Read Lashi COUNG" NGHEI 143 Bible Online

COUNG" NGHEI 143 - Lashi bible

COUNG" NGHEI 143

¹[73] ASEING we"- nga" da" akyu" mho' thui: ri tam" gyoo: byid: we'. Re" da" deingmain" khyoo: moo nga" mho' yoid da" dang: ri gyoo: byid: we'. Re" da" nheigloem: zung" khyoo: moo: ngoo ri tu" byid: we'.

²Re" da" deizoo: ngoo ri tarha" dang: phyed khyoo: ashoug" nhang:- Re" shidkhoin" moo: yooboo ayo" zi dayug we' anyid.

³Nga" gyivoo joem gi ngoo ri cang khaid myhi: lo ziyo' ngoo ri bain" sho' nyang: oung: pyam, boem bye:. nang gi ngoo ri moug: coid thung: khoug: moo kaid to" lho: ngoo ri: goonham, ayo, mo shid: loo" bang: ti" danghoid lo:.

⁴Houg: yoomo ngoo gi asoem" kham' pyam, wa zi jen" jen" danghoid lo- Ngoo gi gyisho' nheigloem: thang zi shoug" nyid bye:.

⁵Ngoo gi: lid: loo" bye: da" bidnyid joem ri daboin: so" nyid. nang koid shoug loo bye: da" moo" zoo' joem dangain" ri myid soin: yu" nyid ngoo gi re" da" lo, moo" joem dangain" ri damyid yu" nyid.

⁶Ngoo gi nga" lo, ri re" jhang khyoo: yhoin" to" lho: akyu" damho' nyid. Moug: kyug gang: yhang: ti"- nga" soozoo: gi nang ri gyid su: dashed nyid.

⁷ASEING we"- ngoo ri akhid" nyang: tu" byid: we' nga" nheig byu jang: dangain" thang byug bye:. re" myonhoo: nga" jang mo goo" khyoo: alheung: loo. hougsu" anghoid rigi moovo moug khyo: vang lo" byug bye: bang: da" khoug: khyoo: ngoo bo vang lo' wa nghoid.

⁸Nang ri ngoo loem khau: nyid yoomo nab soin: khang" moo" re" da" geung: teung jhed khyeing: kang: khyeing: gi ngoo ri datid poin" nyid we'. Nga" noku da" thui: joem gi re" jang" moo: kyang ju" loo bye:- ngoo soo" eung: khyoo: ngoo ri toin" shed byid: we'.

⁹ASEING we"- goem loem byid: wa shid re" re" jhang khyoo: ngoo re" lo nyid ri nga" gyivoo joem da" lo, mo ngoo ri khyoid yu byid: we'.

¹⁰nang gi nga" da" Mangsoo nyang: nghoid bye:- nang myid vho: khyo" yo" zei: wa shid re" ngoo ri jhau" byid: we'. Ge lho, da" khyoo: ri toin" shed byid: wigi gau: nyu: da" khyoo: khyo" ngoo ri vhu" shi: byid: we'.

¹¹ASEING we"- re" da" dangsoo" byid: to" ziyo' dakhyoo ti" ngoo ri: xue: yu we' re" da" ge lho' khyoo: khyoo: nga" yau: khe" kyi" khyeug khyoo: mo khyoid khyi: yu byid: we'.

¹²Ngoo ri: nang jheddab nyid yoomo nga" gyivoo joem ri: said pyam byid: we'. Ngoo gi re" da" deizoo: nghoid nyid yoomo ngoo ri doin: zeig zo: nyid mo, dangain" ri mhoin' pyam, byid: we'.