Read Lashi COUNG" NGHEI 149 Bible Online

COUNG" NGHEI 149 - Lashi bible

COUNG" NGHEI 149

¹ASEING ri coung" byid: ge'. ASEING ri jikhoin" dang: seig yo' khoin" ge'. Nya: nheigloem: zung" da" byumyu" yi mo, phung: gung moo nyang: ri coung" byid: we'.

²Israela byumyu" yi we"- nanu" ri phain" so: to" da" ASEING yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

³Nya: myeing khyang" ri goo" nhoin' lho: coung" byid: ge'. Zeing baid mang" thoung wigi teing joem ri baid lho: wigi nyang: ri coung" byid: nyid we'.

⁴ASEING gi nya: byumyu" yiri vho: ngei nyid wigi khyo' nyhoem: nyid bang: ri oung: doid ziyo' myonhoo: ngi: shab byid: nyid.

⁵Mangso byumyu" yigi nyangnu" oung: doid loo" khyoo: moo gau, yi ngei pyo: nyid goo" baja"- gau, yi ziyo' damyen goin" jikhoin" lid jhoem" kaid nyid goo" baja".

⁶Mangsoo amyeing" byid: to" ziyo' dakhyoo" ti" byumyu" yi da" mungdain: ri oung: loo" wa shid re" byumyu" cang: joeb, bang: ri yooboo dam, kaid byid: wa shid re.

⁷Nyangnu" da" khokham yiri myheug she: yu wa shid re" Nyangnu" da" vhujhung: yiri jang co" wigi tei" she: loo" goo" wa shid re"

⁸Byumyu" dangain" bang: ri yooboo dam, byid: wa shid re" nyangnu" gi tho' da" sham: pyeing" ri lo, moo: ci: lho: gyi" sho' zeug nyho: lho: wigi Mangsoo ri coung" nghei goo" baja".

⁹He: khyoo: gi Mangso byumyu" yi da" oung: doid lo" khyoo: nghoid ASEING ri coung" nghei nyid we'.