Read Lashi COUNG" NGHEI 146 Bible Online

COUNG" NGHEI 146 - Lashi bible

COUNG" NGHEI 146

¹ASEING ri coung" ngei ge o" nga" soozoo: we"- ASEING ri coung" nghei nyid we'.

²Ngoo dei nyid daloo gyoo: moo- nyang: ri: coung" nghei nyid we'. Nga" kang: so' gyoug: khyoo: bain: sho' moo Mangsoo ri jihkoin" dakhoin" nyid wa nghoid.

³Xangsu: byu mo zoug: yiri nanu" aloem khau: nyid goo"- Xangsu: byu yi hang" we' nanu" ri yo" khyoid yu wa zi anghoid.

⁴Nyangnu" shid: loo" lang" gi myidzhoo" khyoo: doem tau" vang loo" goo" wa zi za: nghoid. Hau" bidnyid moo: nyangnu" myid too" khyoo: joem dangain" we' thang lo" byug wa zi nghoid.

⁵Yaku da" Mangso pang" thoug khyoo: yo" yu su: yo' ASEING nya: Mangsoo moo: khau: nge: nyid su: gi ngilhoo' su: nghoid nyid.

⁶Nyang: gi: mougkhung: myidjang panglai: yo' hougmoo: nyid zi jo, zi dangain" ri phain" so: too" su: nghoid. Nyang: gi nya: da" dangsoo" khoin" joem ri zoem ci: su: nghoid nyid.

⁷Nyang: gi doin: zeug zi shau" nyid mo, da" shid re" dang: phyed byid: lho: zooyoid su: ri zoo: noem byid: nyid. ASEING gi thung: lung" bang: ri loid byoin lo nhang: lho:

⁸Myo, jed su: ri myo, myang loo nhang:- nyang: gi: leung jo, mo, ri lang: tu: kaid lho: nya: deing byeung byu yiri jheddab nyid.

⁹Nyang: gi: mungdain: mo being" voo joem ri goem loem byid: lho: coug" zoo: cougmoo" yiri pang" thoug byid: nyid nghoid loug we' akhyeung" mo, da" khyoo: rigi nyang: byo, yoin' lo" nhang: wa zi nghoid.

¹⁰ASEING gi apyaid atoo: moo: khokham" koid wa zi nghoid- O" Ziun we"- re" da" Mangsoo gi pyaid yang: thang moo khoo" zhung: wa nghoid. ASEING ri coung" nghei we'.