Read Lashi COUNG" NGHEI 135 Bible Online

COUNG" NGHEI 135 - Lashi bible

COUNG" NGHEI 135

¹ASEING ri coung" nghei ge' ASEING da" deizoo: yi we"- nya: myeing khyang" ri coung" byid: we'.

²ASEING da" yhoem: vang" khoug: yo' ngoonu" da" Noku Yhoem: Moo" khoug: moo yab jo, da" ASEING deizoo: yi we"- nya: myeing khyang" ri coung" nghei nyid we'.

³Nyang: gi gi su: nghoid yoomo ASEING ri coung" nghei byid: we'. Khasu" wim ga: ri nyang: gi nheig se' khyeug su: nghoid yoomo nya: myeing khyang" ri coung" nghei jihkoin" khoin" nyid we'.

⁴Nyang: Yaku ri khyen: yu zigi Israela gi ASEING nyang: seung: da" byumyu" bue" loo: wa shid re" nghoid.

⁵Ngoonu" da" ASEING gi gyi: sheung: nyid wigi yu phara" joem dangain" tho' moo je gyi: su: nghoid nyid ziri ngoo se' nyid.

⁶Mougkhung: mougdi yo' mougmyid yoosoo" tho' moo: we' panglai: joem yo' no, thang joyoo khyi khang" moo" moo: we' nyang: myid vho: khyo" za: dakoid nyid.

⁷Nyang: gi mougmyid da" lo" thang joyoo mo wigi uglid yo' jhoemmoug" joem ri ci: lo lho: uglid shid re" lhab' ri myeug nhang: ziyo' nya: khoug: lhung mo lid ri phang thu' kaid nyid.

⁸Nyang: gi Egutu meing: mo byu yo' gougnyhoug- zooshid" yi dangain" ziri said pyam bye:.

⁹Hau: meing: moo: nyang: gi khokham phoo yo' nya: zoug: ludaid yi dangain" ziri shen" yhen wa shid re" alhoo: again joem yo' mau" pho" moo" zoo" joem ri toin" shed bye:.

¹⁰Nyang: gi mungdain: joem myoo" sho' ri phyo' shoin pyam lho: khoin" so, bo da" khokham joem ri we' said toem" pyam, bye:.

¹¹Amori yi da" khokham Sihon- Bashan khokham Oga yo' Khanan mung" mo khokham dangain" ri we' said toem" pyam bye:.

¹²Nyang: gi nyangnu" da" mougmyid ri nya: da" byumyu" yi da" lo, moo: ab byid: pyam bye:. Nyang: gi hau: mougmyid joem ri Israela byumyu" yi da" lo, moo: byid: too' bye:.

¹³ASEING we"- nang gi Mangsoo nghoid ziri khanham we' tid fu" nyid boem wa zi nghoid wigi byu ngoug xiyam: dangain" moo: nang ri myid boin: so" nyid boem wa nghoid.

¹⁴ASEING gi nya: byumyu" yiri goem loem byid: nyid wa nyang: gi nya: deizoo: yi da" atho' moo nheig khyeug shoomyen: yu wa nghoid.

¹⁵Gootu: byumyu" yi da" Mangsoo joem gi ngei sheing: joem yo' koid to" zi nghoid wigi hau: zigi byu yi da" lo, yo' koid to" da" soolhoo: joem za: danghoid.

¹⁶Nyangnu" gi nhoid dab, nghoid loug we' ase' meing- myojid" dab, loug we' myo, amyang boem.

¹⁷Nyangnu" gi nu: khyab nghoid loug we' ashoug" gyo: boem- Nyangnu" gi so, khyalang" ayo" she: boem nghoid ago".

¹⁸Hau: ziri koid too" mo, yo' nyangnu" ri loem khoug: bang: dangain" mo, gi nyangnu" koid da" soolhoo: yhang: ti" bue" lo" byoug boem wa zi nghoid.

¹⁹Israeala byumyu" yi we"- ASEING ri coung" nghei nyid ge'- Mangso khainjung yi we"- nyang: ri coung" byid: ge'.

²⁰Levi bi" we"- ASEING ri coung" byid: ge'- nyang: ri coung" pid nyid mo, nanu" dangain"- nyang: ri coung" nghei we'.

²¹Ziun mo wigi we' nya: yhoem: jo, da" Yerusalem mo wigi we' ASEING myeing ri coung" byid: ge'- ASEING ri coung" nghei we'.