Read Lashi COUNG" NGHEI 136 Bible Online

COUNG" NGHEI 136 - Lashi bible

COUNG" NGHEI 136

¹ASEING ri jeju" boin: coung" nghei nyid ge'- Khasu" wim gari nyang: gi gyi: su: nghoid- nya: da" jheddab nheigloem: gi pyaid moo: too: moo: dageung: teung jo.

²Phara" joem dangain" tho' mo gyi: thang su: ri jeju" boin: coung" nghei nyid we'. Nya: jhed khyeing: kang: khyeing: gi pyaid moo: too: moo: dageung: teung jo.

³ASEING yi dangain" tho' moo gi myhang: thang su: ri jeju" boin: coung" nghei nyid we'. Nya: da" jhed khyeing: kang: khyeing: gi pyaid moo: too: moo: dangeung: teung jo.

⁴Nyang: kyeing" za: alhoo: again' zeing joem ri koid shoug nyid. Nya: da" jhed khyeing: kang: khyeing: gi pyaid moo: too: moo: dageung: teung jo.

⁵Nya: da" ung: yeig phajhi" yo' mougkhung: mougdi ri nyang: tam: to" abye:. Nya: jhed khyeing: kang: khyeing: gi pyaid moo: too: moo: dageung: jo.

⁶Nyang: gi no, da" gyid thoem" tho' moo mougmyid yoosoo" ri: zhoug to" abye:. Nya: jhed khyeing: kang: khyeing: gi pyaid moo: too: moo" dageung: teung jo.

⁷Nyang: gi bid yo' lhammoo" ri phain" so: to" abye:- nya: da" jhed khyeing: kang: khyeing: gi pyaid moo: too: moo: dageung: teung jo.

⁸Bid gi nyid" ri vhoebkhang" wa shid re" phain" so: to" abye:. nya: da" jhed khyeing: kang: khyeing: gi pyaid moo: too: moo: dageung: teung jo.

⁹Lhammoo" yo' kyi: ri phain" so: to" zigi myen" ri vhoeb khang" wa shid re nghoid. Nya: da" jhed khyeing: kang: khyeing: gi pyaid moo: too: moo: dageung: teung jo.

¹⁰Nyang: gi Egutu byumyu" yi da" zooshid" yiri said pyam, byid: bye:. Nya: da" jhed khyeing: kang: khyeing: gi pyaid moo: too: moo: dageung: teung jo.

¹¹Nyang: gi: Israela byumyu" yiri Egutu meing: mo shu" thu lo bye:. Nya: da" jhed khyeing: kang: khyeing: gi pyaid moo: too: moo: dageung: teung jo.

¹²Nya: da" yoem: bo lo, yo' yoem: moo" byeung" da" lo, yoem: yo' nyangnu" ri shu" lo bye:. Nya: jhed khyeing: kang: khyeing: gi pyaid moo: too: moo: dageung: teung jo.

¹³Nyang: gi gyid ni, thoem" ri eig khyam" khyo' kho' pyam bye:- nya: jhed khyeing: kang: khyeing: gi pyaid moo: too: moo: dageung: teung jo.

¹⁴Nyang: gi nya: da" byumyu" yiri hau: da" agung khyo" shu" lid lo abye:. Nya: jhed khyeing: kang: khyeing: gi pyaid moo: too: moo: dageung: jo.

¹⁵Nghoid loug we' nyang: gi Egutu khokham yo' nya: da" gyiphung: zeing ri gyid thoem" moo: noeb shid: pyam nhang: bye:. Nya: da" jhed khyeing: kang: khyeing: gi pyaid moo: too: moo: dageung: teung jo.

¹⁶Nyang: gi nya: da" byumyu" yiri dain' pyoid yoo khyo" shu" loo bye:. Nya: jhed khyeing: kang: khyeing: gi pyaid moo: too: moo: dageung: teung jo.

¹⁷Nyang: gi zau: khoin" so, yo' byeung" jo, da" khokham yiri said pyam da:. Nya: jhed khyeing: kang: khyeing: gi pyaid moo: too: moo: dageung: teung jo.

¹⁸Nyang: gi myeing fu" nyid da- khokham yiri yo" said pyam abye:. Nya: jhed khyeing: kang: khyeing: gi pyaid moo: too: moo: dageung: teung jo.

¹⁹Nyang: gi Amori khokham Sihon ri we' said pyam abye:. Nya: jhed khyeing: kang: khyeing: gi pyaid moo: too: moo: dageung: teung jo.

²⁰Nyang: gi Bashan khokham O ga ri we' said pyam bye:. Nya: jhed khyeing: kang: khyeing: gi pyaid moo: too: moo: dageung teung jo.

²¹Nyang: gi nyangnu" da" mungdain: joem ri nya: byumyu" yi da" lo, moo: ab byid: pyam bye:. Nya: jhed khyeing: kang: khyeing: gi pyaid moo: too: moo: dageung: teung jo.

²²Nyang: gi houg: bang: ri nya: deizoo: Israela da" lo, moo: byid: pyam bye:. Nya: jhed khyeing: kang: khyeing: gi pyaid moo: too: moo: dageung: teung jo.

²³Nyangnu" da" soem" joem: loo shau" lo da" uri nyangnu" ri nyang: gi ato" myhed pyam. Nya: jhed khyeing: kang: khyeing: gi pyaid moo: too: moo: dageung: teung jo.

²⁴Nyang: gi nyangnu" ri ngoonu" da" gyivoo joem da" lo, mo loid byoin loo" nhang: bye:. Nya: jhed khyeing: kang: khyeing: pyaid moo: too: moo: dageung: teung jo.

²⁵Nyang: gi phain" so: to" da" dei moo: dei ri zoo: noem byid: zho" nyid. Nya: da" jhed khyeing: kang: khyeing: gi pyaid moo: too: moo: dageung: jo.

²⁶Mougkhung: mougdi mo Mangsoo ri jeju" boin: so" nyid we'. Nya: jhed khyeing: kang: khyeing: gi pyaid moo: too: moo: dageung: teung jo.