Read Lashi COUNG" NGHEI 16 Bible Online

COUNG" NGHEI 16 - Lashi bible

COUNG" NGHEI 16

¹O" Mangsoo we"- ngoo gi nang riza: loem khau" nyid. Houg: yoomo ngoo ri lhoug zung" goem coung: byid: we'.

²«nang gi nga" ASEING nyang: nghoid ngoo shoug" kham zo: da" ge khyoo: dangain" gi re" jang" mo za: nghoid» ein: ngoo ASEING ri tid nyid.

³ASEING da" nheigloem: zung" byu yigi khayhi' ge thang lha". Ngoo vho: ngei thang da" zigi houg: bang: yo' dage" bo shoug" nyid wa shid re" nghoid.

⁴Goo tu: da" yu phara" khyoo: moo: cang khaid loo mo, gi atho' tid da" sho" jhen kyi" khyeug khyoo: thoung" shoug" zoo: goo" wa zi nghoid. Ngoo gi nyangnu" da" xoin" to' jang: moo: bo loem wa zi anghoid.

⁵Nang gi dangain" da" ASEING nghoid lho: ngoo vho: ca" nyid khyoo: dangain" ri nang gi ngoo ri byid: nyid. Nga" ju" loo wa khyoo: dangain" gi re" lo, khoug: moo: za: bo nyid.

⁶Nang ngoo ri byid: da" jeju" joem gi khayhi' mau" pho" zi nghoid lha". Houg: gi khayhi' ge zi nghoid lha".

⁷ASEING gi ngoo ri: khyoo: shed byid: nyid yoomo ngoo gi nyang: ri coung" nghei nyid lho: nga" myid soin: emyed ri myen" ayo, moo ngoo ri: tid poin" khyoo: shed byid: nyid.

⁸ASEING gi ngoo yo' khanham we' dage" nyid ziri ngoo se' nyid. Nyang: gi nga" nam tain" moo: nyid yoomo ce: noem we' ngoo ri yo" leu" nhang: wa zi anghoid.

⁹Hougsu" nghoid yoomo ngoo nheugshid: yoem: yo" yu. Gau yi lho: ce" gyi we' aboo loo: myenjham" nyid bye:.

¹⁰Khasu" wim gari nang gi ngoo ri moo: vo, moug: yoem: so' mo goem loem yu byid: bye:. Hau: lho: nang jheddab su: ri- moo: vo, moug: moo: she: pyam, too" wa zi anghoid.

¹¹Nang gi ngoo ri kangso' dei wa da" khyoo" moo toin" shed byid: wa nghoid. Nang gi nga" da" nam, moo: nyid yoomo ngoo gi gau yi ngei pyo: ziyo' apyaid atoo: moo: myenjham" nheugdeug nhang: nyid bye:.