COUNG" NGHEI 132 - Lashi bible

COUNG" NGHEI 132

¹[67] ASEING we"- David yo' nyang: kham zo: lid loo bye: khyoo: dangain" ri ato" myhed pyam.

²ASEING we"- nyang: dangsoo" byid: to" ziri we' Yaku da" myhang: thang Mangsoo- nang ri nyang: dang: theing to" ziri we' myid boin: nyid we'. Hau: dang: gi

³Ngoo gi Yaku da" gyi: myhang: Mangso shid re" yhoem: daloem- ASEING shid re" joyoo daloem abain koid koid gi ngoo gi yhoem: khyoo: aloo" wa yhoeb yoo avang wa ngoo gi doug anoo: wa yhoeb we' ayhoeb wa.

⁶Bedlehem voogung moo Dang: Theing Kuid: khyoo: ri ngoonu" shau" gyo: lho: hau: Kuid: ri Yearim da" dain" moo: ngoonu" myang boem bye:.

⁷ASEING yhoem: khyoo: nyhang" yhe: loo" loo: shang- nya: khokham zhungtang shidkhoin" moo nyhang" coung" pid boem shang. Hid: moo: khanham we' danyid nyid we'.

⁸ASEING we' re" da" yoem: so' alhoo: again nghoid da- Dang: Theing Kuid: yo' dage" Mangso Noku Yhoem: Moo" khyoo: ri" we'. Hid: moo: khanham we' danyid nyid we'.

⁹Re" da" khainjung yigi deingmain" da khyoo: ri khanham we' dakoid nyid goo' baja"- re" da" byumyu" yi we' gau yi lho: coung" nyid goo" baja".

¹⁰ASEING we" nang gi re" da" deizoo: David ri dangsoo' khoin" byid: too" bye:- re" da" khyen: to" khokham ri ashe: pyam lhe.

¹¹nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

¹²Re" da" zoo: yigi nga" dangsoo" khoin" yo' ngoo nyangnu" ri byid: to" da" amyeing" dang: joem moo deingmain" nyid boem nghoid rigi nyangnu" da" zooshang: yi we'- ayo, bain sho' moo: re" khyoo: ri shoug" seung: nyid boem wa nghoid ga: tid to".

¹³ASEING gi: Ziun ri khyen: yu bye:- nyang: gi hau: ziri nya: yhoem: koid nau nyid.

¹⁴He: joyoo gi ngoo khokham we' nyid wa joyoo nghoid. He: zigi ngoo khoo" zhung: wa vho: ngei da" joyoo nghoid.

¹⁵Ngoo gi Ziun voogung ri nyang: moo: ca" yo nyid da" khyoo: dangain" ri agoin agoo" pang" thoug byid: wa zi nghoid. Ngoo gi: nya: da" sho" jhen: jang" moo zoo: noem yo" zho" jhoug gyi: loo nhang: wa.

¹⁶Ngoo gi nya: khainjung yi zei: da" moo" zoo" dangain" jang" moo mainkaid byid: wa. Hau: lho: nya: byumyu" yigi ngei pyoo: yoomo jihkoin" khoin" lho: nyho: phau: lo boem wa.

¹⁷He: joyoo moo ngoo gi David da" amyed ashen yi mo dayug ri khokham zeing bue" lo nhang: wa nghoid.

¹⁸Ngoo gi nya: da" gyivoo joem ri sho' phu" nhang: wa nghoid. Nghoid loug we' nya: da" khokham mungdain: gi yo" loo de, lo wigi bug thu' sheing" jhu" loo wa nghoid ga: tid.