Read Lashi COUNG" NGHEI 138 Bible Online

COUNG" NGHEI 138 - Lashi bible

COUNG" NGHEI 138

¹[69] Nga" nheigloem: emyed dangain" yo' ngoo gi ASEING ri jeju" boin: lho: yu phara" joem dangain" mo, da" shidkhoin" moo ngoo gi nang ri coung" nghei jikhoin" khoin" nyid wa.

²Ngoo gi re" da" gyeung" shang: Noku Yhoem: Moo" khyoo: myonhoo: shu"- goeb, pid lho: nang nheig khyeug shoo" myen: khyoo: jeju" boin: coung" nyid wa nghoid. Khasu" wim ga: ri re" myeing khyang" yo' re" da" amyeing" dang: gi dangain" tho' moo: je gyi: je nghoid thang nyid.

³Ngoo mho' yoid nyid da" bidnyid moo nang ngoo ri: tu" byid: lho: re" da" yoem: vhoo" khyo" ngoo ri yoem: boo nhang: nyid.

⁴ASEING we"- mougmyid mo khokham yi dangain"- nang ri coung" nghei nyid boem wa zi nghoid. Khasu" wim ga: ri nyangnu" gi re" da" dangsoo" khoin" ri shau" gyo: boem bye:.

⁵Nyangnu" gi ASEING re" da" khyoo: yo' re" gyi: myhang: myonhoo: phung" yoeb ri yu" lho: jihkoin" khoin" boem wa zi nghoid.

⁶ASEING gi myhang: thang su: nghoid nyid. Nghoid loug we' nheigloem: nyhoem: khyo" mo, ri yu" goin coung: nyid. Nghoid boin: lho: phau: khaung nyid mo, rikoem gi vi: vi: mo nyang: se' too" byid: bye:.

⁷Ngoo ri: yau: khe" kyi" khyeug khyoo: lheung khoem to" uri nang gi nga" kangso' ri lhoug zung" byid: nyid. Ngoo ri: gyivoo joem nheig yo: nyid jang" mo re" da" yoem: moo" yo' khyoid yu byid: nyid.

⁸nang ngoo ri byid: to" da" dang: theing khoin" gi zei: pyeung byid: loo wa zi nghoid. ASEING we"- re" da" jheddab nheigloem: gi athang agoin, dajo, jo- nang kyam: shid" to" da" moo" zoo" gi bain sho' koid pyam loo wa zi nghoid.