Read Lashi COUNG" NGHEI 19 Bible Online

COUNG" NGHEI 19 - Lashi bible

COUNG" NGHEI 19

¹Mougkhung: gi Mangso phung" yoeb ri di: di: pang shoug nyid. Nya: da" lo, moo" lo, doo joem ri jang jang za: toin" shed nyid.

²Danyid" yo' danyid" ri Mangso phung" yoeb tid kyo" nyid. damyen gi Mangso lasi phajhi" byid: nyid.

³Ce: thui: we' athu ce: dang: we' atid. Ce: myeing" thui: we' ashoug" gyoo.

⁴Nghoid loug we' nyangnu" da" lu dang: gi mougmyid dagyab goin" khyoo: ju" lo" lho: hau: lu dang: gi mougmyid gyab, thang sho' shau" gyo: loo" bye:. Mangsoo gi mougkhung: moo: bid shid re" yhoem: daloem: koid to".

⁵Hau: da" bid gi nab kyo da" ayo, moo lo, xo' yab mo thu lo da" phoo seig yhang: ti" we' gei shi, go" da" phoo gi yhang: ti" we' gei thu re".

⁶Nyang: gi mougkhung: dashoid mo zi dashoid khyoo: ju" loo" sho' leung goem: yen. Nya: da" nge" lung jang" mo hang" we' yo" loid wa zi aboo.

⁷Aseing: da" tarha" gi joeb byeung" nyid yoomo yoem: vhoo" aseig ri lung: byid: nyid. Aseing: da" dangsoo" khoin" gi loem ge" nyid. Phajhi' abo mo, ri phajhi" byid: nyid.

⁸Aseing: da" tarha" gi deungmain" zi nghoid yoomo tam" gyo: loo" mo, ri ngei pyoo: nhang: nyid. Aseing: da" dangsoo" khoin" joem gi deungmain" zi nghoid yoomo nheigloem: emyed moo: se' loo nhang: nyid.

⁹Aseing: ri gyoug phau" khyoo: gi ge khyoo: nghoid. Hau: zigi apyaid atoo: moo: geung: teung jo, nyid wa. Aseing: da" dang: phyed khyoo: gi deungbyeung" nyid yoomo hau: zigi khanham we' nyeung veung" nyid.

¹⁰Hau: zigi gyeung" thang da" sheung: tho' agoo- je vhoo: ge nyid. Hau: zigi gyeung" thang da" byoo: yhed: tho' moo: je cau: nyid.

¹¹Hau: zigi re" dei zoo: ngoo ri lasi phajhi" byid: nyid. Ngoo gi hau: khyoo: ri cang loo" yoomo ngi: shab jhungshug byid: zi shoug" nyid.

¹²Hang" nghoid loug we' nyang: shoid da" yooboo ri ayo" myang Asi, amyang da" shoid vhang: khyoo: mo ngoo ri khyoid yu we'.

¹³Pa: yhi: koid da" yooboo mo we' khyoid yu we'. Hau: yooboo gi nga" tho' moo: avhoeb nhang:. Houg: lang" za: ngoo gi joeb byeung" su: bue" lo wigi akhyeung" da" yooboo mo yo" loid loo" wa nghoid.

¹⁴Nga" da khoug: loo lug ug nghoid lho: ngoo ri khyoid yu da" ASEING we" nga" da" nhoid mo thu da" dang: khoin" yo' nheigloem: mo myid soin: thu lo da" khyoo: gi re" shidkhoin" moo: re" da" nheugdeug jang: bue" loo nhang: we'.