Read Lashi COUNG" NGHEI 142 Bible Online

COUNG" NGHEI 142 - Lashi bible

COUNG" NGHEI 142

¹[72] Ngoo gi pang" thoug zi shoug" wa shid re" ASEING ri mho' yoid. Ngoo gi nyang: ri mho' tung" pain bye:.

²Nga" da" yau, nhoug khyoo: joem dangain"- nya: jang" moo: ci: lo lho: Nga" yau: khe" khyoo: dangain" we' nyang: ri tid kyo.

³Ngoo yoem: neung: lo" ri khasu" koid wa ziri nyang: se' nyid. Ngoo so" lo" da" khyoo: moo nga" gyivoo joem ngoo ri: myhi' yu wa shid re" gyoin: gau" du: to" boem bye:.

⁴Nga" lo, qei: lo, yoo khyoo: yu" kaid ri ngoo ri pang" thoug wa su:- dayug we' amyang. Ngoo ri goem loem byid: wa su: dayug we' anyid: ziri: ngoo myang- ngoo ri yu" coung: su: dayug we' anyid.

⁵ASEING we"- pang" thoug wa shid re" ngoo nang ri mho' yoid ngau, nyid ASEING nang gi nga" goem loem su: yo' nang kyeing" za: he: pyaid goin" moo ngoo vho: yhouggyen: nyid su: nghoid.

⁶Ngoo gi nheig koug nheig shu: joyoo khyoo: noeb vang loo" yoomo ngoo ri pang" thoug wa shid re" yoid ngau thui: ri tam" gyoo: byid: we'. Nga" gyivoo joem da" lo, mo khyoid yu byid: we' nyangnu" gi nga" tho' mo yoem: je boo mo, nghoid ago".

⁷Nga" yau: khe" kyi" khyeug khyoo: mo ngoo ri loid byoin loo" nhang: we'. Houg: lang" re" byumyu" yi da" zeung: foem jang: moo ngoo gi nang ri coung" nghei nyid wa Khasu" wim ga: ri nang gi: nga" tho' moo: ge lho' nyid.