Read Lashi COUNG" NGHEI 14 Bible Online

COUNG" NGHEI 14 - Lashi bible

COUNG" NGHEI 14

¹Soozoo: alheung: mo nyangnu" gung nyangnu" tid zigi «Mangsoo anyid» ga: nyangnu" dangain" mo, gi nheigloem: byo, yoin" mo, nghoid wigi aco' ajhoid da" moo" zei: boem bye:. Jo da" moo" se' zei: zigi dayug gyeing" we' aboo.

²ASEING gi yeug mo, si mo, yo' nyang: ri loem khoug: mo, nyid la". Anyid la". Ziri si wa shid re" mougkhung: mo wigi xang: su byu yiri: goeb yu" nyid.

³Nghoid loug we' xangsu: byu yi dangain" mo, gi khyoo: bain vhang" lo" byoug boem bye:. Nyangnu" dangain" mo, dakhyoo" ti" agi ashoeb bang: bue" lo" byoug boem bye:. Nyangnu" moo: ge da" moo" se' zei su: dayug we' aboo- gyeing" nyang: dayug we' aboo.

⁴Nanu" asi, goo" la". He: akhyeing" ashoeb da" byu yigi soo" soo" akhyeung" mo, nyang: danghoid nhung: lha". Nyangnu" gi nga" byumyu" phung: yi jang" mo khyang toug: koid wigi kangso' khu: lho nyangnu" gi nga" jang" moo kha nham we' akyu" amho' boem- ga: ASEING gi tid nyid.

⁵Nghoid loug we' Mangsoo gi nya: dang: tam" gyoo: mo, yo' dage" nyid wigi akhyeung" bang: gi gyoug dain lo" boem wa.

⁶Akhyeing" ashoeb da" byu yigi khyo' nyhoem: su: da" myid soin lo" da" khyoo: ri byo, yoin" loo" nhang: nghoid loug we' ASEING gi nyang: ri zung" lhoug goem coung: nyid.

⁷Israela byumyu" yiri oung: doid lo" khyoo: gi Ziun boem tho' mo thu loo wa shid re" ngoo akyu" mho' nyid. ASEING gi Israela byumyu" yiri dalheing: doem nyid gi yab ge loo nhang: uri atho' tid loo sho' gau yi ngei pyo: boem wa nghoid.